InfoHub Logo

Bastaýysh synyp muǵalimderine kómek retinde osy tárbıe saǵatyn usynyp otyrmyn.

Tárbıe saǵaty
Taqyryby: Tabıǵatty tanyp, bileıik!
Maqsaty: Oqýshylardyń qorshaǵan ortaǵa degen mahabbat qundylyqtary jaıly túsinikterin keńeıtý. Ósimdik, janýarlar jaıly bilimderin ortaǵa salýlaryna jaǵdaı týǵyzý. Tabıǵatty súıýge, qorǵaýǵa, tabıǵat - Anaǵa súıispenshilikpen, meıirimdilikpen qaraýǵa tárbıeleý.
Bir - birimen jaqsy qarym – qatynasta birlesip jumys jasaı bilýge úıretý.
Kórnekiligi:
«Tabıǵatsyz adamdardyń kúni joq,
Tabıǵattyń muny aıtarǵa tili joq.
Ekseń aǵash aıalap,
Bolady saǵan saıa baq.
Qamqorshy bolyp ormanǵa,
Ormandy báriń qorǵańdar!
Bir tal kesseń, on tal ek!»
naqyl sózderi, sýretter, slaıd, kitap kórmesi

Tárbıe saǵatynyń barysy:

İ. Uıymdastyrý
Muǵalim: Qaıyrly, kún, balalar! Kúnde tańerteń sender oıana salysymen, terezeni ashyp Tabıǵat - Anaǵa kóz salyp qaraısyńdar. Dál búgingi kúni tabıǵat - Ana bizdi nesimen qýanty, bizge ne aıtady? Olaı bolsa, men senderdi búgin Tabıǵat - Anaǵa jarysa otyryp saıahatqa shyǵýǵa shaqyramyn. Kelisesińder me? Óte keremet!
Búgingi saıymyzdyń taqyryby: «Tabıǵatty tanyp, bileıik!» dep atalady.
Tabıǵat adamzattyń, jalpy tirshilik ataýlynyń ejelden ómir súrip kele jatqan ortasy, altyn besigi. Tabıǵat - sulýlyqtyń taýsylmas kózi. Endeshe biz búgingi sabaǵymyzdy tabıǵatpen amandasýdan bastaımyz. Barlyǵymyz ornymyzdan turyp myna óleń joldaryn birge aıtaıyq!

Qaıyrly kún, kúnim, dalam, ormanym,
Qaıyrly kún, gúlim, qusym, kólderim.
Qaıyrly kún, ósimdikter, jándikter
Qaıyrly kún, bar tirshilik ıesi!
Óte jaqsy! Barlyǵymyz oryndarymyzǵa otyramyz.

Bul jarysqa 3 top kelip otyr. Bul toptar 1jáne 3 – synyp oqýshylarynan qurylǵan. Aldymen osy toptarmen tanys bolaıyq.
İ top. «Móldir bulaq» (Tomırıs, Bekzat, Symbat, Ernar, Maqsat, Aqbota, Ásemgúl, Arlan)
Urany:
Kóldiń kórki quraq,
Taýdyń kórki bulaq

İİ top «Orman baılyǵy» (6-7 oqýshy)
Urany:
Qamqorshy bolyp ormanǵa
Ormandy báriń qorǵańdar!

İİİ top «Jer ana» (6-7 oqýshy)
Urany:
Jer adamnyń besigi,
El baqyttyń esigi.
- Búgingi jarysymyz 4 kezeńnen turady. Al endi saıysymyzdy bastalyq.
1 - kezeń «Tabıǵat baılyǵy – ósimdikter» dep atalady. Tabıǵat baılyǵynyń bir toby – jer betindegi ádemi ósimdikter.
Ósimdikter, aǵashtar tabıǵatymyzdy túrlendirip turǵan túkti kilem sıaqty. Halqymyz ósimdikti ómir ózegi dep alyp, odan qamqorlyǵyn esh aıamaǵan. «Ákeńnen mal qalǵansha tal qalsyn» degen kórnekti sóz sonyń aıǵaǵy. Ysyrapsyz paıdalanǵandyqtan ósimdikterdiń keıbir túrler azaıyp bara jatqandyqtan olardyń 300 - ge jýyǵy Qyzyl kitapqa engizildi.
- Al endi bul saıysymyzdyń sharttarymen tanys bolyńyzdar. Ár topqa birneshe suraq beriledi. Sol suraqtyń durys jaýabyn aıtý kereksińder.
İ topqa
1. Ósimdikter neshe túrge bólinedi?
A) 1
Á) 2
B) 3
İİ topqa
2. Ósimdikterdiń jer astyndaǵy múshesi qalaı atalady?
A) tamyr
Á) sabaq
B) japyraq
İİİ topqa
3. Baqta neler ósedi?
A) kókónister
Á) gúlder
B) jemister