...Sonymen kúnder ótti,
Kúnder ótti...
Kimder kep, kimder ótti?!
Jonynan maıy tamǵan jomart - ólim!
Bárin de qabyldapty, kúndemepti.
Kúndemepti bátiriń, talǵamapty,
(Ómir úshin adamdar qanǵa batty).
Ketkenderdiń artynda aıǵyz-aıǵyz
Bireýden iz, bireýden tańba qapty.
Bireýlerden iz emes, jol qalypty,
(Ómir jolyn olardyń ońǵarypty).
Artynda tuǵyry joq paqyrlardyń
Aldynda apandaıyn or qalypty.
Ótti kúnder, ketti kim quraǵynan,
It ólimdi eriksiz mura qylǵan.
Adamdardyń ómiri jaralsashy,
Radııdiń óziniń shýaǵynan...

---