InfoHub Logo

Qazaq tili 2klass
Sabaqtyń taqyryby: San esim
Sabaqtyń maqsaty: San esim týraly túsinik berý jáne san esimniń zattyń sanyn, retin bildiretinin uǵyndyrý.
Sabaqtyń mindetteri:
1. San esimniń sóz taby ekenin túsindire otyryp, san esimge suraq qoıa bilýge úıretý.
2. Aýyzeki jáne jazba tilin damytý, sózdik qorlaryn, oılaýyn, tanym qabiletterin arttyrý.
3. Adamgershilik qasıetterge, uqyptylyqqa tárbıeleý.
Kórnekilikter: tirek - syzba, sújetti sýretter, kespe qaǵaz, ınteraktıvti taqta, slaıd
Ádis - tásilder: suraq - jaýap, túsindirý, óz betimen jumys, birin - biri baǵalaý, kórneki, taldaý, salystyrý.
Túri: aralas

Sabaqtyń barysy: İ. Uıymdastyrý
1. Psıhologıalyq daıyndyq.
- Eki kóziń ne úshin kerek?
- Jaqsylardy kórý úshin.
- Eki qulaǵyń ne úshin kerek?
- Aqyl - keńes tyńdaý úshin.
- Eki qolyń ne úshin kerek?
- Elge kómek berý úshin.
- Eki aıaǵyń she?
- Shette júrsem, týǵan jerge qaıtý úshin.
2. Sabaqtyń maqsatyn habarlaý

İİ. Úı tapsyrmasyn tekserý. Ótken materıaldy «Iá, joq» oıyny arqyly pysyqtaý.
Oıynnyń maqsaty: Tez oılaýǵa, shapshańdyqqa baýlý.
Oıynnyń sharty: Ótilgen sóz taptaryna baılanysty suraqtar qoıý. Eger suraq durys bolsa, «ıá» dep, durys emes bolsa «joq» dep jyldam jaýap berý kerek. Mysaly, syn esimniń suraqtary Qandaı? Qaı? (ıá), «Uqypty» sózi etistikke jatady (joq) t. b. suraqtar qoıylady.
İİİ. Jańa sabaq.
Dáptermen jumys.
1. Kórkem jazý
2. Orfografıalyq - sózdik jumysy.
Interaktıvti taqtamen jumys. Taqtada berilgen sózderdi eki baǵanǵa toptap jazyńdar.
Buǵy, ǵaryshker, toǵyz, ekinshi, kitaptar, on bes, taıaq, elý besinshi, úıshik, tórteý.
- Nelikten olaı toptadyńdar?
- Ár sózge suraq qoıamyz.
- Ekinshi baǵandaǵy sózderge qandaı suraqtar qoıyldy? ( Qansha? Neshe? Neshinshi? Nesheý?)
Bul sózder zattyń nesin bildirip tur? Olaı bolsa, búgingi sabaǵymyzdyń taqyryby sóz taptarynyń biri «San esim». San esim degenimiz ne?
Qorytyndy shyǵarý. (oqýshylardyń ereje shyǵaryp, qorytyndylaýy)
Zattyń sanyn, retin bildiretin sózderdi san esim deımiz. San esimderge qansha? neshe? neshinshi? degen suraqtar qoıylady.
Eki, úshinshi sózderine aýyzsha sóılemder quraý, suraqtar qoıý.
Tirek - syzbamen jumys (aýyzsha)

Sóz taptary
Zat esim
Etistik
Syn esim

Tirek - syzbamen jumys (jazbasha). Syzba boıynsha sóılem qurap, san esimniń zat esimmen baılanysyn kórsetý.

Sóz taptary
Zat esim
Etistik
Syn esim
San esim

Oqýlyqpen jumys. Erejeni túsinip, mánerlep oqý.
477 - jattyǵý (aýyzsha). Óleńdi tıisti daýys yrǵaǵymen oqyp, berilgen suraqtarǵa jaýap berý, taldaý.
Sergitý sáti
Jalǵyz saýsaq tipti de,
Ustaı almas jipti de.
Eki saýsaq birikti,
Ine qolǵa birikti.
Úsh saýsaǵym oramdy
Júgirtedi qalamdy.
Ónerli eken on saýsaq
Qala salsaq, jol salsaq.

448 - jattyǵý. Jumbaqty oqyp, jatqa jazý. San esimderdiń astyn syzyp, qaı sózben baılanysyp turǵanyn anyqtaý. Sheshýi: dombyra. Dombyra týraly áńgimeleý.
Oıyn: «Oınap otyr, oılap otyr»
Oıynnyń maqsaty: Balanyń tanym qabiletin, zeıinin damytý, shapshań oılaýǵa úıretý.
Kespe qaǵazdarmen jumys. Ár oqýshy aldyna qaǵazdar taratý, kespe qaǵazda berilgen sózderdiń ishinen artyq sózdi jyldam taýyp qaı sóz tabyna jatatyndyǵyn anyqtaý.

449 - jattyǵý. (óz betimen) Rebýsty shesh. Sheshýindegi sózdi qatystyryp sóılem qura.
Sheshýi: Júz eki

İV. Qorytyndylaý. Test arqyly birin - biri baǵalaý.
1. Zattyń sanyn bildiretin sóz taby –
A) zat esim
Á) syn esim
B) san esim
2. San esimniń suraqtaryn belgile.
A) Qandaı? Qaı?
Á) Qansha? Neshe? Neshinshi?
B) Ne istedi? Qaıtti?
3. Neshinshi suraǵyna jaýap beretin sózdi tap.
A) besinshi
Á) bes
B) beseý
4. San esimdi tap.
A) sana, oqy
Á) jıyrma, úsh júz
B) bıyl, byltyr
5. Sóılemnen san esimdi tap. Oljas birinshi oryn aldy.
A) Oljas
Á) birinshi
B) oryn
V) aldy.

V. Úıge tapsyrma
Vİ. Sabaqty bekitý.
Vİİ. Baǵalaý