InfoHub Logo

Hımıa 11
Saramandyq jumys №1
Organıkalyq zat quramyndaǵy kómirtekti jáne sýtekti sapalyq jolmen anyqtaý.

Qaýipsizdik tehnıkasynyń erejeleri.
Maqsaty: Organıkalyq zattyń kómirtegi men sýteginen turatynyn is júzinde anyqtaý.
Kerekti qural - jabdyqtar: Synaýyq, ustaǵyshy bar metal turǵy, gaz júretin tútigi bar tyǵynmen tyǵyndalǵan synaýyq, qosymsha synaýyq, parafın (nemese basqa da organıkalyq zat), mys (II) oksıdiniń untaǵy, kálsı gıdroksıdiniń móldir eritindisi, sýsyz mys (II) súlfaty, glúkoza (qant nemese basqa organıkalyq zat), qandaýyr, spırtsham.
Tapsyrma:
Organıkalyq zattaǵy kómirtekti - kómirtek (IV) oksıdine, sýtekti - sýǵa aınaldyryp anyqtaý.
Jumystyń oryndalýy:
1 - tapsyrma
Qandaýyrdyń ushymen glúkozanyń (qanttyń nemese basqa da organıkalyq zattyń) birneshe krıstalyn alyp, jalynǵa ustap, eptep qyzdyryńdar. Glúkoza áýeli balqıdy da, sodan soń qońyrlanyp, janyp ketedi. Qandaýyrda qara tústi kómirlengen massa qalady. Bul neni dáleldeıdi?
Janý ónimderi boıynsha parafınniń sapalyq quramyn anyqtaý.
Reaktıvter men qural - jabdyqtar: parafın, metal turǵy, ák sýy, staqan.
A) Janyp turǵan parafın shyraqtyń ústine qurǵaq staqandy tóńkerip, turǵy saqınasyna ornalastyryńdar. Staqannyń terleýin baqylańdar.
Á) Janyp turǵan shyraqtyń ústine ák sýymen shaıqalǵan staqandy tóńkerip, turǵynyń saqınasyna ornalastyryp, ák sýynyń laılanǵanyn baqylańdar.
Saramandyq jumys. Organıkalyq zat quramyndaǵy kómirtekti jáne sýtekti sapalyq jolmen anyqtaý. júkteý