InfoHub Logo

Sóılem múshelerinen ótkendi qaıtalaý
Qazaq tili, 8 synyp
Sabaqtyń maqsaty:
bilimdilik – sóılem músheleri týraly túsinik berý, olardyń gramatıkalyq belgilerin meńgertý, negizgi máselerdi qaıta jańǵyrtý, qyzyǵýshylyǵyn oıatý;
damytýshylyq – óz betinshe izdenýge, oılaý qabiletin arttyrýǵa yqpal etý, óz oıyn erkin jetkizýge baýlý, jyldam jaýap berýge jattyqtyrý;
tárbıelik – maqal - mátel arqyly oqýshylardyń rýhanı baılyǵyn qalyptastyrý, adamgershilikke tárbıeleý.
Sabaqtyń túri: saıys sabaq (oqýshylardy eki topqa bólip, saıys sabaǵyn ótkizý arqyly sóılem múshelerinen ótken taqyryptardy qaıtalap qorytyndylaý).
Sabaqtyń ádisi: toptastyrý, suraq – jaýap, izdenýshilik, taldaý.
Kórnekilik: tirek syzbalar, poster, kómekshi quraldar.
Pánaralyq baılanys: ádebıet, sýret.

Sabaqtyń barysy:
Uıymdastyrý kezeńi: Oqýshylarmen amandasý, olardy túgendep, sabaqtyń maqsatyn habarlaý, oqýshylardy topqa bólý, bir – biriniń jaýabyn tyńdaýdy, baǵalaýdy eskertý.
1. Olar eki kúnnen keıin kelip qalar.
2. Ekeýi qýanǵannan jylap jiberdi.
3. Ájesimen biraz sóılesti
4. Jaqsy jańalyqty estigende balasha qýandy.
5. Mektepke qaraı bet aldy.
Sóılemdegi qaramen berilgen sóılem músheleri arqyly oqýshylar 5 topqa bólinedi.

Jańa sabaq:
Búgin biz sabaǵymyzda sóılem múshelerinen alǵan bilimimizdi qaıtalaımyz.
Aldymen myna suraqtarǵa jaýap bereıik:
1. Sóılem múshesi degenimiz ne?
2. Sóılem múshesi bola almaıtyn sózder?
3. Sóılem múshesiniń belgileri qandaı?
4. Sóılem músheleri quramyna qaraı neshege bólinedi?
5. Atqaratyn qyzmetine qaraı qalaı bólinedi?
6. Turlaýly músheler degenimiz ne?
7. Turlaýsyz músheler degenimiz ne?

1 - tapsyrma Top boıynsha poster qorǵaý
/bastaýysh, baıandaýysh, tolyqtaýysh, anyqtaýysh, pysyqtaýysh/
Posterge qoıylatyn talap:
1. Kórneki, ádemi bolýy /syrty, bezendirilýi, tús tańdaýy/
2. Mazmuny taqyrypqa saı bolýy
3. Top músheleriniń poster qorǵaýǵa túgel qatysýy
Posterdi taldaý: Ózińe ne unady? Ne unamady? Qaıta qorǵaıtyn bolsań neni ózgerter ediń?

2 - tapsyrma. Syzba boıynsha sóılem qurastyrý:
1. Anyqtaýysh - bastaýysh – pysyqtaýysh – pysyqtaýysh – baıandaýysh.
2. Pysyqtaýysh – bastaýysh – pysyqtaýysh – baıandaýysh.
3. Bastaýysh – tolyqtaýysh – pysyqtaýysh - baıandaýysh.
Ár top dápterge jazady, top músheleriniń tolyq jazǵanyn kútedi, sóılemderin oqıdy.

3 - tapsyrma. Shapshań ári jyldam. Tómendegi suraqtarǵa jaýap bere otyryp, qaı sóılem múshesiniń suraǵy ekenin tabý kerek.

1. Neni arman etesiń?
2. Qaıda barǵyń keledi?
3. Dostar qaıtedi?
4. Kimdi qurmet tutasyń?
5. Nemen shuǵyldanasyń?
6. Kimge uqsaǵyń keledi?
7. Nege qyzyǵasyń?
8. Qandaı oramal?
9. Neden áser alasyń?
10. Qalaı sóıledi?
11. Kimniń oqýlyǵy?
12. Kimnen úlgi alasyń?
13. Dosyńmen ne týraly áńgimelesesiń?
14. Kimmen joldassyń?
15. Nege rıza bolasyń?
16. Kimdi qýantqyń keledi?
17. Kim barady?
18. Kimmen maqtanasyń?
19. Neni talap etesiń?
20. Qashan qaıtasyńdar?
21. Kimge rızasyń?
22. Neden qorqasyń?
23. Kimmen sóıleskendi qalaısyń?
24. Kimdi kútesiń?
25. Qansha oqýshy?

4 - tapsyrma
EGER, ONDA, ÓITKENİ...
1. Eger sóz tolyq maǵynaly bolsa jáne belgili bir suraqqa jaýap berse,
Onda...
Óıtkeni...
2. Eger tolyqtaýysh tabys septiginde tursa,
Onda...
Óıtkeni...
3. Eger bastaýyshty turlaýsyz múshe desek,
Onda...
Óıtkeni...
4. Eger qansha degen suraq etistikpen baılanysty sózge qoıylsa,
Onda...
Óıtkeni...
5. Eger zat esim ilik septiginde tursa,
Onda...
Óıtkeni...

Sabaqty qorytyndylaý
Meniń kóńil - kúıim
Qıyndyq týǵyzǵan másele
Men úshin sátsiz boldy
Aıtaıyn degenim
Maǵan unaǵany

Oqýshylardy baǵalaý
Úıge tapsyrma: Sóılem múshelerine baılanysty 5 suraqtan turatyn test tapsyrmasyn qurastyrý

Qazaq tili men ádebıeti páni muǵalimi Nurmanova Gúlnaz Serikbaıqyzy