InfoHub Logo

Balalaqshaǵa arnalǵan sabaq jospary
Taqyryby: "Sıqyry pishinder"
Oqý qyzmeti: Sensorıka
Taqyryby: «Sıqyrly pishinder»
Maqsaty: Balalardyń geometrıalyq pishinder týraly bilimderin qalyptastyra otyryp, qarapaıym matematıkalyq uǵymdaryn bekitý, pishinderdi ajyratyp aıta bilýge, olardy qorshaǵan ortamen salystyryp, túr – túsin, zattardyń kólemin anyqtaı bilýge daǵdylandyrý. Balalardyń oı - órisin, qol motorıkasyn, logıkalyq oılaý qabiletterin oıyn arqyly damytý, zeıinderin, belsendilikterin arttyrý. Balalardy uıymshyldyqqa, tapqyrlyqqa tárbıeleý.
Aralas sabaq: Kórkem ádebıet, qurastyrý sabaǵy.
Sózdik jumys: Úshburysh, tórtburysh, dóńgelek, pishinder.
Qural - jabdyqtar: Vedıoproektor, úntaspa
Ádis - tásilder: Kórsetý, túsindirý, suraq - jaýap, oıyn.
I. Uıymdastyrýshy - qozǵaýshy kezeń
: Balalar jarty sheńber boıymen turady.
Shattyq sheńberi
- Sálemetsińbe qoldarym hlop - hlop,
- Sálemetsińbe aıaqtarym top - top.
- Sálemetsiń be murnym bıp - bıp,
Sálemetsińbe erinim chmok - chmok!
Sálemetsizderme qonaqtar!.
- Balalar qazir jyldyń qaı mezgili?
- Qazir jyldyń qys mezgili.
- Qys mezgilinde neshe aı bar?
- Úsh aı. Jeltoqsan, qańtar, aqpan.
- Qys mezgilinde aýa - raıynda qandaı ózgerister bolady?
- Kún sýytady, qar jaýady
II. Uıymdastyrýshy - izdenistik kezeń
(Ertegi)
"Erte, erte, ertede dóńgelek pen tórtburysh bolypty. Olar bir kúni serýendep júredi. Tórtburysh men teledıdarǵa uqsaımyn dep maqtanady, al dóńgelek men doqa uqsaımyn deıdi. Bir kezde olar belgisiz pishindi kóredi. Shoshyp ketip, aǵash arasyna tyǵylyp qalady da, "bul kim eken?" dep oılaıdy. Dóńgelekke uqsaı ma? Joq. Nege? (Buryshtary bar) "Júr, atyn suraıyq", - deıdi dóńgelek. Olar osylaı tanysyp.
  - Men úshburyshpyn, meniń úsh buryshtarym bar.
Dóńgelek aıtady: men dóńgelek sıaqty domalaı alamyn.
  - Men úshburyshpyn, meniń úsh buryshym, úsh qabyrǵam bar, men shatyrǵa uqsaımyn. Sen shatyrǵa uqsasań men qabyrǵa bola alamyn. Ekeýmiz birge úı jasaı alamyz. Osylaı olar dostasyp ketipti.
Balalar senderge ertegi unady ma?
Ertegide qandaı pishinderdi kórdińder?
- Tórtburysh, dóńgelek, úshburysh
- Aınalamyzdan osy pishinderge uqsas zattardy taýyp kóreıikshi.
Ǵajaıyp sát: (Túlki keledi)
- Sálemetsińder me balalar! Men túlkimin! Balalar men ormanǵa óz úıimdi muzdan jasap edim, biraq ol úı óte sýyq. Men qatty jaýrap júrmin. Maǵan jańa úı jasap beresińder me?
- Jaraıdy túlki biz saǵan sıqyrly pishinderdi paıdalanyp úı jasap beremiz.
Sergitý sáti (Vıdeorolık)
- Balalar tórtburysh jáne úshburysh pishinderin paıdalanyp úı qurastyraıyq. Tórtburysh - qabyrǵasy, úshburysh - shatyry bolady.
- Balalar aldarynda turǵan pishinderden úı qurastyrady.
- Balalardyń jumysyn taldaý.
- Jaraısyńdar balalar, senderge úlken rahmet! Bul meniń senderge syılyǵym! Saý bolyńdar!
III. Qorytyndy
- Balalar biz búgin qandaı pishindermen tanystyq?
- Úshburysh, tórtburysh, dóńgelek.
- Dóńgelek pishindi zattardy ataıyqshy?
- Dop, qarbyz.
- Biz túlkiniń úıin qandaı pishinderden qurastyrdyq?
- Úshburysh jáne tórtburysh
- Jaraısyńdar balalar sender búgingi oqý - qyzmetine belsen qatystyńdar. Túlki senderge alǵys retinde keremet tátti usyndy.
Kútiletin nátıje:
Jańǵyrtady: Pishinderdi biledi..
Túsinedi: Qorshaǵan ortadaǵy zattardyń geometrıalyq pishinderge uqsaıtynyn túsinedi.
Qoldanady: Geometrıalyq pishinderdi ajyrata alady.