InfoHub Logo

Sizderdi sońǵy qońyraý merekesimen shyn júrekten quttyqtaımyn!

Osydan 11 jyl buryn tarydaı bolyp mektep tabaldyryǵyn attaǵan balalar búgin taýdaı bolyp úlken ómirge qadam basyp otyr.

Ár mektepte sońǵy qońyraý merekesi — bul mektep tarıhyna enetin kóńildi ári qýanyshty oqıǵa.

Túlekter ózderiniń on bir jyl bilim alǵan altyn uıalarymen qoshtassa, ustazdar ózderiniń súıikti shákirtterin ómirge qanattandyrady. Barsha jas túlekterdi alda úlken syn kútip tur. Barlyqtaryńa Ulttyq Biryńǵaı testileýden abyroımen ótip, Qazaqstanymyzdyń bilikti mamany atanýlaryńa tilektespin. Al mekteptegi alǵashqy jyldaryn sátti aıaqtap, birinshi synyptan ekinshige aıaq basqan jas búldirshinder men barlyq mektep oqýshylaryna jazǵy demalystaryn jaqsy ótkizip, kúsh jınap, jaıdary kóńil kúımen jańa oqý jylyna oralýlaryńyzǵa tilektespin.

*** *** *** *** ***

Sizder búgin mekteppen qoshtasyp, úlken ómirge joldama alǵaly tursyzdar. Búgin barlyq qazaqstandyq túlekter úshin mekteppen qoshtasýǵa arnalǵan ataýly mereke. Elbasy Nursultan Ábishuly Nazarbaev jas   urpaq tárbıesine, bilim berý isine erekshe nazar aýdaryp, Sizderdiń sapaly bilim alyp, úlken azamat bolýlaryńyz úshin barynsha   jaǵdaı jasap otyr. Sizderdiń osy merekelerińiz Qazaqstan Respýblıkasy Táýelsizdiginiń jıyrma jyldyǵy   qarsańynda ótip otyr. Elimizdiń bolashaǵy — Sizderdiń qoldaryńyzda. Sondyqtan da qaı kezde de tereń bilim alý   jolynda jalyqpaı, talmaı   izdenip, el tizginin ustaıtyn azamat bolýlaryńyzǵa izgi tilegimdi arnaımyn.

*** *** *** *** ***

Qońyraý úni. Bul ún bilim kemesi — mektep qabyrǵa­synan shyqqan árbir adamnyń qulaǵyna tanys, júregine jaqyn. Alǵashqy qońyraý — balalyq armanyńdy jetelep, bilim alyp, maqsatyńdy aıqyndaýǵa shaqyrsa, sońǵy qońyraý úni — kámeletke tolyp, oń-solyn tanyp, qanattanǵan bozbala men boıjetkenderdi arman bıikterine ushyryp, eń úlken ómir mektebine shyǵaryp salady. Sońǵy qońyraý — osyndaı qımas qoshtasý áýeni sátimen ystyq.

Elimizdegi  ıgilikterdiń barlyǵy eldiń bolashaǵy — jas urpaqtyń keleshegi jarqyn bolýy úshin jasalyp jatqanyn baıandady. «Aýylyna qarap, azamatyn tany» degen, sender qaıda júrseńder de týǵan aýylymyzdaı syndy keleshegi kemel, órisi keń qushaqtan shyqqandaryńdy umytpaýǵa, týǵan jer, ósken ortalaryńdy maqtan etýge tıissińder. Týǵa jerimizdiń  márte­besin arttyratyn sendersińder, jas túlekter! Qadamdaryńa sátti sapar, ómirlerine qutty qadam tileımiz

*** *** *** *** ***

Jyl saıyn túlekterimizdi uıadan ushyrar sátte 3 tilek aıtamyz. Áýeli, Elbasymyz aıtqandaı úsh tildi jetik meńgerip, rýhanı baı, bilimdi azamat bol deımiz. Sosyn mápelegen ata-ana, bilimge baýlyǵan ustazdaryn qadirleı bilip, solardyń úmitin aqtaýǵa shaqyramyz. Sońynda, qaı jerde bolsa da shákirtterimiz elimizdiń atyn pash etip, bıikten kórinip júrsin dep tilek bildiremin.

