Qalaı-qalaı soǵady, qan-júregim?!
Soǵasyń, áli ómiriń bar bilemin.
Dem ala «áı, baıǵusym, dem ala ǵoı.
Bul tirlikte qum arym qandy meniń.
Mazalama keýdemdi, oınaq salyp,
Hal joq mende kónetin qaırattanyp.
Qanshama ret sýyndyń qaınap baryp,
Qanshama ret tirildiń jaırap baryp
Men seni álsiretip aldym bilem,
Bolmashy nárselerge aıdap salyp...
Órtenbeı qalyp edin, ot-jalynnan.
Kózden atqan kimderdiń oqtarynan.
Qorqamyn, dorqam seniń, qan-júregim,
Qaljyrap oıpy toıpy soqqanyńnan.
Túsinem seniń qajyp turǵanyńdy,
Soq, júrek!
Buzbaı soqqyn yrǵaǵyńdy
Syńǵyrlaǵan sıqyrly ún estıin,
Burap qoı bosap qalǵan symdaryńdy.
Qalaı-qalaı soǵasyń, qan-júregim?!
Bilmeımin, qansha ómirim qaldy meniń.
Torǵa túsken torǵaıdaı bop barasyń,
Qarshyǵadaı samǵaǵan alǵyr ediń...

---