InfoHub Logo

2022 jylǵy 20 qarashada Qazaqstan Respýblıkasy Prezıdentiniń kezekten tys saılaýy ótedi. El tarıhyndaǵy saıası naýqanǵa daıyndyq jumysy qarqyndy túrde atqarylyp, Prezıdenttikke úmitkerler usynyldy. 

Jalpy ótkenge kóz salsaq, elimizde 6 ret jalpyhalyqtyq prezıdent saılaýy ótken. 2005 jyly ǵana kezekti Prezıdent saılaýy ótse, 1991, 1999, 2011, 2015 jáne 2019 jyldary Qazaqstan Respýblıkasynyń kezekten tys saılaýynda el Prezıdentin saılaǵan bolatyn. 1991 jyldan bastap el tizginin qolyna alǵan Nursultan Nazarbaev 1991 jyly - 98,7%, 1999 jyly - 80%, 2005 jyly - 91%, 2011 jyly - 95,5% daýys jınaǵan. Al, 2019 jyly Nursultan Nazarbaev óz ókilettigin toqtatatyny jóninde habarlap, 9 maýsymda kezekten tys saılaý ótip,  Elbasynan keıin ýaqytsha Qasym-Jomart Toqaev 70,96 % daýys jınap, QR Prezıdenti bolyp saılandy. 

Memleket basshysy Qasym-Jomart Toqaev bıylǵy 1 qyrkúıekte elimizge joldaǵan " Ádiletti memleket. Birtutas ult. Berekeli qoǵam" atty joldaýynda Prezıdentti kezekten tys saılaý ótkizýdi jáne jeti jyl merzimge bir ret saılaýdy usynǵan. "Qazaqstan Respýblıkasy Prezıdentiniń kezekten tys saılaýyn taǵaıyndaý týraly " jarlyqqa qol qoıyp, saılaý merzimi 2022 jyly 20 qarasha bolyp bekitilgen. Sonymen qatar, Prezıdenttikke úmitkerlerdi usyný 23 qyrkúıekten bastalǵan.

Sonymen, kandıdattar týraly ne bilemiz? 

OSK birinshi bolyp eldiń qazirgi prezıdenti Qasym-Jomart Toqaevty tirkedi. Ony halyqtyq koalısıa usyndy, sondaı-aq onyń kandıdatýrasyn Amanat, «Aq jol» jáne Qazaqstan halyq partıalary qoldady.

Meıram Qajykendi «Amanat» kásipodaqtar odaǵy usyndy. Ol 61 jasta, «Qazirgi zamanǵy qoǵamdy zertteý ınstıtýtynyń» dırektory bolyp jumys isteıdi.

67 jastaǵy Jıgýlı Daırabaevty «Aýyl» partıasy usyndy. Ol 2022 jyldyń jazynda «Atameken» ulttyq kásipkerler palatasy prezıdıýmy agroónerkásiptik keshen komıtetiniń tóraǵasy bolyp saılandy.

Qaraqat Ábdendi «Kásibı áleýmettik qyzmetkerlerdiń ulttyq alánsy» usyndy. Ol 1974 jyly týǵan, kóp balaly ana, Prezıdent janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń múshesi, Astana qalasy ákiminiń áleýmettik máseleler jónindegi shtattan tys keńesshisi, elorda qoǵamdyq keńesiniń múshesi.

Saltanat Tursynbekova saılaýǵa «Qazaq analary – dástúrge jol» qoǵamdyq birlestiginiń atynan tústi. Ol 56 jasta, Áıelder isteri jáne otbasylyq-demografıalyq saıasat jónindegi ulttyq komısıa tóraǵasynyń orynbasary, Astana qalasy qoǵamdyq keńesiniń múshesi.

Opozısıalyq kandıdat Nurlan Áýesbaev – Qazaqstannyń Jalpyulttyq sosıal-demokratıalyq partıasynyń elordadaǵy fılıalynyń basshysy. Ol 65 jasta.

Memleket aldynda turǵan eń bıik maqsat – elimizdiń egemendigin, jerimizdiń tutastyǵyn saqtap qalý. Halyqtyń áleýmettik ahýalyn arttyra túsý. Elimizdiń tarıhı betburysynda Ádiletti Qazaqstandy qalyptastyrý bárimizdiń qasıetti boryshymyz. Sondyqtan aldaǵy saılaýda tys qalmaı, el taǵdyryn qolyna alatyn Prezıdentti saılaýǵa úles qos.

Kıno&medıa mamandyǵynyń 1 kýrs stýdenti Baqbergen Nuraı       

Jetekshisi: aǵa oqytýshy, kýrator N.B.Rýshanova

---