InfoHub Logo

Jyl saıyn qazan aıynyń birinshi jumasynda Dúnıejúzilik kúlki kúni atap ótiledi. Bul kún 1963 jyly amerıkalyq sýretshi Harvı Belldiń bir saqtandyrý kompanıasyna jasaǵan logotıpinen (kúlimsiregen beıne nemese smiley) keıin merekeler kúntizbesinde paıda boldy.

Atalǵan sımvoldyń amerıkalyqtarǵa unaǵany sonshalyqty, lezde búkil AQSH-qa taralyp, odan ármen búkil álemge jetken. Eń alǵashqy Dúnıejúzilik kúlki kúni 1999 jyly Belldiń bastamasymen atap ótildi.

Tómende belgili saıasatkerlerdiń kúlip turǵan eń jarqyn sátterin topshylamaqpyz.

Ulybrıtanıa patshaıymy Elızaveta II-niń Vındzor qulpyndaǵy Irlandıa prezıdenti Maıkl Hıggıns jáne onyń jary Sabınamen kezdesýinen keıingi sáti (2014 j., sáýir).

 

Fransıa prezıdenti Emmanýel Makronnyń saılaýaldy naýqan kezinde Grenobl mańyndaǵy Monbonno-Sen-Marten qalasyna barǵan kezi (2017j.,sáýir).

 

Reseı prezıdenti Vladımır Pýtın men Germanıa kansleri Angela Merkeldiń Gannover jármeńkesinde reseılik stendke kelgen sátinde (2013j., sáýir).

 

KHDR kóshbasshysy Kım Chen Yn sharýaqojalyqtardyń birine sapary kezinde (2016j., qyrkúıek).

 

AQSH-tyń 40-shy prezıdenti Ronald Reıgannyń áıeli Nensıdiń Vashıngtondaǵy ulyqtaý konsertinde ony tanystyrýdy umytyp ketkenine kúlip turǵan sát (1985j., qańtar).

 

AQSH-tyń 45-shi prezıdenti Donald Tramp Aıova shtatyndaǵy saılaý aldyndaǵy úgit-nasıhat sharalarynyń birinde (2016 j., qańtar).

 

Hılları Klınton kúıeýi Bıllmen birge saılaý kezindegi daýys berý qarsańyndaǵy ushaq ishindegi sáti (2016j., 7 qarasha).

 

Hanzada Charlz Anglıa Bankiniń basqarýshysymen kezdesýde (2016 j., jeltoqsan).

 

Japonıa premer-mınıstri Sındzo Abe Tokıoda ótken forýmda (2017 j., sáýir).

 

Ulybrıtanıanyń burynǵy premer-mınıstri Devıd Kemeron jáne Fransıanyń eks-prezıdenti Nıkolá Sarkozı Kan qalasyndaǵy G20 samıti aldynda (2011 j. qarasha).

 

Kembrıdjdik gersogıná Ketrın jáne hanzada Ýılámnyń Býtanǵa barǵan sátinde (2016j., sáýir).

---