Sen qartaıdy degenge men senbeımin,
Ájimmenen kárilik ólshenbeıdi.
Ájim degen - áıgili tamshy-ýaqyt,
Tamshy-ýaqyt tasty da jeńsem deıdi.
Sharshama, shashym erte aǵardy dep,
(Qaıratyń qan boıynda qalar júdep.)
Aq shashtyń ar jaǵynda - appaq mıyń,
Ájimniń ar jaǵynda - soǵar júrek.
İreńiń nege sonsha muń atýly?
Jigeriń nege sonsha ýatyldy?
Balaýsa shybyq ediń, emen boldyń,
Boıyńa jıyp alyp qýatyńdy.
Samaly qýanyshtyń soqpaı qaldy,
Janaryń nege aınaǵa toqtaı qaldy?
Tursyń ba, jastyqtaǵy nuryńdy izdep?
Janym, ol-jalyn menen otqa aınaldy.

---