InfoHub Logo

Sabaqtyń taqyryby: Sandar qatary
Sabaqtyń maqsaty:
Bilimdik: Balalardy sandar qatarymen tanystyra otyryp bir jáne eki tańbaly sandarmen tanystyrý, sandar qatary qurylýynyń zańdylyqtarynyń anyqtalýynyń, sandar qataryn salystyrý úshin paıdalanylýyn qalyptastyrý.
Damytýshylyq: Oqýshylardyń este saqtaý, oılaý qabiletin, bilim deńgeıin damytý.
Tárbıelik: Sabaqqa qyzyǵýshylyǵyn, belsendiligin, óz betinshe jumys jasaý qabiletin arttyrý.
Sabaqtyń ádisi: Aralas
Sabaq kórnekiligi: Toptamalar, sýretter, syzbalar

Sabaq barysy:
İ. Uıymdastyrý
Balalardyń nazaryn sabaqqa aýdarý, oqý quraldaryn túgeldeý.

İİ. Psıhologıalyq daıyndy.
Esepteýge júırik bolsań jasyńnan
Matematıkaǵa oryn berseń basyńnan
Barlyq ǵylym saǵan úıir bolady
Dosyń solar tabylatyn qasyńnan,- degendeı qazir bizde matematıka sabaǵy
Al matematıka sabaǵyna daıyn bolý úshin biz ne aıtýshy edik
- Esepteýdi bilmeıtin adam,
Túk bilmeıtin nadan....
- Durys, balalar, búgingi sabaq erekshe sabaq bolǵaly tur, óıtkeni bizge kóptegen qonaqtar kelip otyr.
Kelgenshe qonaq uıalady
Kelgen soń úı ıesi uıalady,- degendeı biz uıatqa qalmaıyq

İİİ. Negizgi bólimi
– Balalar 16 - jeltoqsan qandaı mereke ekendigin bilesińder me?
- Táýelsizdik kúni
- Durys, elimizdiń egemendik alǵan erekshe merekesi ekendigin jaqsy biledi ekensińder
- Olaı bolsa sol merekede Astana qalasynda túrli is - sharalar, oıyn saýyqtar uıymdastyrylady, soǵan kóptegen ańdar da baryp ortaqtasqysy kelipti. Mine, myna poezd sol Astana qalasyna barǵaly tur eken, barlyq ańdar vagondaryna otyryp alǵan sıaqty, biraq sonda da abyr - sabyr bolyp jatyr nege ekendigin qazir estip kóreıik
Túlkiniń daýsymen:
- Bul ne degen jaǵdaı, biz ózimiz neshinshi vagonda otyrmyz, dostarymnyń qaısysy neshinshi vagonda ekendigin bilmeı ábden sastyq qoı, Astanaǵa barǵanda adasyp ketetin shyǵarmyn, qoıan dosym qaıdasyń, vagondarymyzdyń sanyn anyqtap beretin adamdar bar ma ózi? Kómektesińder, kómektesińder.
- Qalaı balalar kómektesemiz be? Shynynda óz vagonyńnyń sanyn bilmegen qıyn ǵoı. Olaı bolsa kómektesý úshin kóptegen tapsyrmalar oryndaýymyz kerek. Ár vagonda ár túrli tapsyrmalar bar eken
1. Týra sanaý, keri sanaý
2. Kóńildi sanamaq
3. Toptamalar arqyly esepter qurastyryp, órnekter jazý
4. Sandar quramyn qaıtalaý 8, 9, 10 sandarynyń quramyn eske túsirý
5. Órnek pen órnekti salystyrý, erejesin qaıtalaý
6. San men órnekti salystyrý, erejesin qaıtalaý
7. Qosyndy jazý, keri azaıtý amalyna órnek jazý
Mine, balalar biz ańdardyń ózderi otyrǵan vagondarynyń retin anyqtap berdik
Túlki:
- Rahmet, dostar, rahmet. Sabaqtaryńdy jaqsy oqýlaryńa tilektespiz, saý bolyńdar.
Al, ańdardy jolǵa shyǵaryp saldyq, endi artynda qalǵan myna sandarǵa nazar aýdaraıyq. Sandar qalaı ornalasqan eken?
- Qatarlasyp
- Durys aıtasyńdar. Sandardyń osylaı qatarlasyp ornalasýyn sandar qatary dep ataıdy ekenbiz.
- Endi osy sandar qataryna jaqsylap qarap alyńdarshy, qandaı aıyrmashylyqtardy baıqaýǵa bolady.
Balalar jaýaptaryn tolyqtyryp bir jáne eki tańbaly sandar týraly túsinikterin qalyptastyrý.
2. Sergitý sáti
3. Sandar qatary týraly túsinseńder endi «Kóńildi sanamaq» oıynyn oınaıyq. 2 - 3 oqýshyǵa sanatý
4. Oqýlyqpen jumys
1tapsyrmada sandar qataryn berilgen zańdylyqpen anyqtaý.
2, 3 tapsyrma berilgen sandardy salystyrý
4 tapsyrmada órnekter quryp, mánderin tabý.

Shıratý strategıasy. Logıkalyq suraqtarǵa jaýap alý
1. Alma baǵy jaınaǵan
Qyzyl alma jaınaǵan
Aldym úzip beseýin
Taǵy aldym ekeýin

2. Tórt qaz ushyp barady
Bıikten tómen qarady
Bıikten tómen qarady
Aıaq nesheý, bas nesheý?

3. Bir - birimen jarysqan
Tórt aıý, eki arystan
Eki qoıan, bir túlki
Bári nesheý oılan sen.

4. Tal basynda tizilip
On japyraq tur edi
Jel soqty da úzilip
Ushyp ketti bireýi
İzinshe onyń julynyp
Tústi taǵy beseýi
Tur áli de ilinip
Japyraqtyń nesheýi

İİİ. Qorytyndy
Sabaqqa belsendi qatysqan oqýshylardy marapattap, syılyqtar berý, sabaqty qorytyndylap aıaqtaý.

Shıeli aýdany,
"№152 qazaq orta mektebi KMM"
Bastaýysh synyp muǵalimi
Janǵabylova Kenjekúl Ǵanıqyzy