InfoHub Logo

Sabaqtyń taqyryby: "Sýsyndar. Qandaı?" (slaıd)

Orys mektebiniń 2 - synyp oqýshylaryna arnalǵan sabaq jospary.
Sabaqtyń taqyryby: Sýsyndar. Qandaı?
Sabaqtyń maqsaty:
Bilimdilik: azyq – túlikter taqyryby boıynsha alǵan bilimderin pysyqtaý, aldyńǵy sabaqtarda meńgergen sózderdi ár túrli jaǵdaıda qoldana bilýge úıretý, mánerlep oqý, oıdy júıelep aıtý daǵdylaryn qalyptastyrý, qazaq tiline tán dybystardyń durys aıtylyp – jazylýyna nazar aýdartý;
Damytýshylyq: jańa sózdermen oqýshylardyń sózdik qoryn molaıtý, óz betterimen sóılem quraýǵa úıretý, jazbasha tapsyrmalardy durys, saýatty oryndaý daǵdylaryn, oqýshylardyń dúnıetanymyn, aýyzeki sóıleý tilderin damytý;
Tárbıelik: oqýshylardyń qazaq tili pánine degen qyzyǵýshylyǵyn arttyrý, mádenıettilikke tárbıeleý. Nannyń qasıeti týraly tárbıelik máni zor áńgime uıymdastyrý.
Sabaqtyń túri: oqýshylardyń bilimderin oıyn elementteri arqyly qorytý, júıeleý sabaǵy.
Sabaqtyń ádis – tásilderi: suraq – jaýap, dıdaktıkalyq oıyndar, dıalog, jazbasha, aýyzsha, jeke, juptyq jumystar, sýretpen jumys
Kórnekiligi: ınteraktıvti taqta, sýretter, tapsyrmalar, slaıdtar.

Sabaqtyń barysy:
I. Uıymdastyrý kezeńi:
1. Amandasý, túgendeý, sabaqqa daıyndyqtaryn tekserý.
2. Til damytý suraqtary: Aıtylym.
- Qazir jyldyń qaı mezgili?
- Qazir jyldyń qys mezgili.
- Qys aılaryn ata.
- Qys aılary: jeltoqsan, qańtar, aqpan.
- Qazir qaı aı?
- Qazir qańtar aıy.
- Qysta aýa raıy qandaı bolady?
- Qysta aýa raıy sýyq bolady, qar jaýady, aıaz bolady...
- Qysta adamdar qalaı kıinedi?
- Qysta adamdar jyly kıinedi.

3. Sýretpen jumys: Taqtada qys taqyrybyna plakat ilingen. « Qys» taqyrybyn 1 oqýshyǵa áńgimeletý. Tyńdalym. Aıtylym.
- Qysta qandaı meıramdar bar?
- Durys. Táýelsizdik kúni men jańa jyl meıramy bar.
- Jańa jylda adamdar qaıda barady, ne alady?
- Durys. Dúkenge barady, azyq – túlik alady.

II. Úı tapsyrmasyn tekserý: Tyńdalym. Aıtylym.
1. Jańa sózder: azyq – túlikterge qatysty sózderdi « Muǵalim men oqýshy» oıynyn oınatý arqyly tekserý. Iaǵnı, taqtaǵa muǵalim rólinde oqýshy shyǵyp, oqýshylarmen dıalog júrgizedi:
- Mynaý ne?
- Mynaý - shujyq.
- Mynaý nan ba?
- Joq, bul - irimshik.
- Nan qandaı?
- Nan - jumsaq.
- Kámpıt qandaı?
- Kámpıt - tátti.
2. Maqal - mátel, taqpaq aıtý: Aıtylym.
- Balalar, eń basty taǵam qandaı?
- Durys, eń basty taǵam – nan.
- Qandaı óleń, maqaldar bilemiz?
« As atasy – nan», « Dastarqanda nan bolmasa, Tamaqta mán bolmas»
,, Nan ıisi’’ - taqpaqty jatqa aıtý.
Sergitý sáti: Nandy shashpa,
Aıaǵyńmen baspa.
Jerde jatsa kóterip,
Torǵaılarǵa tasta.
- Nandy shashýǵa bola ma?
- Aıaqpen basýǵa bola ma?

