InfoHub Logo

«Tabıǵat – bizdiń anamyz!»
Maqsaty:
1. Balalardy týǵan eliniń tabıǵatymen tanystyrý.
2. Tabıǵat álemine tanymdyq qyzyǵýshylyqtaryn arttyrý.
3. Tabıǵatqa degen qamqorlyq, súıispenshilik sezimderin oıatý;
Ádis - tásilder: Suhbat, áńgimeleý, oı - shabýyl, shyǵarmashylyq, izdenis, salystyrý, bılıngvızm.

Shattyq sheńberi. Sálemetsińder me, balalar? Sendermen kezdeskenime qýanyshtymyn. Búgingi kún biz úshin qýanyshty bolatynyna senimdimin.
Biz ádepti balamyz,
Jaınaı bersin dalamyz.
Tabıǵatpen dos bolyp,
Qamqorlyqpen qaraımyz.
- Balalar sender qaı elde turasyńdar?
- Qazaqstanda.
- Qazaqstan eliniń tabıǵaty baı jáne erekshe. Oǵan kóz jetkizgilerińiz kelse teledıdarǵa nazar aýdaryńdar.
Balalardyń jaýaptary:
- Bizde keń baıtaq dala da, shalqyǵan ózen – kólder de, jaıqalǵan orman da, asqar bıik taýlar da bar. Ulan baıtaq jerimizde ańdar men qustar mekendeıdi.

Sergitý sáti: Qoıýlanyp qara bult
Jańbyr jaýdy sebelep.
Japyraqty jamylyp,
Jata qaldy kóbelek.
«Tabıǵatty aıalaıyq» oıyny
Ár bala tiri tabıǵat túrlerin plakatqa japsyryp, tabıǵat kórinisin beıneleı otyryp, tıym sózder aıtý.
Gúldi julýǵa bolmaıdy, gúldi aıalaý kerek.
Aǵashty kesýge bolmaıdy, ol bizge taza aýa beredi.
Sýdy lastaýǵa bolmaıdy, sýsyz ómir joq.
Kúnimizdi bul baspasyn.
Kóbelekti óltirmeńder, ol - ádemilik belgisi.
Qusty atýǵa bolmaıdy, qus - adamnyń dosy.
Jasyl shópti julýǵa bolmaıdy, ol bizdiń jerimizge kórik beredi.
Ańdardy qorǵaýymyz kerek, olar bizdiń baılyǵymyz.
Asqar taýlarymyz bıik bolsyn.
Aqqýdy atýǵa bolmaıdy, ol sulýlyq belgisi.

Tynyshtyq sát
- Balalar, denelerińdi túzý ustap, bastaryńdy joǵary kóterip, yńǵaılanyp otyryńdar. Aýany tereń jutyp, erkin tynys alyńdar. Ózderińniń tynys alýlaryńdy baqylap, baqytqa, mahabbat pen tynyshtyqqa toly taza, shıpaly aýany tula boılaryńa tolǵanyn sezinińder. Al endi kózderińdi ashsańdar da bolady.
Áńgimeleý. «Tabıǵat - Ana».
Tabıǵat – Ananyń Jer, Sý, Aǵash degen úsh uly bolypty. Olar óte aqyldy, meıirimdi eken. Tabıǵat - Ana bir kúni uldaryn shaqyryp alyp:
- Adamdarǵa kóp qyzmet etken ulyma úlken syı tartamyn, - dep ýáde beredi.
Sonda uldary anasynyń aıtqanyna qýanyp kelisip, adamdarǵa jaqsylyq jasaýǵa jolǵa shyǵypty. Úsheýi úsh jaqqa ketip, adamdarǵa kóp ıgilikti ister jasapty. Kúnderdiń kúninde úsheýi eline qaıtyp oralǵanda, analarynyń burynǵydan da beter kóriktene túskenine rıza bolǵan uldary:
- Apataı, Siz qandaı keremet kúıge túskensiz, munyń syry nede?- degende Tabıǵat - Ana:
- Aıaýly uldarym meniń, bunyń syry senderdiń adamzatqa jasaǵan qaıyrymdylyqtaryńda,- dep jaýap beredi. Sodan beri Jer, Sý, Aǵash analarynyń sulýlyǵyn saqtap qalý úshin, adamdarǵa adal qyzmet etýmen keledi eken.
Balalarǵa suraqtar qoıý.
1. Tabıǵat ádemiligin saqtaý úshin eń birinshi ne kerek eken?
2. Jer, sý, aǵash bir - birimen baılanysta ma?
3. Sý bolmasa jerdiń kórki bola ma?
Dáıek sóz
Tárbıeshi balalarǵa Ó. Turmanjanovtyń
«Súıeıik, tabıǵatty aıalaıyq,
Biz de odan jaqsylyqty aıamaıyq» degen óleń joldaryn búgingi is - árekettiń dáıek sózi retinde aıtady.

Qorytyndylaý.
Biz búgin adamnyń óziniń týǵan jerine, tabıǵatyna súıispenshilik, qamqorlyq kórsetý kerektigin túsindik.
- Kún meıirin shashsa, jańbyr jerge nár beredi. Al qustar bizdiń dosymyz. Olar bizge tamasha án salyp, kóńilimizdi kóteredi, tabıǵatqa kórik beredi. Jemis aǵashtary, kókónister Jer - Anadan ósip ónedi eken. Barlyǵymyz aınala qorshaǵan tabıǵatqa qamqor bolyp, ony kútip, baptap, súıispenshilikpen qaraýymyz kerektigin bildik.