InfoHub Logo

Synyp jetekshilerge arnalǵan psıhologıalyq trenıń.
Maqsaty: adamdy óz - ózimen jáne ózindik jeke erekshelikterimen tanystyrý, jeke qyzyǵýshylyqtary men qundylyqtaryn uǵyndyrý.
Kerekti quraldar: grek jańǵaǵy, qaǵaz, qalam, kóz tańǵyshtar.

«Grek jańǵaǵy» jattyǵýy.
Jattyǵýdy ótkizý úshin maǵan 14 jańǵaq kerek bolady. Jańǵaqty ortaǵa shashyp, árbir qatysýshyǵa bir - birden alýdy usynamyn. Qatysýshylarǵa qoldaryndaǵy jańǵaqqa muqıat qarap, onyń qurylysyn, jekelegen erekshelikterin este saqtap qalý kerektigin aıtamyn. Budan keıin jańǵaqtardy jınap alyp dorbaǵa salamyn, aralastyryp ortaǵa qaıtadan shashamyn. Árbir qatysýshynyń mindetti – óz jańǵaǵyn tabý. Ár jańǵaq óz ıesin tapqan soń taldaýǵa kóshemiz. Kim qalaı óz jańǵaǵyn este saqtady, qandaı jolmen ony tapty? Belgili bir erekshelikterine qaraı tapty ma nemese bári alyp bolǵansha kútti me?

Birinshi kózge jańǵaqtyń bári birdeı sıaqty bolǵanymen biraz ýaqyt jiberip, muqıat qarasa olardyń ártúrli, birin ekinshisimen shatastyrýǵa bolmaıtynyn kórýge bolady. Adamdar da sol sıaqty: ártúrli, este qalatyndaı árkimniń ózindik jeke ereksheligi, ózindik ádemiligi jáne tartymdylyǵy bolady. Biraq ony sezine jáne túsine bilý qajet. Jattyǵý sońynda jańǵaqty qatysýshylarǵa syılaımyz.

«Ańdar men jándikter»
Synyp jetekshilerge qaǵaz ben qalam taratylady. Ár qatarǵa ózderińe unaıtyn ańdar men jándikterdiń attaryn jazasyńdar. Sany altaý. Osydan keıin árkim meniń oqyǵan sóılemimdi tyńdaıdy, oqylǵan sóılem arasynda úziliste ózi jazǵan sózderdi ret - retimen oqyp otyrady, ıaǵnı óziniń kim ekendigin anyqtaý.

Qorytyndy:
1. Meni jurt... dep oılaıdy.
2. Meni... dep oılasa eken dep oılaımyn.
3. Dál ózińiz...
4. Siz jumysta...
5. Jaryńyzdyń aldynda...
6. Negizi...

«Ym - ıshara» trenıńi
Maqsaty: logıkalyq oılaý arqyly kez - kelgen jaǵdaıdan shyǵa bilý.
Nusqaý: Bul oıynǵa óz erkimen qatysatyn 3 adam kerek. Qalǵandary baqylaýshylar bolady.
Oıynnyń máni: úsh dos bir jerde kezdesý týraly kelisý kerek. Biraq olardyń biri saqaý, tańǵyshpen aýzyn baılaımyz. Biri soqyr tańǵyshpen kózin baılaımyz. Endi biri sańyraý tańǵyshpen qulaǵyn baılaımyz. Kezdesetin jerdi tek saqaý ǵana biledi. Ol óziniń dostaryna qaıda qashan barý kerektigin túsindirý kerek.
Qyran túlegine qaırylmas qanat syılaıdy,
Ustaz túlegine alǵa bastar talap syılaıdy - demekshi qadirli áriptester shákirtterimiz bilim áleminde bıikterden kórinip, eńbekteriń jana bersin dep búgingi trenıńimizdi aıaqtaımyz.