InfoHub Logo

Osy alshynnyń eki adamy sol arǵyn jaqqa baryp aýylǵa qaıtyp kele jatqanda, jolda qoı baǵyp júrgen bir áıelge tap bolyp, jón suraıdy. Sonda áıel «Sizder Syrym degendi bilesizder me?» — dep suraıdy. Bular bilip shyǵady. Sondaı áıel basyndaǵy sharshy oramalynyń ushynan, ústindegi kóıleginiń qoltyǵynan eki japyraq shúberek jyrtyp berip: «Osyny Syrymǵa tapsyryńdar», — dep ótinedi. Bular aýylǵa kelgennen keıin jańaǵy áıeldiń eki japyraq shúberegin Syrymǵa ákelip beredi. Syrym ony ózdiginen sheshe almaı, baıaǵy esentemir Bóken bı men tana Qosken bılerge ákelip berip, mán-jaıdy aıtady. Sonda Bóken bı: «Men jastaýmyn ǵoı myna Qosekeńe ber», — deıdi. Sonda Qoseke:

— Basyndaǵy oramalynan bergeni — basym baılaýda júr, meni osy tutqynnan qutqar degeni. Al kóıleginiń qoltyǵynan jyrtyp bergeni — denege kóılek jaqyn ǵoı, men seniń jaqynyńmyn degeni — dep sheshedi.

Bóken men Qoske:

— Shyraǵym, sen bala bolǵanmen bastaı ediń, daýǵa sheber ediń, qasyńa joldas ertip sol áıelge baryp alyp qaıt, «bermeımiz» dep aıtysa qalsa, sol eldiń Móńke degen bıi bar, sonyń aldyna bararsyń, — deıdi.

Syrym joldastarymen arǵynnyń Móńke bıine baryp:

— Sizdiń qaraýyńyzda meniń jaqyn qaryndasym qoı baǵyp quldyqta júrgen kórinedi. Sol qaryndasymdy bosatyp aýylǵa alyp qaıtý úshin keldim, — deıdi. Sonda Móńke Syrymǵa bylaı deıdi:

— Ózińmen qyryq jigitti bir tústen kıindirem, bireýi sen bolarsyń. Al ol jaqtan qyryq qyzdy bir tústen kıindirip qarsy shyǵaram, bireýi seniń qaryndasyń bolady. Qarsy kelgende, ekeýiń birińdi-biriń tanı tabanda kórisseńder, qaryndas seniki, bolmasa bere almaımyz, — deıdi.

Sol qalpymen qyryq jigit, qyryq qyz qarsy kelgende, álgi tutqyn áıel:

— Arystanym, aman keldiń be? — dep, Syrymnyń qolyn alady. Sonda Syrym:

— Asylym, aman júrmisiń? — dep, qolyn beredi.

Ekeýi tanysqannan keıin qaıtadan Móńke bıge keledi. Sonda Móńke áıelge:

— Siz, kóp adamnyń ishinen Syrymdy qaıdan tanydyńyz? — deıdi. Sonda áıel turyp:

— Kele jatqan jigitterdiń bireýleri jan-jaǵyna qaraıdy, al bireýleri kúlip-oınap keledi. Myna meniń aǵam Syrym bir qalypta tunjyrap keledi eken. Joq joǵaltqandaı, dushpanda ketken kegi ketkendeı, túsi tunjyrap kele jatqan alshynnyń arystany osy bolar dep kóristim, — deıdi. Syrymǵa Siz qaıdan tanydyńyz! — deıdi. Sonda Syrym:

— Qaıǵysyz adamnyń betinde jaryǵy bar, qaıǵyly adam- nyń betinde salyǵy bar, men sodan tanydym, — depti.

Móńke bı áıeldi Syrymǵa beredi. Syrym aýylǵa alyp kel- gennen keıin tórkinderi:

— Siz ózińiz osy qyzdy jattan alyp keldińiz, endi ózińiz ókil aǵa bolyp óz qolyńyzdan uzatyńyz, — deıdi.

Syrym óz qolynan qyzdy uzatyp, óz teńine álim Derbisáli degenniń balasyna qosady.

Oqýǵa keńes beremiz:

Jylqynyń torysy kóp pe, tóbeli kóp pe? (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---