InfoHub Logo

Astana qalasy, №68 orta mektebiniń
ózin - ózi taný pániniń muǵalimi
QR Bilim berý isiniń qurmetti qyzmetkeri
Esenbaeva Roza Túzelbaıqyzy

Tárbıe saǵatynyń taqyryby: Tabıǵat - altyn uıamyz!
Maqsaty:
1. Oqýshylardyń tabıǵat zańdylyqtary týraly bilimderin keńeıtý arqyly tabıǵat - tirshiliktiń bastaýy, adam tabıǵattyń bir bólshegi ekendigin túsindirý;
2. Oqýshylardy tabıǵat tazalyǵyn saqtaýǵa, tabıǵatpen ózara úndestik taba bilýge úıretý, baǵyt berý, oılaryn damytý;
3. İzgilikti, jaýapkershilikti, uqypty bolýǵa tárbıeleý;
Mindeti: Oqýshylardyń tabıǵatpen úılesimdilikpen ómir súrý, tabıǵatty aıalaý týraly túsinikterin keńeıtý.

Tárbıe saǵatynyń jospary:
1. Kirispe
Tabıǵat - búkil tirshilik ataýlynyń altyn uıasy, aıaly besigi, qutty qonysy men ósip - óner mekeni.

2. Negizgi bólim Ekologıa - el amandyǵy
*Maraldyń muńy...
*Shaǵalanyń shańqyly...
*Ananyń zary...
*Tabıǵatym - taǵdyrym.
*Ózimizge, ózgege jasamaıyq qıanat!

3. Qorytyndy bólimi
*Adam - tabıǵattyń eń senimdi, aınymas dosy, qamqory jáne qorǵaýshysy.
*Tabıǵatty qorǵaý - ózińdi qorǵaý.
*Tabıǵatqa meniń aıtar tilegim...

Tárbıe saǵatynyń barysy:
1 - shi júrgizýshi: Otan, atameken, týǵan jer degen uǵymdary bir - birimen máni maǵynalas, birin - biri tolyqtyryp turatyn qasterli de qasıetti sózder. Bul sózderdi estigende árbir adamnyń júregine jylylyq sezim uıalap, júzinen nur shapaǵaty aıqyn seziledi.
2 - júrgizýshi: El men jer, onyń kógildir ormany men móldir kólderi, baıtaq dalasy men asqaq taýlary - bizdiń basty baılyǵymyz. Jer, sý, aýa - adam balasynyń urpaǵynan urpaǵyna mura bolyp kele jatqan mol qazyna. Árbir aǵashty, árbir butaqty, jalǵyz dándi de yjdaǵattylyqpen saqtaý, qamqor bolý - bizdiń mindetimiz.
1 - júrgizýshi: Ártúrli faktorlardyń áserinen Aral teńiziniń aıdynynyń tartylýy men ekologıalyq jaǵdaıynyń buzylýy - ǵalamdyq apatqa ákeldi.
2 - júrgizýshi: Aral óńirinde týyndap otyrǵan ekologıalyq apat áserinen jyl ótken saıyn teńiz sýy tartylyp, onyń faýnasy men florasy joıylýda.

Maraldyń muńy:
Eń sońǵy ańy Araldyń mańyraǵan maralmyn,
Ańyraǵan qalpymda aıdalada qalamyn.
Endi qashan Araldyń móldirine qanarmyn?
Jas ornyna qan aqty jalt - jult etken janardan.
Qaı pendege qararmyn, qaı kádege jararmyn?
Qumda jatqan Maralmyn, muńǵa batqan Maralmyn.

Shaǵalanyń shańqyly:
Shańqyldaǵan shaǵalamyn, teńiz boıyn jaǵaladym,
Sý ornyna qumǵa batyp, qanatymdy sabaladym.
Shańqyldaǵan shaǵalamyn, teńiz tósin saǵaladym,
Aıdynymnan aırylǵanda, qandaı meken taba alamyn?
Shańqyldaǵan shaǵalamyn, sharshadym ǵoı, demalamyn,
Aralymmen men de birge, máńgilikke joǵalamyn.

Ananyń zary:
Aq tilegimdi omyraýymnan aǵyzyp, kózdiń jasyn kókiregime tamyzyp,
Aıdalada qaraǵym, ańyraǵan Anamyn.
Ashyq aspan zamanynda, aıdyń, kúnniń amanynda,
Qaıǵy jaýyp qabaǵyn, qapalanǵan Anamyn.
Kórge aınalyp mekeni, jasqa tolyp etegi,
Eńiregen Anamyn, endi maǵan pana kim?