InfoHub Logo

Sóılem múshelerin qaıtalaý (8 synyp)
Sabaqtyń maqsaty:
1. Bilimdilik: Sóılem múshelerinen alǵan bilimderin mysaldar keltirý arqyly pysyqtaý, eske túsirý. Sóılem múshelerin ajyrata bilýge úıretý.
2. Damytýshylyq: Oqýshylardyń tanym belsendigin arttyrý. Til baılyǵyn, shyǵarmashylyq oılaý qabiletin damytý. Óz betterimen jumys isteýge úıretý jáne logıkalyq oılaý qabiletin damytý.
3. Tárbıelik: rýhanı-adamgershilik, eńbeksúıgishtik daǵdylaryn qalyptastyrý, Otandy súıýge, qazaq tiline degen qyzyǵýshylyǵyn arttyrý.
Sabaqtyń túri: bekitý sabaǵy
Ádis-tásilder: suraq-jaýap,taldaý, oı qorytý, izdendirý.
Pánaralyq baılanys: ádebıet
Kórnekiligi: slaıdtar, test tapsyrmalary, semantıkalyq karta.
Sabaqtyń barysy:
İ. Uıymdastyrý kezeńi. Oqýshylarmen amandasyp, zeıinderin sabaqqa aýdarý.
Búgin biz sabaǵymyzda sóılem múshelerinen alǵan bilimimizdi qaıtalaımyz.
Aldymen myna suraqtarǵa jaýap bereıik:
1. Sóılem múshesi degenimiz ne?
2. Sóılem múshesi bola almaıtyn sózder
3. Sóılem múshesiniń belgileri qandaı?
4. Sóılem músheleri quramyna qaraı neshege bólinedi?
5. Atqaratyn qyzmetine qaraı qalaı bólinedi?
6. Turlaýly músheler degenimiz ne?
7. Turlaýsyz músheler degenimiz ne?
8. Bastaýysh degenimiz ne?
9. Bastaýysh bolatyn sóz taptaryn ata.
10. Baıandaýysh degenimiz ne?
11. Baıandaýysh bolatyn sóz taptaryn ata.

Endi turlaýsyz múshelerge toqtalaıyq. 1-qatar tolyqtaýysh, 2- qatar anyqtaýysh, 3-qatar-pysyqtaýyshtyń erejesin aıtý.
Endi dápterlerińdi ashyp, búgingi kúndi jazyńdar. Myna sóılemderge sıntaksıstik (satylaı-keshendi) taldaý jasaıyq:
1. Búgingideı kúnderimiz úshin talaı ǵasyrlar boıy ata-babalarymyz qandy jolǵa táýekel etip basyn tikti.
2. Qazaq halqy kúı ónerin erekshe qadirlegen.
Sóz quramyna, leksıka-gramatıkalyq maǵynasyna qaraı taldaý jasaý: ǵasyrlar, tikti.
Dybystyq taldaý (matematıkalyq tásilmen): Qazaqstan, táýelsizdik.
« Meni tap! » oıyny.
Oıyn sharty: berilgen maqal-mátelderdi oqyp, 1-qatar sol oqylǵan maqal-mátelden anyqtaýyshty, 2- qatar pysyqtaýyshty, 3-qatar tolyqtaýyshty tabady.
1-qatar ( anyqtaýysh )
1. Jaman joldas jaýǵa qaldyrar.
2. Gúl – jerdiń kórki,
Qyz – eldiń kórki.
3. Baılyqtyń atasy –eńbek, anasy – jer.
2- qatar (pysyqtaýysh):
1. Qoryqqan buryn judyryqtar.
2. Er jigit eli úshin týady, eli úshin óledi.
3. Bolat qaınaýda shynyǵady, batyr maıdanda shynyǵady.

3-qatar (tolyqtaýysh)
1. Temirdi qyzǵan kezde soq.
2. Talaptyǵa nur jaýar.
3. Qaıǵysyz qara sýǵa semirer.
Semantıkalyq kesteni toltyrý.
1-qatar:
Biz búgingi jetistikterimizge táýelsizdiktiń arqasynda jettik.
2-qatar:
Men táýelsiz eldiń azamaty bolǵanyma maqtanamyn.
3-qatar:
Táýelsizdikti ańsamaıtyn halyq eshqashan bolmaıdy.

Sóılem bastaýysh baıandaýysh tolyqtaýysh anyqtaýysh pysyqtaýysh
Biz búgingi jetistikterimizge táýelsizdiktiń arqasynda jettik

Syzba boıynsha sóılem qurastyrý:
1. Anyqtaýysh - bastaýysh – pysyqtaýysh – pysyqtaýysh – baıandaýysh.
2. Pysyqtaýysh – bastaýysh – pysyqtaýysh – baıandaýysh.
3. Bastaýysh – tolyqtaýysh – pysyqtaýysh - baıandaýysh.

