InfoHub Logo

4 - synyp
Sabaqtyń taqyryby: Sóılemniń biryńǵaı músheleri
Sabaqtyń maqsaty:
1. Oqýshylardyń bir suraqqa jaýap berip, birdeı tulǵada aıtylǵan sózderdiń sóılemniń biryńǵaı músheleri bolatynyn túsindirý, biryńǵaı múshelerdiń ózine tán erekshelikterine sıpattama berý jáne oqýshylardyń jeke tulǵa quzirettiligin damytý;
2. Oqýshylardyń tanymyn keńeıtý, materıaldy tez qabyldaýyna jol ashý, óz pikirin aıtýǵa tóseldirý, oılaý, este saqtaý qabiletterin arttyrý, til mádenıetin damytý;
3. Óz - ózine senimdilikterin arttyrý.
Sabaqtyń túri: jańa sabaq
Ádis – tásilder: túsindirý, suraq - jaýap, jattyǵý, izdendirý, júıeleý.
Sabaqtyń kórnekiligi: ınteraktıvti taqta, oqýlyq, sýretter, fıshka.

Sabaqtyń barysy:
1. Uıymdastyrý kezeńi.
Barlyǵy: Kún jaryǵyn alaqanǵa salamyn,
Júregime basyp ustaı qalamyn.
İzgi ári názik, jaryq, meıirimdi,
Bolyp keter sonda dereý jan - jaǵym.
- Mine, júregimizdegi osyndaı jylýmen sabaǵymyzdy bastaımyz
2. Úı jumysyn tekserý. 51 bet 5 - jattyǵý

- Búgingi sabaqta jaqsy jaýap bergen oqýshyǵa fıshka berip otyramyn. (óte jaqsy jaýap bergen oqýshyǵa - qyzyl, jaqsy jaýap bergen oqýshyǵa - jasyl)
- Balalar biz qandaı bolǵymyz keledi? ( aqyldy, ádemi, bilimdi)
Ondaı bolýymyz úshin biz ne bilýimiz kerek? (ınterak. taqtany, kompúterdi, planshetti.)
Endeshe qazir biz ınteraktıvnyı taqtany qoldanamyz.
Interaktıvti taqta men jumys.
Gúldiń kúlteshesi qandaı tústi bolady?
Adamdar óz úılerin qalaı kútedi?
Bul qandaı aǵashtar?
- Bir suraqqa jaýap beretin sózderdi tabyńdarshy.
- Sózder qandaı sóz tabymen baılanysyp tur?
- Balalar ataıdy.
- Ondaı sózderdi sóılemniń biryńǵaı múshesi deımiz
- Endi osy sózdermen sóılem quraı qoıyndar.
Sonda jańaǵy sóılemderden qandaı ereje shyǵarýǵa borlady?
Ózderi ereje shyǵarady.
1 - ereje: Bir suraqqa jaýap beredi.
2 - ereje: Biryńǵaı múshelerdiń arasyna útir qoıylady.
3 - ereje: Birdeı múshe.
- Al endi oqýlyqtaǵy erejeni qaraı qoıyndar.
Qalaı qorytasyńdar? Erejeni durys shyǵardyq pa?
Al qazir biz erejeni paıdalanyp, oqýlyqtaǵy 4 - jattyǵýdy oryndaımyz.
(Sýret boıynsha sóılem qurap jaz. Sóılem ishindegi biryńǵaı músheler qandaı sóılem múshesi bolyp tur. Sóılemdegi biryńǵaı músheler nege bir ǵana sóılem múshesi bolyp tur.)
- Qasqyr, túlki, aıý, arystan jabaıy ańdar.
Qoı, at, eshki, sıyr bular tórt túlik maldarǵa jatady.
Ájem aqman, qasyq, taba, tárelke, kástról, sháshke satyp aldy

Berilgen sózderden sóılem qurastyrý.( 2 oqýshy taqtaǵa jazady)
Synyp oqýshylary shahmattan, júgirýden, júzýden birinshi oryndy ıelendi.
Aq, qyzyl,, sary, jasyl sharlar aspanda qalyqtap ushty.
Sergitý sáti.( fınskaıa zarádka)
Qazir men senderge sóılemder oqımyn, al sender bir músheli sózderdi ataısyńdar.
1. Jylyjaıda aq, kók, qyzyl, sary gúlder ósirilýde.
2. Qaz, úırektiń balapany óte názik bolady.
3. Búgin Ásel, Aınur, Sáýlelerdi kezdestirdim.
4. İle Alataýynda jabaıy alma, órik, shıe aǵashtary ósedi.
5. Túıe sútinen qurt, maı, irimshik ázirlenedi.
6. Saıat demalys kúni murajaıǵa, teatrǵa, kórmege bardy.
7. Gúlnazda qalam, dápter, qaryndash, kitap joq.

3 - jattyǵý.
Mátindi oqyp, kóshirip jaz. Biryńǵaı múshelerdiń astyn syz. Biryńǵaı múshelerge suraq qoı. Olardyń arasyna qandaı tynys belgisi qoıylǵan.
Sabaqty qorytyndylaý:
- Búgingi sabaqtan ne bildik?
- Neni úırendińder?
Baǵalaý. Fıshkalardy sanap, baǵa qoıý.
Úıge tapsyrma: 52 - bet 5 - jattyǵý ereje.
Oıyn - jattyǵý
Aspan kógindegi kún bolsańdar, adamdarǵa qandaı jyly sózder syılar edińder?
Kútiletin jaýap: meıirimdilik, jylýlyq, jarqyndyq, sulýlyq, sergektik, kishilik, kisilik. t.

Mátinnen biryńǵaı múshelerdi taýyp, olardy tynys belgilerimen tolyqtyr.
Qazaqstannyń taýlary.
Qazaqstanda Altaı Tarbaǵataı Saýyr jáne İle Alataýy bar. Taý bıiktegen saıyn aýa móldir taza bolady. Altaı ósimdikteri ár túrli bolady. Bıik taýlarda qar jatady. Taýdan móldir bulaqtar aǵady. İle Alataýynda jabaıy alma órik aǵashtary qaıyn ósedi.

Soltústik Qazaqstan oblysy,
Taıynsha qalasy №5 OM
Bastaýysh synyp muǵalimi Jarkınbaeva A. G.

Tolyq nusqasyn júkteý