InfoHub Logo

Atyraý qalasy, №1 Mektepke deıingi avtorlyq gımnazıanyń
qazaq tili pániniń muǵalimi Ibragımova Elmıra Imashevna
«Sandar álemine saıahat» taqyrybyndaǵy uıymdastyrylǵan oqý is - áreketiniń tehnologıalyq kartasy.

Bilim berý salasy: Qatynas
Uıymdastyrylǵan oqý is - áreketiniń túri: Qazaq tili
Toby: Eresekter
Taqyryby: Sandar álemine saıahat
Maqsaty: 1 - den 10 - ǵa deıingi sandar qatary týraly alǵan bilimderin bekitý. Sandardy basqa sózdermen baılanystyra qoldanyp aıta alý daǵdylaryn qalyptastyrý. Shapshańdyqqa, tez oılap, qazaq tilinde durys jaýap bere alýǵa úıretý. Balalardyń tanymdyq jáne logıkalyq bilimderin arttyrý.
Qoldanylatyn kórnekilikter men qural - jabdyqtar: ınteraktıvti taqta men qalamy, dop, teksheler.
Ádis - tásilderi: suraq - jaýap, pıktogrammen jumys (mnemotehnologıa), ınteraktıvti flıpchart - oıyn túrleri, dıdaktıkalyq - qımyldyq oıyny.
Qostildilik (bılıngvaldi) komponent: nól – nol, bir – odın, eki – dva, úsh – trı, chetyre – tórt, bes – pát, alty - shest jeti – sem, segiz – vosem, toǵyz – devát, on – desát.
Oqý is - árketiniń kezeńderi Pedagogtiń is - áreketi Balalardyń is - áreketi
Motıvasıalyq - qozǵaýshylyq - Sálemetsińder me, balalar!
- Sálemetsiz be!
«Shattyq sheńberi»
Qýanamyn men de,
Qýanasyń sen de,
Qýanaıyq, dostarym,
Jarqyraǵan kúnge!
«Ǵajaıyp sát».
- Balalar, búgin bizder «Sandar álemine» saıahatqa baramyz (osy kezde «Masha men aıý» múltfılminiń keıipkeri Mashanyń daýysy shyǵady).
- Sálem, Masha!
- Sálem, balalar! Men aıý dosyma kele jatyr edim. Senderdiń «Sandar álemine» baratyndaryńdy estidim. Meni de ala ketińdershi. Kelesi jyly men mektepke barmaqpyn. Sondyqtan qazaqsha sanaýdy úırengim keledi.
- Jaraıdy, Masha, endeshe balalarmen birge sen de qazaqsha sanaýdy úırenetin bolasyń. Balalar, aldymen, sandardy esimizge túsireıik. Balalar muǵalimmen sálemdesip, shattyq sheńberinde taqpaqtaryn aıtady.

Balalar Masha men muǵalimdi tyńdaıdy.
Uıymdastyrý -
shylyq - izdenistik
1. «Sanap kór!» flıpchart - oıyny. Ekranǵa sýretter men sandar shyǵady. Balalar sýretter sanyna sáıkes sandy qalammen basady. Durys jaýapty bassa, kóńildi smaılık shyǵady, qate bassa, kóńilsiz smaılık shyǵady.

2. «Alma baǵynda» flıpchart - oıyny. Aıý Mashany sandar álemine jibermes buryn alma aǵashyndaǵy almalardy kárzeńkelerge jınap berýge kómektesýin suraıdy. Ol úshin myna amaldardy oryndaýy qajet: 2+2=4, 5 - 3=2. Amaldardyń sheshýine sáıkes sandy almany sol kárzeńkege qalam kómegimen jınaıdy.

3. «Qansha kóbelek?» flıpchart - oıyny. Mine, Masha «Sandar álemine» barý úshin jolǵa shyǵady. Ol jolda kele jatyp kóbelek aýlaǵysy keledi. Biraq, kóbelekterdi anyq kóre almaıdy. Aınalasyndaǵy kóbelekterdi anyq kórý úshin ol lýpany qoldanady. Balalar, Mashamen birge kóbelekterdi sanaıyq!