Test jumysy.
Sóılem múshelerin qanshalyqty meńgergenderińdi tekserý úshin jáne sabaqty qorytý maqsatynda 2 nusqada test tapsyrmasy beriledi. (Test tapsyrmasy 6 suraqtan, ár suraq 6 jaýap nusqasynan turady. Test paraqshasynyń sońynda bos torkózder berilgen,sol torkózderge durys jaýap sandary jazylady ).
Qorytyndy: Búgingi sabaq senderge unady ma?
Ne bildińder?
Sabaq nesimen qyzyqty boldy?
Qandaı áser aldyńdar?
Baǵalaý: Sabaqqa qatysqan oqýshylardyń bilimin baǵalaý.
Úıge tapsyrma: «Táýelsiz eldiń ulanymyz» taqyrybyna shaǵyn shyǵarma jaz
1-nusqa.
1.Sóılem múshesi atqaratyn qyzmetine qaraı qalaı bólinetinin kórset.
1) Bastaýysh, anyqtaýysh. 2) Turlaýly, turlaýsyz. 3) Bastaýysh, baıandaýysh. 4) Turlaýsyz, pysyqtaýysh. 5) Tolyqtaýysh, pysyqtaýysh.

6) Anyqtaýysh,tolyqtaýysh
2. Sóılem músheleri quramyna qaraı qalaı bólinetin kórset.
1)Dara, kúrdeli, úıirli. 2) Anyqtaýysh, tolyqtaýysh, pysyqtaýysh. 3) Turlaýly, turlaýsyz. 4)Bastaýysh, baıandaýysh. 5) Anyqtaýysh,tolyqtaýysh, úıirli. 6) Dara, kúrdeli, turlaýly.

3. Bastaýysh qaı sóz tabynan ekenin kórset. Sender baqytty adamsyńdar.
1) Zat esim. 2) Syn esim. 3) San esim. 4) Etistik. 5) Esimdik. 6) Ústeý.
4. Týra tolyqtaýysh qaı septikte turatynyn kórset.
1)Barys septik. 2) İlik septik. 3) Tabys septik. 4) Jatys septik. 5) Shyǵys septik. 6) Kómektes septik.

5. Meken, mezgil, qımyl-syn, men sebep jaǵynan aıqyndaıtyn sóılemniń turlaýsyz múshesin kórset..
1) Bastaýysh. 2) Baıandaýysh. 3) Tolyqtaýysh. 4) Anyqtaýysh. 5) Týra tolyqtaýysh. 6) Pysyqtaýysh.

6. Sóılemdegi anyqtaýyshtyń baılanysý túrin kórset.
1) Qıysý. 2)Qabysý, matasý. 3) Meńgerý. 4) Matasý, janasý. 5) Janasý. 6) Janasý, qabysý.

2- nusqa.
1. Ataý septiginde turyp, is-oqıǵany bildiretin sóılemniń múshesin kórset.
1) Bastaýysh. 2) Baıandaýysh 3) Tolyqtaýysh. 4) Anyqtaýysh 5) Pysyqtaýysh 6) Turlaýsyz músheler.

2. Bastaýysh pen baıandaýyshtyń sóılemdegi baılanysý túrin kórset.
1) Matasý. 2) Meńgerý. 3) Qıysý. 4) Janasý. 5) Qabysý. 6) Meńgerý, janasý

3. Baıandaýysh qaı sóz tabynan ekenin kórset. Búgin kún sýyq.
1) Zat esim. 2) Syn esim. 3) San esim. 4) Esimdik. 5) Etistik. 6) Esimshe

4. Qashan? Qalaı? Qaıda? suraqtaryna jaýap beretin sóılem múshesin kórset.
1) Bastaýysh. 2) Baıandaýysh. 3) Tolyqtaýysh. 4) Anyqtaýysh. 5) Pysyqtaýysh. 6) Turlaýly músheler

5. Myna sóılemdegi týra tolyqtaýyshty kórset.
Balańdy bes jasqa deıin handaı kóter, on bes jasqa deıin quldaı jumsa.
1) Bes jasqa. 2)Handaı. 3) Balańdy. 4) Kóter. 5) On bes jasqa. 6) Quldaı jumsa.

6. Dara bastaýyshy bar sóılemdi kórset.
1) Uly aqyn Abaı Semeı óńirinde dúnıege kelgen.
2) Qazaqstan jeri - paıdaly qazbalarǵa baı.
3) Qazaq halqy óziniń táýelsizdigin 1991 jyly jarıalady.
4) Abaılar Qarashoqyǵa tús aýa jetti.
5) Meniń ol kitapty oqyǵym keldi.
6) Táýke han el basqarý isine bedeli zor bıler men batyrlardy toptastyrǵan.

Refleksıa (oı tolǵaý): Búgingi sabaq senderge unady ma?
Qandaı áser aldyńdar?
Qandaı tapsyrma senderge qıyndyq týǵyzdy?

Baǵalaý: Sabaqqa qatysqan oqýshylardyń bilimin baǵalaý.
Úıge tapsyrma: Táýelsizdik taqyrybyna 5 sóılem qurastyrý