Saǵym bop aqqan san jyldar,
Sarpańǵa meni saldyńdar.
Taǵdyrlas maǵan, taǵdyrlar,
Qaı jaqqa ketip qaldyńdar?
Saırandap kúnde keleti
Saıaly baqqa bara bar;
San etin oıyp beretin,
Qaı jaqta júrsiń, aǵalar?
Qanattyǵa qaqtyrmaı,
Qamqorshym ediń jem berer.
Aıdynda júzgen aqqýdaı,
Qaıdasyń, qaıran jeńgeler?
Sotqar bop meni esirgen,
Qolymnan tizgin tartpadyń.
Saqalyna orap ósirgen,
Qaı jerde júrsiń, qarttarym?
Mendegi qyzyq taǵdyrǵa,
Jastaryn súrtip qaraǵan.
Qaı jaqqa ketip qaldyndar,
Bir anam emes, bar Anam?
Kóp jyldar ótti, kóp kúnder.
Halimdi suramaı báriń,
Qaı jaqqa aýyp kettinder,
Taýymnyń quralaılary?
Janyma jaıǵasyńdar,
Jan sala shyńǵyramyn:
O, qaıda, qaıdasyńdar!
Taǵdyrlas qurbylarym?

---