InfoHub Logo

Ózin - ózi taný 1 synyp

Sabaqtyń taqyryby: Tabıǵatqa qushtarlyq
Sabaqtyń maqsaty: Balalardyń «tabıǵatty aıalaý» týraly túsinikterin keńeıtý.
Mindetteri: - tabıǵat pen adamzat arasyndaǵy baılanysty úıretý;
- tabıǵatqa aıaly qarym - qatynastaryn damytý.
- tabıǵatty súıýge tárbıeleý.
Kórneki quraldar: oqýlyq, kóbelek sýreti, qaǵazdan jasalǵan gúlder, tabıǵat
beınesi sýretteri, AKT.

Sabaqtyń barysy: İ. Uıymdastyrý.
(Oqýshylar synypqa mýzykamen kiredi.)
Muǵalim: - Balalar, myna sebetten ózderińe unaıtyn gúlderden ala qoıyńdar.
(Gúlder boıynsha topqa bólinedi.)
«Aq gúlder», «Qyzyl gúlder», «Sary gúlder», «Alqyzyl gúlder»
Muǵalim: - Búgingi sabaǵymyz óte erekshe sabaq. Ereksheligi sol búgin bizge qonaqqa erekshe qonaq kelip otyr. Onyń kim ekenin men jasyryp aıtyp kóreıin, sender sheship kórińder.
- Ol óte názik, ol eshkimge qıanat jasamaıdy, gúlderdi óte jaqsy kóredi, ol ádemi alqaptarda ushyp júredi. Ol ne?
- Kóbelek.
- Endeshe kózimizdi jumyp, yńǵaılanyp otyryp, kóbelekpen birge saıahattaı
otyryp, ishki jan dúnıemizben bir syrlasyp alaıyq.
* Tynyshtyq sáti. (Úntaspadan tyńdatý)
- Bizge qonaqqa kelgen kóbelek qanatyn jazǵanda alyp kóbelekke aınalyp ketkendeı. Ol bizdi qanatyna otyrǵyzyp ushyp barady. Alýan tústi gúlder alqabyna jaqyndaǵanda bizdi qanatynan túsirdi. Gúl alqaby jaǵasynda sýy móldir ózen kóz demaltady. Sýdyń tazalyǵy sonshalyqty – sý astynda júzip júrgen jándikter, ónip turǵan ósimdikter, kózdiń jaýyn alyp jatqan tabıǵı tastar. Odan ári tóbesi aspan tiregen bıik taýlar, jarqyraǵan kún. Áýelep ushyp júrgen ásem qustar. Netken ádemi tabıǵat! Tabıǵat syılaǵan taza aýa boıymyzdy sergitip jiberdi... Biz oǵan tamsana uzaq qaradyq. Alyp kóbelek bizdi qaıtadan óziniń qanatyna otyrǵyzyp, synypqa alyp keldi. Kóbelek qoshtasarda árbirimizdiń qulaǵymyzǵa: «Tabıǵat senderge taza aýa, jupar ıis, jaqsy kóńil kúı, jaqsy ómir syılaıdy. Tabıǵatty kútip, baptańdar, aıalańdar», – dep sybyrlady. Árbirimiz kóbelekke «tabıǵatty aıalaımyz» dep, ishteı ýáde berdik. Ol árbirimizdiń kóbelekpen aradaǵy syrymyz bolsyn. «Eshkim estip qoımady ma?» degendeı, biz burynǵy qalpymyzǵa kelip, jan - jaǵymyzǵa qaraımyz.
- Mine, ádemi kóbelegimiz ásem tabıǵatty synypqa birge ala kelipti.

İİ. Úı tapsyrmasyn tekserý.
- Endi kelgen qonaǵymyzdyń qurmetine gúldi alqap jasaıyq. Ol úshin úıge berilgen tapsyrmany eske túsireıik. Úıge qandaı tapsyrma berildi.
- «Tabıǵat degen ne?» jáne «Eger men...» sýret boıynsha jumys.
- Olaı bolsa, aldymyzdaǵy gúlderimizdi qolymyzǵa alyp, bir - bir sózben tabıǵat degen ne degen suraqqa jaýap jazyp, óz oılarymyzben bóliseıik. Sodan keıin ol gúlderdi taqtaǵa ilip, tabıǵattyń ásem gúl alqabyn beıneleıik.
* Beıneúzindi kórsetý «Qazaqstan tabıǵaty»
* Áńgimelesý
•Tabıǵat aıasynda jıi bolasyńdar ma?
•Tabıǵattan qandaı áser aldyńdar?
•Tabıǵat jaıly jyr - shýmaqtaryn bilesińder me? Qane, ortaǵa salaıyq.
(Oqýshylardyń jaýaptary tyńdalady.)
Muǵalim: - Balalar, durys aıtasyńdar. Adam da tabıǵat sıaqty sulý da ádemi, jan - jaǵyna tek qana qýanysh, jylý, jaqsy kóńil kúı sylaıtyn bolýy kerek.