InfoHub Logo

Sabaqtyń taqyryby: «Tabıǵat tamashalary» saıys
Sabaqtyń maqsaty: Oqýshylardyń qorshaǵan orta týraly túsinikterin keńeıtý
Tabıǵat jáne onyń tiri bólikteri jaıynda uǵymdaryn damytý
Tabıǵatqa degen súıispenshilikke, qamqorlyqqa tárbıeleý
Sabaqtyń kórnekiligi: Slaıdtar
Sabaqtyń qurylymy men mazmuny:

Saıystyń barysy:
Psıhologıalyq daıyndyq
- Amansyń ba, Altyn kún!
Amansyń ba, Kók aspan!
Amansyń ba, Jer ana!
Amansyz ba, Qadirli qonaqtar!
Amansyń ba, Sen!
Amansyń ba, Men!

- Balalar, myna sózjumbaqty shesheıik.
1. Kishkene qus
2. Tátti jemis
3. Urǵan saıyn semiredi
4. Adamnyń dosy
5. Bizdi qorshaǵan aspan álemi
6. Sýly jemis
7. Orman qusy
- Demek, búgingi sabaǵymyz tabıǵat týraly eken. Tabıǵat degenimiz ne?
- Tabıǵat - ol sý. Sýdy tirshilik kózi deıdi. Sýsyz jer betindegi tirshilikti elestetý múmkin emes.
- Tabıǵat - ol topyraq. Jer betindegi tirshilik ataýly qorektik nárdi topyraqtan alady.
- Tabıǵat - ol ósimdik. Ósimdik - bul jasyl jelek, kók maısa quraq, qyzyl - jasyl gúlder. Ósimdik ashyqqanda - tamaq, shóldegende - sýsyn, ystyqta - kóleńke, sýyqta - pana, aýyrǵanda - dári, renjigende - qýantatyn tabıǵattyń sulý kórki. Ósimdik – taza aýa, elimizdiń dáýleti - jasyl jelek, orman.
- Tabıǵat - ol Janýarlar álemi. Júgirgen ań, ushqan qus, dala ajary - aqbóken, áni men sáni - bulbul, sý arýy - aqqý tabıǵatymyzdyń sáni emes pe?
- Endeshe, tabıǵat týraly jumbaqtar shesheıik. Jumbaqta alǵyrlyq tanytqan balalardy saıysqa qatystyraıyq.
Jıegine shatyrdyń
Sýdan shege qatyrdym. (Súńgi)
Qysta shyny bop qatady,
Jylyda sý bop jatady. (Muz)
Qoımasyn qys aqtaryp,
Jerdi japty aq mamyq. (Qar)
Jańbyr jýdy jerimdi,
Kókte órmek kerildi. (Kempirqosaq)
Túsi bar kórinbeıtin,
Bir tutas bólinbeıtin.
Tynysy ol tirshiliktiń,
Eshqashan jerinbeıtin. (Aýa)
Jyl mezgili shýaqty,
Jerdiń beti nurlanǵan.
Saıdy qýyp sý aqty,
Gúlder ósti yrǵalǵan. (Kóktem)
Oraq bolyp týady,
Tabaq bolyp tynady. (Aı)