Siz jalqaý emessiz be?
Siz jalqaý emessiz be?
Shaı ishetin ústel ústi jınalmaǵan, kıimińizdiń árqaısysy ár jaqta, teledıdardan bastap súıikti kitabyńyzǵa deıin shań basqan. Bul ne? Iesiz qalǵan úı me? Joq! Bul úıge «jalqaýlyq» qonystanyp alǵan. Jalqaýlyq degenimiz – adam boıyndaǵy jaǵymsyz sıpat. Budan qalaı arylýǵa bolady? Muny qalaı jeńýge bolady? Degen suraqtar týyndaıdy. Jalqaýlyqtan arylý úshin adam kúndelikti tirshilikte óz aldyna maqsat-mindet qoıyp, ony qalaı da áreket jasap júzege asyrýym kerek degen talap qoıyp otyrýy qajet. Jáne jalqaýlyqtan qutylýdyń birneshe tásilderi de bar:
1.Ózińizge aıaýshylyq tanytpańyz. Munymen jalqaýlyqty eshýaqytta jeńe almaısyz.
2.Atqaratyn jumystardyń tizimin jazyńyz. Jalqaýlyq dendep bara jatsa, tizimdegi birinshi jumystan bastańyz. Árıne, birinshi kezde qıynyraq bolady. Biraq, jumysqa aldanyp ketesiz.
3.«Erteń» degen sózdi umytyńyz. Búgin bitetin isti eshýaqytta erteńge qaldyrmańyz. Erinshektiń – erteńi bitpes.
4.Kóńil sergitińiz. Kóshege shyǵyp taza aýada júrińiz. Úıdiń aýasyn jeldetińiz.
5.Muńaımaı, ashyq-jarqyn júrińiz. Tańerteń júgirińiz, fıtnes-klýbqa baryńyz. Durys tamaqtanyp, ýaqytyly demalyńyz.
6.Árbir jańa kúnińizdi josparlańyz. Sizde eshqandaı bos ýaqyt bolmaý kerek. Jalqaýlyq – siz jalqaýlanǵandy qandaı jaqsy kóredi.
7.Úı sharýasymen aınalysyńyz. Úı sharýasy eshýaqytta bitpeıdi. Álbette, bir jumys tabylar.
8.Keshke qonaq shaqyryńyz. Bul da jalqaýlyqtan qutylýdyń bir tásili. Úıińizdi jınamaı, taǵam daıyndamaı, qalaı bolsa solaı qonaq kútpeıtin shyǵarsyz?!
9.Ómirdi súıińiz. Árbir saǵat, árbir mınýt, árbir sekýndyn baǵalańyz.
10.Atqarylǵan jumystyń nátıjesinen raqattanyńyz. Nátıjeli jumys bar jerde, jalqaýlyq júrmeıdi.
11.Syltaýratýdy qoıyńyz – bári óz qolyńyzda!
Jalqaýlanba, jattap al:
Jalqaýdyń jaýy – jumys.
Jalqaý jatyp isher, otyryp uıyqtar.
Jamanǵa jan jýymas, jalqaýǵa mal jýymas.
Er tynysy – eńbek, ez tynysy – ermek.
Erinshekke búginnen erteń ońaı.
Eńbek etpeseń elge ókpeleme,
Egin ekpeseń jerge ókpeleme.
Erinshek túske deıin uıyqtaıdy,
Keshke deıin esineıdi.
Eńbekqor uıqydan shırap turady,
Erinshek uıqydan qırap turady.
Erinshektiń isi – eki
Eńbeksiz – elge syımas
You Might Also Like
