InfoHub Logo

Maqsaty: 8 naýryz analar merekesin keńinen nasıhattaý
Túri: ádebı montaj
Kórnekiligi: túrli tústi sharlar, slaıd, analar týraly maqal - mátelder
Ótý barysy:
1. Uıymdastyrý kezeńi
2. Quttyqtaý sózi
Júrgizýshi:
Shýaqty kóktem keldi gúlin alyp
Kóktemniń merekesi búgin anyq.
Ómirdiń kóktemi de, gúli – Analar
Ana dep bas ıedi kúlli halyq.
Biz ǵana emes, qadir tutqan babalar
Analardan týǵan nebir danalar.
Ana degen tirshiliktiń tiregi,
Armysyzdar, qasıetti analar!
Qosh, keldińizder! Aıaýly analar, qyzǵaldaq qyzdar, qadirli ustazdar! Kóńilderińizge kóktem shýaǵyndaı sezim men nur quıyp, 8 – naýryz Halyqaralyq áıelder merekesi de kelip jetti. Kóktemniń shýaqty kúnderimen qatar kelip jatqan tól merekelerińiz qutty bolsyn! Osynaý kórkem merekesin qaı kezde de orny bólek. Olaı bolatyny, analarǵa ystyq sezim, alǵys pen qurmet eshqashan sónbek emes. Olar - ómirdiń gúli, kóńildiń jyry, ár otbasynyń altyn dińgegi. Osy merekege oraı "aıaly alaqan" ortalyǵynyń uıymdastyrýymen ótkeli otyrǵan «Shýaǵyn shashqan - aıaly alaqan"» atty erteńgiligimizge qosh keldińizder!
Kóńiliń Alataýdyń aq qaryndaı,
Meıirimiń kúnniń shýaq shaqtaryndaı.
Qalaısha aıaýly ana tyna alarmyn,
Án bolyp saǵynyshtan aqtarylmaı,
- dep abzal analarymyz ben qyrmyzy qyzdarymyzdyń qurmetine bı.
Endi aldaryńyzda balalaryńyzdyń ónerlerin qabyl alyńyzdar.

Nurbek
Biz dospyz gúldermen,
Tekke ony julmaımyz.
Toı kúni bir - birden
Analarǵa syılaımyz.
Farıza
Senen ósken balalar,
Batyrlar men danalar
Quttyqtaımyz meırammen
Qurmetti bizdiń analar.
Aqsultan
Aq anashym, appaǵym,
Óziń jaıly taqpaǵym
Óziń jaıly ánim de,
Arnadym saǵan bárin de.
Eńlik
Shashymdy órip taraǵan,
Qabaǵyma qaraǵan
Úlken kishi demeıdi
Syılaıdy ony bar adam.

Kóktemde tirshilik ataýy uıqysynan oıanady, qustar jyly jaqtardan qaıta oralady. Kóktemde kún uzaryp, aýa raıynyń jylýynan qar erip, toń jibıdi, jaýyn - shashyn mol jaýady, sonyń saldarynan kóbinese sý tasıdy. Kóktemde jalpy tirshilik ıeleriniń jandanýy, tirilýi bastalady, jándikter men haıýanattar qysqy uıqysynan oıanyp, tirshiligin bastaıdy, mal tóldep, jyl qustary oralady, jer betine kók shyǵady, jemis aǵashtary búrshik atyp gúldeıdi. Jer jyrtý, aǵash otyrǵyzý, egin egý, t. b. aýyl sharýashylyǵy jumystary júrgiziledi. Ár kóktem erekshe, bir keremet, syry bitpes bir tylsym.
Tosyn syı ata - analarǵa arnalǵan. (oıyn)
2 shart oryndalady.
1. Ata - analardyń sıpap sezý múshelerine súıenip, óz balalaryn taýyp alsyn.
2. 5 ata - anany shyǵaryp 5 shardy jaryp ishindegi suraqqa jaýap beredi.
Júrgizýshi:
Analar aq tilekti, sóz kóp deıin,
Jylytar júregińdi kóz kóp deıin
Analar aq jaýlyqty bul sizderge
Qol soǵyp qarsy alaıyq «Qazaq bıin».
Ortada qazaq bıimen ________ Satpaı Saıala____________ qyzdaryńyzdy qabyl alyńyzdar.
Al endi balalarymyzdyń daıyndaǵan qysqasha beıne taspalaryn qabyl alyńyzdar.
Ana deımiz bárimiz de ańqyldap,
Ana deıdi jas sábı de jarqyldap.
Ana degen – báıteregi ómirdiń,
Ana degen – altyn qazyq, altyn baq.
Analar, qalqyp baqyt aralynda,
Laıym muń qonbasynshy janaryńa
Osymenen erteńgiligimizdi aıaqtaıyq
Gúl bitsin bárińizdiń qadamyńa – deı otyryp búgingi analar kúnine arnalǵan «Shýaǵyn shashqan - aıaly alaqan» atty erteńgiligimiz aıaqtaldy. Ardaqty analar meıramdaryńyz qutty bolsyn!

Qaraǵandy oblysy, Jezqazǵan qalasy,
№5 orta mektebinde logopedi Kokenova Erkejan