Sen myna - janarymnyń ishindesiń,
Janardyń bilesiń ǵoı kishirmesin.
İshine janaryńnyń saqta meńi,
Bireýler kóleńkesin túsirmesin!
Sen meniń - myna tylsym keýdemdesiń,
Bilesiń, keýdeme eshkim teń kelmesin.
Keýdeńe-zyndanyńa salyp saqta,
Bireýler kókpar qylyp óńgermesin!
Sen myna - tilimdesiń, únimdesiń,
Bilesiń ǵoı, tilimniń búlinbesin.
Sen meni únińe qos, tilińe tut,
Únim óship, úshkir til tilinbesin!
Sen myna - meniń alyp basymdasyń,
Bilesiń, eshkim de ony basynbasyn.
Sen meni óz basyńmen birge qorǵa,
Bireýler zulymdyǵyn asyrmasyn!
Sen - meniń mıymdasyń!
Bilesiń, mıym jatqa buıyrmasyn. .
Mıyńnyń bir jerine jasyr meni,
Qıylsyn ómir solaı... Qıylǵasyn!..
Aldynan terezeńniń júrip óttim,
Sen meni baıqadyń ba, qudirettim?
Turdyń ba terezeńniń ar jaǵynda?
Teńselip, tutqan perdeń diril etti.
Hege órtendi?
Júregim nege órtendi?!
Neler kelip, basyma neler tóndi...
Balkonyńnan qol bylǵap, qarsy alýshy eń,
Hege menen jasyrdyń kóleńkeńdi?
Qaıran kóktem,
Qaıran gúl, qaıran jazym!
Sarqylǵan ba, shynymen saıran-nazyń?
Aınydyń ba, shaılyǵyp shalqaryńnan?
Aıdynymda qanatyn jaıǵan qazym.
Kóziń qaıda kósheden meni izdegen,
Sóziń qaıda janymyz egiz degen?
...Terezeńniń aldyna kelip turmyn,
Kógershindeı,
Qysty kún... jem izdegen...

---