InfoHub Logo

Sabaqtyń taqyryby: Súıinbaı Aronuly. «Jaqsy men jaman adamnyń qasıetteri»
Sabaqtyń maqsaty:
a) bilimdik: oqýshylardy Súıinbaı Aronuly týraly tanystyra otyryp, óleńniń mazmunyn meńgertý, óleńniń ıdeıasy men taqyrybyn túsindirý;
á) damytýshylyq: oqýshynyń óz oıyn ashyq bildirýge, pikirin qorǵaı bilýge, shyǵarmashylyq izdenisin arttyrýǵa daǵdylandyrý, tulǵalyq qasıetteri qalyptasqan ónegeli jeke tulǵa qalyptastyrý;
b) tárbıelik: óleńdi negizge ala otyryp, oqýshylardyń boıyna jaqsy qasıetterdi qalyptastyrýǵa, jaman qasıetterden alshaq bolýǵa, jaqsy men jaman qasıetterdi ajyrata bilýge tárbıeleý.
Sabaqtyń túri: jańa sabaq
Sabaqtyń ádis - tásilderi: baıandaý, suraq - jaýap, taldaý, mánerlep oqý.
Sabaqtyń kórnekiligi: aqynnyń portreti, ınteraktıvti taqta, kespe qaǵazdar.

Sabaqtyń barysy:
İ. Uıymdastyrý:
1) oqýshylarmen amandasý;
2) oqýshy zeıinin sabaqqa aýdarý;
İİ. Ótken sabaqty eske túsirý:
- Qaı aqynnyń, qandaı shyǵarmasyn bilemiz?

İİİ. Jańa sabaq.
Interaktıvti taqta boıynsha jaqsy men jaman qasıetterdi kórsetý.
Oı tolǵaý. Oqýshylar óz oılaryn aıtady. Sonda búgingi sabaǵymyzdyń taqyryby:
Flıpchart №2
(Interaktıvti taqtaǵa jańa taqyryp jazylady) Adamnyń jaqsy jáne jaman qasıetteri.
Maqsat aıtylady: óleńdi taldaımyz, avtor týraly málimet alamyz.
Oqýshylar eki topqa bólinedi. Spıker saılanady.
Ár toptyń oqýshylary adamnyń jaqsy jáne jaman qasıetteri týraly qaǵazǵa jazady.
(3 sóz jaqsy, 3 sóz jaman qasıetke qatysty jazylady)
Ár top óz oılaryn aıtyp, bir túıin shyǵarady.
1. Oqýlyqtaryn ashqyzyp, óleńdi mánerlep oqý. Oqyp otyryp, «Túrtip alý» strategıasy boıynsha ózderine tanys emes sózderdi qaryndashpen belgilep otyrady. Taqtaǵa túsiniksiz sózder aıtylyp, sózdik jazylady:
Ámme – túgel, barlyq, kúlli
Parqy – baǵasy
Uńǵy – baltanyń sap salatyn jeri
- Aqyn bul óleńinde adam boıyndaǵy minez qulyqtarǵa úńiledi. Jaqsy jamandyqtyń qoǵam tirshiliginen jáne jeke adamnyń ómir aǵymyndaǵy is - áreketinen týyp otyrǵanyn anyq aıtady. Ol ómirdiń basty tutqasy – adamnyń adamǵa jaqsylyq jasaýy dep túsinedi. «Alysty jaqyn eter, elimniń aǵasyndaı» jaqsylar jaryq dúnıege izgilik úshin keledi degen oı túsedi. Jaqsylyq pen jamandyqty salystyra otyryp, jaqsy istiń artyqshylyǵyn kópke ákeler paıdasyn ataýmen birge, jaman istiń endi jamandyqqa uryndyratynyn, zıandy ekenin kórsetedi. Bul arqyly adam balasy qaı jaǵynan alyp qarasa da, taza, adal, ar ıesi bolý kerek degen qorytyndyǵa keledi (oqýshylar óz oılaryn aıtady).
2. Óleńniń uıqasyn tabý. Kórkemdegish quraldardy tabý:
Teńeý – el - jurtynyń qamasyndaı, ámme jurttyń anasyndaı (erejesin aıtqyzý)
Qorytyndylaı kele osy óleńde aqyn ne aıtqysy keldi? Senderge qandaı áser etti?
«Boljaý» strategıasy boıynsha oqýshylarǵa suraqtar qoıylady.
Suraqtar ınteraktıvti taqtaǵa jazylady.
Suraqtar. Oqýshylardyń jaýaby.
Qalaı oılaısyńdar, osy óleńniń
avtory kim?
Qaı zamanda ómir súrgen aqyn?
Avtor qandaı adam?

Durys aıtasyńdar, balalar, bul óleńniń avtory:
Flıpchart № 3
Slaıd kórsetiledi

Súıinbaı Aronuly
Súıinbaı – HİH ǵasyrdaǵy Jetisýdyń iri aqyny. Ol ádiletsizdikke jany qas, shyndyqty betke aıta alatyn batyl, halyqty tilimen qorǵaǵan ótkir synshy. Aıtyskerligimen kóringen azamat aqyn. Súıinbaı 1898 jyly qaıtys boldy. Biraq aqynnyń úlgili, ónegeli shyǵarmalary búgingi kúnge deıin jas urpaqtardy tárbıelep, durys jolǵa baǵyttaıdy.
3. Toppen jumys oryndaý. Sýret salý, óleń shyǵarý.
İ - top tapsyrmasy: «Janyńda júr jaqsy adam».
İİ - top tapsyrmasy: «Jıren jaman ádetten».
Oqýshylar jumystaryn qorǵaıdy, qorytyndy shyǵarady. Spıkerler toptardy baǵalaıdy.
İV. Sabaqty qorytý.
V. Oqýshylardy baǵalaý.
Vİ. Úıge tapsyrma: «Jaqsylyq pen jamandyq» taqyrybyna shyǵarma jazý.

Astana qalasy, №53 mektep - lıseıiniń
qazaq tili men ádebıet páni muǵalimi
Týsýpbekova Saýle Aıtbekovna