4. «Neshe jasta?» flıpchart - oıyny. Jolda Mashaǵa týǵan kúnderin toılap jatqan janýarlar kezdesedi (qoıan, tıin, qasqyr). Olardyń neshege tolyp jatqandyǵyn torttyń ústindegi maıshamdar sany arqyly bilemiz. Mysaly: «Qoıan neshe jasta?» degen suraqqa «Qoıan úsh jasta» degen jaýap bolýy kerek. Durys jaýapty bilý úshin úsh shardyń ústindegi úsh sıfrdyń bireýin basady.

5. «Aýdarmashy» dıdaktıkalyq - qımyldyq oıyny. Muǵalim balalarǵa dopty laqtyrady da, sandardy orys tilinde aıtady. Balalar qazaq tiline aýdaryp aıtady da, dopty keri laqtyrady.

6. «Qyzyqty pıktogram». Mashaǵa taǵy bir tapsyrmany sheshý ońaıǵa soqpaı tur. Bul – belgisiz tańbalar men sandar. Bulardy tıisti ornyna qoıyp oqyǵanda sóılem shyǵady. Mysaly: Mende bir alma bar.
Sodan soń balalar berilgen oıynshyqtar men sandar arqyly ózderi sóılem qurastyryp, aıtýlary kerek (bul tapsyrma túri teksheler arqyly da oryndalady).

7. «Qaı san joq?» flıpchart - oıyny. Kelesi joldaǵy kedergi - joǵalǵan sandar qatary. Flıpchartta belgili bir sany joǵalǵan qatar beriledi. Sol qatardaǵy joǵalǵan sandy taýyp, sol sannyń kórshileri atalýy kerek. Mysaly: «Qaı san joq?» degen suraqqa «2 joq» dep jaýap beredi. «2 sanynyń kórshisi qandaı sandar?» degen suraqqa «2 sanynyń kórshileri 1 men 3 sandary» dep jaýap berýleri kerek.

8. «Maqal - mátelder».
- Balalar, sender quramynda san ataýlary bar maqal - mátelder bilesińder me? Bilseńder, aıta qoıyńdar.
1. Dos segiz bolsa, dushpan segiz.
2. Jeti jurttyń tilin bil, jeti túrli bilim bil.
3. Birinshi baılyq – densaýlyq,
Ekinshi baılyq - aq jaýlyq,
Úshinshi baılyq – on saýlyq.

9. - Mine, Mashamen birge biz «Sandar álemine» jettik. Buǵan Masha óte qýanyshty. Balalar, sender de qýanyshtysyńdar ma?
Endeshe, «Sanaý ánin» ándeteıik.

Masha:
- Jaraısyńdar, balalar! Men óte qýanyshtymyn. Sebebi men sender sıaqty qazaq tilinde sanaı alýdy úırendim. Aıý dosyma da qazaqsha sanaýdy úıretemin.
Saý bolyńdar!
Balalar ınteraktıvti qalammen sandardy basyp, ataıdy.
Balalar amaldardy sheship, almalardy tıisti kárzeńkesine jınaıdy.
Balalar lýpa arqyly kóbelekterdi sanaıdy.
Balalar janýarlardyń jastarynyń neshede ekenin aıtady.
Balalar sandardy qazaqsha ataıdy.
Balalar pıktogramlar arqyly sóılemder quraıdy.
Balalar joǵalǵan san men kórshi sandardy ataıdy.
Balalar maqal - mátelder jáne olardyń quramyndaǵy sandardy aıtady.
Balalar «Sanaý ánin» (beıne án) ándetedi.

Balalar Mashamen qoshtasady.
Refleksıalyq - túzetýshilik. Pedagog balalardan búgingi oqý is - áreketi barysynan alǵan áserlerin, kóńil kúılerin, nemen aınalysqandaryn, ne úırengenderin suraıdy. Balalar belsendi sózdik qordy hormen qaıtalaıdy.

Kútiletin nátıje:
Biledi: sandar men zat ataýlaryn qazaq tilinde ataı biledi.
Igeredi: qazaq tilinde 1 - den 10 - ǵa deıin sanaýdy úırendi.
Meńgeredi: balalar sandar men zat ataýlaryn baılanystyryp sóz tirkesi men sóılem quraı alýdy meńgerdi.