Shyǵamyn tiri bolsam adam bolyp,
Júrmeımin bul jıhanda jaman bolyp.
Jatqanym kórde tynysh jaqsy emes pe,
Júrgenshe ómir súrip, nadan bolyp.

Men balań jaryq kúnde sáýle qýǵan,
Alýǵa kúndi baryp beldi býǵan.
Juldyz bolyp kórmeımin eldiń betin,
Bolmasam tolǵanaıdaı balkyp týǵan.

Bul sózim asyp aıtqan asylyq emes,
Oıynda oty barlar asylyq demes.
Tebem dep tiri bolsam nadandyqty,
Sert etip, óz-ózime etkem eges.

---