InfoHub Logo

«Sózmergen» atty oıyn, saıys saǵaty

Maqsaty: Oıyn arqyly oqýshylardyń qazaq tili men ana tilinen bilimderin baıqaý. Balalardyń til týraly tanymdyq deńgeıin kóterý, bilimdi jan - jaqty bolýǵa úıretý, logıkalyq oılaý qabilettirin qamytý. Turaqty sóz tirkesteri men maqal - mátelderdi ajyrata bilýge, olardyń mánin durys uǵynýǵa baýlý, ana tiline degen súıispenshiligin arttyrý, ulttyq qadir – qasıetti tanýǵa, shapshańdyqqa baýlý, olardyń ozyq oıly oqýshy bolýǵa tárbıeleý.
Kórnekiligi: slaıdtar.
Júrisi:(1. Uıymdastyrý.)
Muǵalim: Qymbatty ustazdar, qonaqtar, til janashyrlary! Til mártebesin kóterý - eldiń mereıin ústemdetip kókke sharyqtatý,«Qazaq» degen atqa laıyq, qazaq ekenin dáleldeıtin ulttyń sulý da sazdy, kórkeıgen tili bolýy kerek. Sol tildi bıikke samǵatatyn ul - qyzdary, jas urpaǵy bolýy kerek bolsa, sol urpaq aldaryńyzda tur.
Endeshe 4«D» synybynda uıymdastyrylǵan «Sózmergen» atty oıyn, saıys saǵatyna qosh keldińizder.
Qazaq tili - bul ana til, bul eń kórkem, baı til. Ol atadan balaǵa mıras bolyp kele jatqan qundy qazyna. Ananyń aq sútimen boıymyzǵa sińgen ana tili qaı kezde de bizge qýat bereri haq. Til tarıh aıǵaǵy. Týǵan til týraly jyrlamaǵan aqyn, jazbaǵan jazýshy joq shyǵar.
Óz egemendigin jarıalap,«Qazaq» degen ultty búkil álemge tanytqan Elbasymyz N. Nazarbaevtyń parasatty paıymdary, bolashaqqa degen jarqyn kózqaras qalyptastyrdy.

Hormen:«Qazaqstannyń bolashaǵy - qazaq tilinde».

1 - oqýshy:
Ana tilim - Shejirem, Ósıetim,
Az ba, kóp pe, bilmeımin, qasiretiń.
Ata - baba túgili keıingiler
Anasynyń bilmeıdi qasıetin...
2 - oqýshy:
Týǵan bala beıshara keıýanadan,
Moıynsunyp taǵdyrǵa kóngen aman.
Anasynyń tilinde sóılemeıtin,
Qaltyraǵan kóleńke, ólgen adam.
3 - oqýshy:
Ana tilim, ana sútin aqtaǵan,
Ony Orhon, Eneseıde saqtaǵan.
Qurta almaǵan tipti,"Alakól sulama"
Qorǵaǵan el «shubyryndy aqtaban».

4 - oqýshy:
Bolmaqsyń ba rýhanı Aralym,
Saǵan quımaı qaıda qańǵyp qalamyn?!
Bekinisim berispeıtin ólispeı,
Ana - tilim eń sońǵy ulttyq qamalym.
5 - oqýshy:
Súıemin týǵan tildi - anam tilin,
Besikte jatqanymda - aq bergen bilim.
Shyr etip jerge túsken mınýtymnan,
Qulaǵyma sińirgen tanys únin.
6 - oqýshy:
Tilimdi arymdaı saqtaımyn,
Dilimdi teksiz bop shatpaımyn.
Quqymnyń páktigin dáleldep,
Ultymnyń baı tilin jattaımyn.