Saǵadıev: Keshki saǵat 6-dan keıin ata-analardy balalaryna jiberý kerek
Ata-analardyń 50 paıyzy 11 jyldyń ishinde mektepterge múldem kelmeıdi. Bul týraly búgin QR Úkimeti otyrysynda elimizdiń Bilim jáne ǵylym mınıstri Erlan Saǵadıev málim etti, dep habarlaıdy QazAqparat.
«Ata-analardyń balalardy tárbıeleýdegi róli men jaýapkershiligi tómendep ketti. Ata-analar únemi jumysta bolǵandyqtan balanyń tárbıesimen aınalysýǵa ýaqyty bolmaıdy. Onyń ishinde memlekettik qyzmetkerler de kóp. Qazirgi ýaqytta tek 10-12 paıyz ata-analar ǵana mekteptegi jınalysqa qatysady. Bizdiń esebimiz boıynsha ata-analardyń 50 paıyzy 11 jyldyń ishinde mektepterge kelmeıdi. Bizdiń oıymyzsha, ata-analardy saǵat 6-dan keıin ýaqytynda úılerine, balalaryna jiberý tájirıbesin bastaý qajet», - dedi E.Saǵadıev.
Sonymen qatar mınıstr psıhologtardy daıyndaý úshin, sondaı-aq balalarǵa psıhologıalyq kómek berýdiń biryńǵaı zamanaýı metodologıasy qajet ekenigin basa aıtty.
«Qazirgi ýaqytta IýNISEF balalar qorymen birlesip, ǵylymı negizde arnaıy baǵdarlama jasaldy. Atalǵan baǵdarlama Shyǵys Qazaqstan oblysynda beıimdeýden ótip, osy jyldan bastap alty óńirde Almaty qalasynda, Aqtóbe, Shyǵys Qazaqstan, Qyzylorda, Mańǵystaý jáne Ońtústik Qazaqstan oblystarynda engizilip jatyr», - dedi ol.
You Might Also Like
-
Fızıka salasy boıynsha 2016 jylǵy Nobel syılyǵynyń laýreattary belgili boldy, dep habarlaıdy "Habar 24".
-
Qazaqstanda mektep túlegi júrgizýshi kýáligin alyp shyǵatyn bolady. Bul týraly búgin QR Úkimeti otyrysynda elimizdiń Bilim jáne ǵylym mınıstri Erlan Saǵadıev málim etti, dep habarlaıdy QazAqparat.