3. «Azyq – túlik»dúkeninde – dıalog. Tyńdalym. Aıtylym.
Eki – úsh oqýshydan shyǵaryp, «Dúkende» oıynyn oınatý. Satýshy men satyp alýshy bolyp róldik oıyn kórsetý.
- Qyz óz kezegin ájege berdi, ol durys istedi me?
- Ondaı oqýshyny qalaı ataımyz?
- Azyq – túlikter bizdiń organızmge qanshalyqty qajet bolsa, biz taǵy nesiz ómir súre almaımyz?
- Durys. Sýsyz.
- Sýdy ishemiz, tamaq pisiremiz, jýynamyz...

III. Jańa sabaq: Sýsyndar. Qandaı? ( Sabaqtyń taqyryby men maqsatyn aıtý)
1. Jańa sózder: Tyńdalym. Aıtylym. Jazylym.
Sýsyndar – Napıtkı
Shyryn – Sok
Jyly – Teplyı
Sýyq – Holodnyı
Ystyq – Goráchıı
Tátti – Sladkıı
Jumsaq – Mágkıı
Dámdi – Vkýsnyı
Tońazytqysh – Holodılnık
1. Sózderdi oqý, oqýshylarǵa oqytý
2. Sózderdi býynǵa bólý
Sý - syn - dar, shy - ryn, jy - ly, sý - yq, ys - tyq, tát - ti, jum - saq, dám - di, to - ńa - zyt - qysh ( qandaı?
3. Sózdermen sóz tirkesterin, sóılemder quratý
Jyly sút, sýyq sý, ystyq shaı...
Búgin kún sýyq. Men shyryn satyp aldym.
2. Mátinmen jumys: Tyńdalym. Oqylym.
Mynaý – azyq - túlik dúkeni. Dúken keń, taza, jaryq. Dúkende nan, maı, qant, shujyq, irimshik satylady. Sýsyndar bóliminde shyryn, sý, sút, aıran satylady. Salqyn sýsyndar tońazytqyshta tur.

3. Sýretpen jumys: Suraq – jaýap:
- Bul ne?
- Bul - dúken.
- Bul qandaı dúken?
- Bul - azyq - túlik dúkeni.
- Dúken qandaı?
- Dúken - úlken, jaryq.
- Dúkende neler satylady?
- Dúkende azyq - túlikter, sýsyndar satylady.
- Qandaı sýsyndar satylady?
Dúkende sý, shyryn, aıran satylady.
- Sýsyndar qaıda tur?
- Sýsyndar tońazytqyshta tur.
Sergitý sáti:
Dúkenge biz baramyz,
Qolǵa sómke alamyz.
Kámpıt, aıran, shyryndy
Alyp úıge qaıtamyz.

4. Tapsyrma: Sýrette berilgenderdi toptap aıtyńdar. Aıtylym.
5. Dáptermen jumys: 137 – bet, 4 – tapsyrma. Jazylym.
6. Tirek keste: Qandaı? suraǵyna sózderdi atap, tirek kesteni toltyrý.

7. Sabaqty «Pálma» oıynyn oınatý arqyly bekitý:
- Mynaý ne?
- Mynaý maımyl.
- Maımyl qaıda otyr?
- Maımyl neni jaqsy kóredi?
- Maımyldyń qolynda ne bar?
- Qolynda neshe banan bar?
- Maımylǵa kómektesemiz be?
Myna banandarda tapsyrma jazylǵan. Sol tapsyrmalardy oryndasaq, banandardy pálmaǵa ilemiz.
- Sýsyndar qaıda satylady?
- Shaı qandaı bolady?
- Sladkıı sóziniń aýdarmasy?
- Jumsaq sóziniń aýdarmasy qalaı bolady?
- Súttiń túsi qandaı?
- Kámpıttiń dámi qandaı bolady?

8. Úıge tapsyrma: jańa sózderdi jattaý, mátinniń mazmunyn aıtý.
Baǵalaý