InfoHub Logo

Dúnıetaný 2 synyp
Sabaqtyń taqyryby: Sýdyń mańyzy

Maqsaty: Sýdyń adam ómirindegi mańyzy, sýsyz tirshilik joq ekendigin uǵyndyrý, sýdy qorǵaýǵa úıretý
Kútiletin nátıje A) tájirıbe jasaı alady
Á) Sýdyń mańyzdylyǵyn uǵynady
B) Sýdyń tirshilikke mańyzyn baǵalaıdy
Ádis - tásilder: túrtki suraq, suraq-jaýap ádisi, toptyq áńgime, dıalogtik oqytý,
«Kresıkter men nóldikter», jappaı, toptyq, juptyq, jeke jumys túrleri.
Kerekti qural - jabdyqtar Oqýlyq, dápter, flıpchart, flomaster, marker, kartochkalar.

Kirispe
Oqýshylarmen amandasý.
Psıhologıalyq daıyndyq.
Kúlim qaǵyp qolymdy,
Bir, eki, úsh dep soǵaıyn.
Qarap turǵan kórshime,
Qolymdy men bulǵaıyn.
Jyly - jyly júzbenen,
Mańdaıynan sıpaıyn.
Jyly - jyly sózbenen,
Júregimdi syılaıyn.
Ystyq alaqanymmen,
Qolyńdy ber qysaıyn.
Amandasyp ózińmen,
Qushaqtap bir alaıyn

Topqa bólý.
Sý, bý, muz, tamshy sýretteri arqyly topqa topqa bólý
- qoldaryńyzdaǵy sýretter týraly ne aıta alasyzdar?
Baqylaý kúndeligimen jumys
- Barlyǵymyz terezege qaraıyq.
- Búgin aýa raıy qandaı?
- Jaýyn - shashyn bar ma?
- Aýa temperatýrasy qandaı?

Úı tapsyrmasyn tekserý «Kresıkter men nóldikter» ádisi arqyly
1. Sý qandaı bolady?
2. Sýdyń túsi qandaı?
3. Sýdyń pishini bar ma?
4. Sýdy qandaı jerlerde kezdestirdiń?
5. Sý adam úshin mańyzy qandaı?
6. Sýdyń neshe kúıi bolady?
7. Muz sýdyń qaı túrine jatady?
8. Jańbyr sýdyń qaı túrine jatady?
9. Sýdyń bý túrine kezdesetini týraly ne aıta alasyń?

Tusaýkeser Mıǵa shabýyl
3 shyny ydysqa sút, sý, suıyq maı ákelip, osylardyń ishinen sýdy tabýlary suralady
- qalaı taptyńdar?

Negizgi bólim

Toptyq jumys
Tájirıbeler:
1 - top: Sýǵa qant salyp, aralastyraıyq. Qant erip ketti. Sý móldir kúıinde qaldy. Sýdyń dámi tátti boldy. Qant sýda jaqsy erıdi.
2 - top: Sýǵa bir qasyq tuz salyp aralastyrý. Tuz sýda erip ketedi. Sý móldir kúıinde qaldy. Sýdyń dámi ashshy bolady. Tuz sýda jaqsy erıdi.
3 - top: Stakandaǵy sýǵa qum salyp aralastyrý. Qum qıyrshyqtary sol qalpynda stakan túbinde shógedi. Qum sýda erimeıdi.
4 - top: Stakandaǵy sýǵa saz salyp aralastyrý. Sý laılanady. Sýdy biraz tundyrsaq, saz túbine shógedi. Saz sýda erimeıdi.
Keste
Sýda jaqsy erıtin zattar

Sergitý sátin ótkizý.
Dáptermen jumys.
Jasaǵan tájirıbe boıynsha kesteni dápterge toltyrý
Ne alamyz? Neni baqylaımyz?

Shyǵarmashylyq tapsyrma
Ústine júk artqan eki esek kele jatty. Bireýiniń ústinde tuz, ekinshisinde maqta bolatyn. Olarǵa tereń ózennen ótý kerek boldy. Ústine tuz artqan sýdan shyǵysymen birden joryta jóneledi. Al maqta artqany aıaǵyn áreń basyp, qabyrǵasy qaıysyp ketti. Olarǵa ne boldy?
- Barlyq zattar sýda erı me?
- Zattardyń bári birdeı erimegeni jaqsy ma, jaman ba?
- Sý qoımalaryndaǵy sý(túsi, ıisi, tazalyǵy) qandaı bolady?
- Paıdasy bar ma?
- İshýge jaraı ma? Nelikten?
- Qandaı sýlar ishýge jaraıdy?
- Sý qoımalarynyń tazalyǵyn saqtaý úshin ne isteý kerek?
- Sý mańynda qandaı ósimdikter ósedi, janýarlar tirshilik etedi?

Qorytyndy
Refleksıa:
Baǵalaý
«Aıaqtalmaǵan sóılem....»
Sý....................
Sý...................
Sý...................
Sý................

“Baspaldaq” ádisi arqyly kórsetińder.

Ózindik baǵalaý paraǵyn toltyrý
«Balqash qalasynyń №15 mektep - lıseıi» KMM
Bastaýysh synyp muǵalimi Jaqypbekova Maıra Berıkbolovna