Saǵadıev mektep psıhologtarynyń aılyǵyn kótermek
Bilim jáne ǵylym mınıstrligi mektep psıhologtarynyń jalaqysyn kóterý máselesi qarastyrýda. Bul týraly búgin QR Úkimeti otyrysynda elimizdiń Bilim jáne ǵylym mınıstri Erlan Saǵadıev málim etti, dep habarlaıdy QazAqparat.
«Mınıstrlik tarapynan atqarylyp jatqan jumystarǵa qaramastan áli de kóptegen problema bar. Qazirgi ýaqytta aılyqtary az bolǵandyqtan psıhologtar men áleýmettik pedagogtar mektepterde jıi aýysady. Mektepterdi psıhologtarmen qamtamasyz etý orta eseppen 98 paıyzdy, áleýmettik pedagogtar 80 paıyzdy quraıdy. Jalpy psıhologtar bar, biraq, olardyń aılyqtarynyń kólemin qarastyrý kerek. Osyǵan oraı tıisti usynystardy daıyndap otyrmyz, sodan keıin engizetin bolamyz», - dedi mınıstr.
Sonymen qatar ol mektepterde polısıa ınspektorlary jetispeıdtindigin, olar tek 46 paıyzǵa qamtylǵandyǵyn atap ótti.
«Qalyptasqan problemany sheshý úshin bir ınspektor birneshe mektepke bekitilgen kúnniń ózinde, olar mektepterge baryp jumystaryn jasap, mınıstrlikke qosymsha esep berýi qajet dep sanaımyz. Biz máseleni ary qaraı İshki ister mınıstrligimen birge qarastyratyn bolamyz», - deldi Saǵadıev.
You Might Also Like
-
- Óz úıime qaıtamyn! - dedi bala. Aınala turǵandar balanyń sózine jamyraı kúlisti. - Áı, óz úıińde ne bar?! - dedi kúlip osy jerde turǵan úlken apaılardyń biri balaǵa. - Ne bar óz úıińde?! ...
-
Jergilikti organdar mektepterdi beınekameralarmen jabyqtaý úshin arnaıy baǵdarlama ázirleýi qajet. Bul týraly búgin QR Úkimeti otyrysynda elimizdiń Bilim jáne ǵylym mınıstri Erlan Saǵadıev málim ett...
