InfoHub Logo

9 - synyp Qazaq ádebıeti
Sabaqtyń taqyryby: S. Toraıǵyrovtyń ómiri men shyǵarmashylyǵy.
Sabaqtyń maqsaty:
Bilimdilik: Oqýshylarǵa qazaq halqynyń HH ǵasyr basyndaǵy asa kórnekti aqyn Sultanmahmut ómiri týraly jan - jaqty maǵlumat berý, shyǵarmashylyǵynyń mazmuny men mańyzyn ashý, mánin túsindirý;
Tárbıelilik: Aqynnyń ómir joly arqyly oqýshylardy adamgershilik pen parasattylyqqa týǵan tilin, ádebıetin súıýge qushtarlandyrý;
Damytýshylyq: Ár oqýshynyń ózindik oı - qıalyna erik bere otyryp, ózinshe oı túıýge baýlý, ózdikterinen izdenýge, shyǵarmashylyqpen jumys jasaýǵa jumyldyrý.
Tıpi: jańa taqyrypty meńgertý
Túri: izdenis sabaq
Ádisi: suraq - jaýap, izdendirý, túsindirý.
Kórnekilikter: Sultanmahmut sýreti, shyǵarmalar jınaǵy, ınteraktıvti taqta, t. b.
Sabaqtyń barysy:
I. Uıymdastyrý
II. Úı tapsyrmasyn tekserý.
III. Jańa sabaq túsindirý.
Oqytýshynyń kirispe sózi: «Sultanmahmut – tereń oıly, ushqyr sózdi, sulý talǵamdy aqyn edi», - degen B. Kenjebaevtyń sózi tóńireginde áńgime qozǵaımyn. Búgingi sabaqtyń maqsatyn ınteraktıvti taqta arqyly túsindirip ótemin.

IV. İzdendirý kezeńi
Jańa sabaqty meńgertý úshin suraqtar bere otyryp kitappen jumys jasatamyn.
1. Sultanmahmut qaı jyly, qaı jerde dúnıege kelgen?
1893 jyly Kókshetaý oblysy, Qyzyltý aýdany
2. Sultanmahmut neshe jasynda hat tanyǵan?
6 jasynda
3. Sultanmahmut alǵashqy óleńin neshe jasynda jazǵan, ol qalaı atalady?
13 jasynda «Sekildi ómir qysqa jarty tutam»
4. Sultanmahmut izdep barǵan alǵashqy qalasy qaı qala?
Troısk
5. Eńbek jolyn bastaǵan qazaq baspasózi qalaı atalady?
«Aıqap» jýrnaly
6. 1914 jyly ashqan uıymy qalaı atalady?
«Shoń seriktestigi»
7. 1915 jyly óleńmen jazylǵan romannyń aty qandaı?
«Kim jazyqty»
8. Gımn úlgisinde jazylǵan óleńiniń aty?
«Alash urany»
9. Appaqaı qalamgerdiń qaı shyǵarmasynyń keıipkeri?
«Kim jazyqty»
10. Aqynnyń 5 bólimnen turatyn fılosofıalyq poemasy qalaı atalady?
«Adasqan ómir»
11. Sultanmahmut týraly jazylǵan romannyń avtory kim?
Dıqan Ábilov
12. Qandaı poemalaryn bilesińder?
«Tanystyrý», «Kedeı», «Qamar sulý»
13. Qaı jyly neshe jasynda dúnıeden ótti?
1920 jyly 27 jasynda

V. Damytýshylyq kezeńi.
Suraqqa tıisti jaýap alǵannan keıin aqynnyń birneshe óleńderin oqytyp, taldatamyn.
1. «Shyǵamyn tiri bolsam adam bolyp»
a) Aqyn maqsaty ne? (adam bolý, jaman bolmaý, eline qolǵabys etý)
á) Bilim izdegenin qaı sózden kóremiz? (jaryq sáýle qýǵan)
b) Kórde jatý neniń belgisi? (nadandyqtyń)
v) Kún alyna ma? Kún arqyly aqynnyń aıtpaq oıy ne? (oqý oqyp bilim alý, maqsatqa jetý)

2. «Shákirt oıy»
Qarańǵy qazaq kógine a
Órmelep shyǵyp, kún bolam b
Qarańǵylyqtyń kegine a
Kún bolmaǵanda kim bolam?! B
Óleń qurylysy: 8 býyndy, 18 tarmaqty, 3 shýmaqty, shalys uıqas

3. Óleńderden kórkem sóz obrazdaryn tabý.
Óleńnen úzindi Qaı óleń? Kórkem sóz obrazdary
Bolmasa tolǵan aıdaı balqyp týǵan «Shyǵamyn tiri bolsam adam bolyp» teńeý

VI. Sabaqty bekitý. Sultanmahmut ómiri men shyǵarmashylyǵyna baǵa bere otyryp, toptastyrý syzbasyn qurastyrý.

VII. Qorytý. Biz búgingi sabaqta Sultanmahmuttyń ómiri men shyǵarmashylyǵymen tanystyq. Aqyn óleńderi qaırat pen jigerge toly ulttyq namys pen sana sezimdi oıatýmen qundy týyndy ekenin bildik.
VIII. Úıge tapsyrma.
1. Oqýshylarǵa S. Toraıǵyrovtyń ómiri men shyǵarmashylyǵy jaıly tyń materıaldar izdep kelý..
IX. Oqýshy bilimin baǵalaý.