InfoHub Logo

Qazaq tili 4 synyp
Sabaqtyń taqyryby: Syn esim
Maqsaty: Syn esim týraly teorıalyq bilim berý. Zattyń ártúrli belgilerin baıqap, syndyq erekshelikterin ajyrata bilý. Saýattylyqqa, jazý kolegrafıasyn, tilin jetildirý.
Logıkalyq oılaý júıesin damytý. Adamgershilikke tárbıeleý.
Kórnekilikter: Jemister, azyq - túlikter, oıynshyqtar, keste, plakat, toptama, tirek syzbalar, dıdaktıkalyq paraqshalar.
Túri: aýksıon, jańa bilim sabaǵy
Ádisi: áńgimelesý, túsindirý, kórsetý, suraq - jaýap, aýyzsha, jazbasha jazý jumysy.

Sabaq barysy: İ. Uıymdastyrý.
1. Ótkendi pysyqtaý.
İİ. Negizgi kezeń: Jańa sabaq.
- Búgin sóz tabynyń bir túri «syn esimmen» ıaǵnı zattyń belgilerin baıqap tanysamyz.
- Mynaý ne? (alma)
- Túri qandaı? (qyzyl)
- Kólemi qandaı? (úlken)
- Dámi qandaı? (tátti)
- Iisi qandaı? (jupar ıisti jaǵymdy)
- Jem bolǵannan keıin qandaı baǵa beresińder? (jaqsy pisken alma)
- Ony sapa deıdi.
Sonymen almanyń syndyq erekshelikterin atadyq. Osy erekshelikterdi kesteden kórsetip, suraǵyn oqyp, jaýabyn qaltashaǵa salaıyq. Ereje shyǵarý.

2. Kitappen jumys 163 jattyǵý oryndaý. Jupar ıis sózine mándes sózderdi tabý.

3. 164 jattyǵý. Kóp núkteniń ornyna tıisti syn esimderdi qoıyp, kóshirip jazý. Zattyń túsin, dámin bildiretin taǵy qandaı sózder biletinin atatyp, olardy sóılem ishinde aıtqyzý.

4. «Sur qoıan» ánin ár túrli qımyldar jasap aıtqyzyp, ishinen syn esimdi tapqyzý.

5. 165 jattyǵý. Grafoproektordan myna maqaldy oqyp, jatqa jazaıyq. Maqaldyń maǵynasyn túsindirý: Jaqsy sózge jan semiredi
Jaman sózden jan qorqady.
Syn esimderdi taýyp, onyń qaı sózben baılanysyp turýyn syzbamen kórsetý.

6. «Maqal, qýalaspaq» oıyny. 1 top maqaldy bastaıdy. 2 - shi top jalǵastyrady. 3 - top osy maqaldardyń ishinen syn esimderdi tez taýyp dápterlerine túrtip alady jáne oqyp beredi.

7. 167 jattyǵý. Bir zat esimge qatysty birneshe syn esim taýyp jazý. Osy erejeni tereń meńgerý úshin, jattyǵýdy oryndaý úshin «aýksıon» oınaımyz. Satýshy (aýksıon bazarynyń tártibimen tanystyrady): Mine bir zatty kórsetemin, satyp alýshylardyń qaısysy osy zattyń syndyq sapasyn kóbirek aıtsa, soǵan satylady.
Úı, sıyr, kóılek, tamaq.
- Endi alǵan zattaryńdy joǵary kóterińder kóreıin. Bilimderiń ómirge jarapty. Barlyqtaryń unaǵan zattardy alǵan ekensińder. Qutty bolsyn.

İÚ. Sabaqty qorytý. Suraqtar qoıý. Baǵalaý. Úıge tapsyrma berý.

Kútiletin nátıje.
Oqýshylardyń nazaryn sabaqqa aýdarý joldaryn izdestirý barysynda gramatıkalyq oıyndardy jıi qoldaný arqyly bala belsendiligimen yntasyn arttyrýdyń nátıjeli bolǵanyn baıqadym. Oılaı otyryp, oınaý oqýshylardyń sabaqqa degen qyzyǵýshylyǵyn týdyryp, óz erkimen oılaýǵa, tilin damytýǵa jáne izdenýge jeteleıdi. Oqýshy ertegi tyńdap ótken dybysty esýtge, tanýǵa daǵdylanady. Gramatıkalyq oıyndar arqyly sózdiń antonımin tabýǵa úırenedi, jumbaqtar sheshedi. Shashylǵan sózden, býynnan sózder quraýǵa úırenedi.