*** *** *** *** ***

On bir jyl mektepte úzdik oqyp, ata-ana men ustazdarynyń qýanyshy bolǵan mektep bitirýshi túlekter — aýdanymyzdyń ǵana emes, elimizdiń de maqtanyshy. Olardyń bolashaǵynan el-jurty úlken úmit kútedi. Aýdanymyz boıynsha úzdik oqyp, bilim alǵan 15 túlek «Altyn belgige» jáne 2 túlek «Erekshe úlgidegi atestatqa» úmitker bolsa, onyń barlyǵy  de óz bilimderin dáleldeı aldy. Olar sapaly bilim, sanaly tárbıe bergen ustazdardyń eńbegin aıalap-ósirgen ata-analarynyń úmitin aqtap, júzden júırik shyǵyp, «Altyn belgi» ıegeri atanýda. Bul — mektep bitirýshiler úshin de, ustazdar men ata-analar úshin de qýanyshty, saltanatty sát.  Bıylǵy jylǵy túlekter túrli deńgeıdegi  bilim básekesine qatysyp, jaqsy jetistikterge jetti. Sóıtip, olar aýdanymyzdyń bilim salasyndaǵy bedeliniń artýyna ózindik úlesterin qosty. El erteńi, aqylyna bilimi saı táýelsiz eldiń jastary — Sendersińder. Sondyqtan da jaýapkershilikti tereń sezinip, árqashan senim bıiginen shyǵa bilýlerińe tilektespin!  Qurmetti túlekter,  aldaǵy ýaqytta tek jaqsy jetistikterińmen, joǵarǵy kórsetkishterińmen qýanta berińder. Men senderge aýdan jurtshylyǵy atynan joǵary bilimdi jaqsy azamat, bilikti maman bolyp, bolashaqta aýdanymyzdyń órkendeýine laıyqty úles qosady dep senim bildiremin. Úlken ómir jolyna bastar qadamdaryń sátti bolsyn! Bárińe aq jol tileımin!

*** *** *** *** ***

Keshe ǵana mektep tabaldyryǵyn attaǵan sıaqty edik — búgin, mine, on bir jyldyń qalaı zýlap ótkenin baıqamaı da qalyppyz.

Qymbatty ustazdar! Osy jyldar boıy bizge bilim men tárbıe berip, úlken ómirge daıyndaǵandaryńyzǵa alǵysymyz sheksiz! Sizderdiń senimderińizdi aqtaımyz dep úmittenemin.

Al, on bir jyl boıy birge oqyǵan synyptastarym, senderdiń endigi ómirlerińe tek qana sáttilik tileımin.Ańsaǵan armandaryńa qol jetkizip, elimizdiń kórkeıýine úlesterińdi qosa berińder!

*** *** *** *** ***
                                                   
Bizdiń qulaǵymyz máńgi kúmbirlep turatyn kúmis qońyraýdyń eń alǵashqy jarqyn úni men sońǵy da bolsa muńdy, salmaqty ásem syńǵyry. Ustazdarymyzdyń qımas sezimdegi janary men mektebimizdiń aq bataly qarıadaı beınesi bárimizdiń júregimizde úlken úmit, nyq senim uıalatady.

Ómirdegi sara joldy keshegi shákirt biz naq osy sáttegi tolqynystan, tebirenisten, sezim arpalysymen bastaımyz. Árıne, qımaımyz, kózimizge jas ta alamyz.

Sizdermen qımastyqpen qoshtasyp turyp, áli de talaı órenderdi bilim nárimen sýsyndatyp, qanat qaqtyra berýlerińizge tilektespiz!

---