InfoHub Logo

Sabaq jospary
Ádebıet 5 - synyp
Sabaqtyń taqyryby: S. Seıfýllın «Aqsaq kıik»
Sabaqtyń maqsaty:
1. Bilimdilik: aqyn jaıly biletin málimetterdi tyńdaı otyryp jańa maǵlumattar alýyna jaǵdaı jasaý, «Aqsaq kıik» óleńiniń taqyryby men ıdeıasyn ashý.
2. Tárbıelik: oqýshylardy adamgershilikke, izgilikke baýlý, eljandylyqqa tárbıeleý.
3. Damytýshylyq: óz betinshe taldaý, zertteý jumystaryna mashyqtanyp, túıindi oı, ózindik pikir qalyptastyrýyna jaǵdaı jasaý.
Sabaqtyń tıpi: jańa bilimdi meńgertý
Sabaqtyń ádisi: suraq - jaýap, túsindirý, taldap oqý, izdendirý, satylaı keshendi taldaý, esse.
Sabaqtyń kórnekiligi: ınteraktıvti taqtadan prezentasıalyq slaıdtar
Pánaralyq baılanys: tarıh, mýzyka, kıno óneri

Sabaqtyń barysy:
1. Uıymdastyrý kezeńi
Cálemdesý, nazardy sabaqqa baǵyttaý
2. Úı tapsyrmasyn tekserý
1. Oqýlyqtan Jambyldyń ómiri men shyǵarmashylyǵy týraly málimetti
2.«Ótegen batyr» dastanynyń unaǵan shýmaqtaryn jattaý.

3. Jańa taqyrypty túsindirý:
Balalar, óleńniń bastapqy joldarynda baıandalǵan Arqa, Betpaqdala týraly málimet bere keteıin. Arqa, ıaǵnı Saryarqa Ortalyq Qazaqstandy alyp jatqan aımaq. Batysynan shyǵysyna deıin 1200 km óńirdi alyp jatyr. Betpaqdala osy saryarqada ornalasqan, batysy sazdy, shyǵysy tasty qumdy, shóldi jer.
Kıik degenimiz ne? Kıikti qazaq aqbóken dep te ataıdy. Kıik shóldi jerdi mekendeıdi. Onyń múıizi medısınada dári – dármek jasaý úshin paıdalanylady. Eti men múıizi baǵaly.
Adamdardyń qataldyǵy men tabıǵattyń erekshe bir sulý tóli kıiktiń dármensizdigi, álsizdigi qarama qarsy alynyp, adamdardyń taǵylyǵyn, meıirimsizdigin kórsetý – shyǵarmanyń negizgi máselesi. Baıaǵyda myń - myńdap órgen kıiktiń búginde neken - saıaq bolyp qalǵanyn, olardyń sulýlyǵyn asqaqtata jyrlaǵan aqyn shyǵarmasynyń negizgi ıdeıasy – osy qatygezdikti áshkereleý. Qyzyl kitapqa engen kıeli janýardyń sany sonshalyq kemip qalýy jaıdan - jaı emes - aý
Elektrondy oqýlyqpen jumys
(Elektrondy oqýlyqtan «Aqsaq kıik» óleńi mánerlep oqylady).

4. Kýbızm ádisi
1. Sýrette. Kıiktiń sulýlyǵy óleńde qalaı sýrettelgen?
2. Salystyr. Adam men kıiktiń túr - álpetin salystyr
3. Zertte. Kıik týraly ne bilemiz?
4. Qoldan. Adamdardyń meıirimsizdigi, kıiktiń álsizdigi qalaı beınelengen?
5. Talda. Adamdardy meıirimsizdikke ıtermeleıtin ne nárse? Nelikten adamdar kıik atýǵa qumar?

5. Bes joldy óleń
Kıik
Dármensiz, sulý
Qashady, ustalady, muńaıady
Kıikter – tabıǵattyń erekshe tóli.
Aqbóken.
4. Túsinik tekserý:
1. Oqýlyqpen jumys:
• Mánerlep oqý.
• Túsiniksiz sózderdi qaryndashpen belgileý.
2. Sózdikpen jumys
Interbelsendi taqtadan búgingi taqyryp boıynsha túsindirýdi qajet etentin sózder kórsetiledi.
• Qý baıalysh – shóptiń ataýy.
• Segiz kóshtik – uzyndyq ólshemi.
• Tańa – janýardyń ásem, sulý músini.
• Qos – shatyr kúrke.
• Betege – shóp ataýy.
• Taqtadaǵy sózderdi dápterge jazý.

5. Jańa sabaqty bekitý:
Shyǵarmashylyq jumys.
1. Óleń mazmunyna súıene otyryp, óleń ishinen tabıǵat kórinisi, kıiktiń sulý músini, múshkil halin sýrettegen joldardy taýyp, óz sózimizben aıtyp kórelik.
(Oqýshylar óleńnen taýyp aıtady.)
2. Óleńnen aqynnyń qandaı beıneli sózderin baıqadyq?
Eleńdep jas balasha jaýtańdaıdy – teńeý.
3. Suraq jaýap
• «Aqsaq kıik» óleńiniń taqyryby ne?
• S. Seıfýllın «Aqsaq kıik» óleńi arqyly jas urpaqqa ne aıtqysy keldi?
• Tabıǵatty qorǵaý, jan – janýarlardy qorǵaý týraly qandaı maqal – mátelder bilesińder?
4. Balalar biz búgin ne bildik, ne úırendik?

Insert ádisi
Bilemin
Men úshin jańalyq
Bilgim keledi

6. Sabaqty qorytý:
1. Baǵalaý
2. Úı tapsyrmasyn berý.
1. S. Seıfýllınniń ómiri men shyǵarmashyly týraly málimet jınaý
2.«Aqsaq kıik» óleńin mazmundaý, ózderińe unaǵan jerin jattaý.