InfoHub Logo

Tańǵajaıyp Jańa jyl
Mýzyka yrǵaǵymen balalar zalǵa kiredi
1. Bala: Jańa jyldyń tańy netken araıly
Aq mamyqqa bólep aldy mańaıdy
Jańa jylmen quttyqtaımyn degen sóz
Qanattana keń álemge taraıdy
2. Bala: Jańa jyl keldi o mine
Dalama qalama jerime
Shattyqqa bólep ár úıdi
Shyǵa ǵoı meniń tórime
Tárbıeshi: Qýanyp turǵan anany
Talaby taýdaı balany
Kúmbirlep kúmis kúımenen
Bóleıik ánge dalany
Án: Jańa jyl
Anel: Janel osy saǵan qys mezgili unaı ma?
Janel: Iá Anel qys mezgilin óte jaqsy kóremin, onyń appaq qary, syqyrlaǵan aıazy qandaı keremet
Anel: Janel maǵan da qys mezgili unaıdy. Ásirese «Jańa jyl merekesi» jan jaǵyńa qarashy qandaı ádemi.
Tárbıeshi: Qyzdar jańa jyl merekesin eńbektegen baladan eńkeıgen qartqa deıin kútetini ras - aq. Búgingi shyrsha toıymyzda kóptegen qyzyqty ánder, bıler, kútpegen tańǵajaıyp oqıǵalar bolýy múmkin.
Qyzdar qýanady
(Prostokvashına mýltfılminen) poshtashy Pechkın kirip keledi
Qolynda gazet. Fódor degen balany izdep júrgenin aıtady
1. Bala: Qyrlardy japty kúmis qar
Dalada jańa tynys bar
Butalar jalt - jult etedi
Kádimgi beıne hrýstal
2. Bala: Qýantyp eldi
Jańa jyl keldi
Ósetin boldym
Bir jasqa endi
Án: Keldi mine jańa jyl
Sabına: Bekdana osy sarbaz bolý ár balaǵa jarasady ǵoı ıá?
Bekdana: Iá Sabına bizdiń uldarda óskende el qorǵaıtyn sarbazdar bolady.
Tárbıeshi: Ondaı bolsa týǵan elin qorǵaımyz dep kelgen sarbazdardyń bıin tamashalaıyq.
Bı: Sarbazdar
Tárbıeshi: Mereke bastalyp ketti Aıaz ata nege kelmeı jatyr? Ormanda adasyp júrmeken. Balalar Aıaz atany shaqyraıyq.
Balalar Aıaz atany shaqyrady
Aıaz ata kiredi balalar men sálemdesedi
Shyrshanyń kóńilsiz bolyp turǵany Vıtalına aıtady. Aıaz ata shyrshany jaǵady
Tárbıeshi. Aıaz ata balalar sizdi saǵynyp qaldy sizben birge án aıtyp bı bılesek dep tur.
Qol ustasyp bir eki úsh ánin oryndaý
Aıaz ata úsitemin oıynyn balalarǵa oınatady
Bı: Syǵandar
Prostokvashına mýzykasy oryndalady
Fódordyń anasy balasyn izdep kelgenin aıtady
Tárbıeshi: Shańǵymen kelgen ekensiz balalarmen oıyn oınasańyz qaıtedi
Oıyn: Shańǵy tebý
Marlen: Dıas men saǵan jumbaq jasyrǵym kelip tur
Dıas: Marlen maǵan jumbaq sheshken óte unaıdy
Marlen: Qıyrǵa alys barady
Ot bolyp keıde janady
Myń buralyp sahnada
Qımylmen sýret salady
Dıas: A, bildim ol bizdiń bıshi qyzdar ǵoı
Tárbıeshi: Marlen sen qazir qyzdardyń bı bıleıtinin aıtqyń kelgen eken ǵoı
Bı: Shyǵys
Tárbıeshi: Appaq tonǵa oranyp
Bazarlyqty mol alyp
Keldi alys sapardan
Aıaz ata oralyp
Qalyp edik saǵynyp
Kútip aldyq jabylyp
Án: Aıaz ata
Abýbakır: qazaq halqy jyldyń jamany joq degen eken
Oljas: Ia Abýbakır sondyqtan
Tyshqan jyly tynyshtyq
Sıyr jyly syılyq
Barys jyly birlik
Qoıan jyly qambaly
Ulý jyly úlgili
Jylan jyly jaıly degen eken
Abýbakır: Al jylqy jyly jutsyz
Qoı jyly qutty
Meshin jyly mereıli
Taýyq jyly tabysty
It jyly ıgilik
Dońyz jyly dúnıeli dep, qazaq halqy ár jyldyń qadir qasıetin
ulyqtap túsindirip otyrǵan.
Dońyz jyly kelip balalardy jańa jylmen quttyqtaıdy
1. Bala: Jańa jylda jol bolsyn!
2. Bala: Árbir úıde toı bolsyn!
3. Bala: Berekeli jyl bolsyn!
4. Bala: Aq dastarhan mol bolsyn!
Kelip jetken Jańa jyldaryńyz qutty bolsyn!

Jambyl oblysy Taraz qalasy
№18 «Erkejan» bóbekjaı - baqshasy
Terlıkbaeva Janar