InfoHub Logo

Keıde delıkatester men sırek ónimderdi tatý úshin on ese artyq tóleýge daıyn turatynymyz bar. Alaıda, birneshe myń dollar turatyn taǵam qunyn aqtaý úshin qandaı bolýy kerek?

Kez kelgen ámıandy juqarta alatyn eń qymbat túrli taǵam men ónimderdi nazarlaryńyzǵa usynamyz.

Eń qymbat tushpara

Eń qymbat tushparalar Bronks aýdanynda ornalasqan, orys emıgranttaryna arnalǵan Golden Gates meıramhanasynda beriledi. Taǵamnyń qymbat bolýy onyń quramyndaǵy buzaý, bulan jáne shoshqa etine, sonymen qatar tereń sýda meken etetin alaý-balyqtyń temirine baılanysty. Dál osy temirdiń áserinen tushpara kók-jasyl jaryq shyǵarady. Segiz tushpara porsıasy 2 400$, al 16 tushpara 4 400$  turady.

Eń qymbat kartop

Kartoptyń ózi delıkates bola alady, eger ol La Bonnotte sorty bolsa. Ol Atlant muhıtyndaǵy Nýrmýate dep atalatyn Fransýz aralynda ósiriledi eken. Onyń qundylyǵy daqyldardyń kútý tásiline baılanysty qymbat baǵalanady. Kartop alqaptary urpaqtan urpaqqa berilip otyrǵan tehnologıa boıynsha ósiriledi — teńiz baldyrlarymen ǵana tyńaıtylady. Bul sortty tek qolmen otyrǵyzady jáne jınaıdy, onyń kılogrammy shamamen 500 eýrony quraıdy.

La Bonnotte-den jaǵymdy jańǵaq dámi men lımonnyń hosh ıisi ańqyp turady. Sortty 1930-shy jyldary shyǵardy, biraq alǵashqy onjyldyqta ol suranysqa ıe bolǵan joq. 1995 jyly sırek kartoptyń aınalasyndaǵy dúrlikpe paıda boldy: sol kezdiń ózinde 1 kg kartop úshin birinshi ret rekordtyq baǵa — 475 $ ornatyldy, sodan beri baǵasy ósýde.

Eń qymbat sańyraýqulaq

Aq trúfelder — álemdegi eń qymbat taǵam bolyp eseptelinedi. Osyndaı bir sańyraýqulaqtyń baǵasy eki myń eýrony quraıdy. Bul trúfelderdiń erekshe ıisi bar, biraq ıisine qaramastan bul sańyraýqulaqpen barlyq taǵamdardy qosyp jeı beredi. Jahandyq jylyný men ınsektısıdterdi paıdalanýdyń kesirinen trúfelder azaıyp keledi, sol sebepti qoljetpes azyqqa aınalýda.

Eń qymbat sıyr eti

Japondyq mármár sıyr etinen daıyndalatyn Wagyu steıki — álemdegi eń dámdi, tanymal jáne qymbat delıkatesterdiń biri. Ol tańǵajaıyp hosh ıisti, mármárligi A4-ke teń ( eń joǵarǵy kórsetkish A5) jáne keremet maıly tekstýraǵa ıe. Japonıada Vagú tuqymynyń taza qandy buqashyqtaryna asqan syılastyqpen qaraıdy: olarǵa massaj jasaıdy, syramen sýarady, klasıkalyq mýzyka qoıyp beredi. 1 kg et quny 450 dollarǵa deıin jetedi.

Eń qymbat irimshik

Eń qymbat irimshikterdiń biri — bir jerde ǵana — Shvesıadaǵy Moose House fermasynda óndiriletin bulan sútinen alynǵan irimshik. Ony daıyndaý úshin bulan súti qoldanylady. Bulannyń irimshiginiń túsi aq, syrttaı feta irimshigine uqsaıdy. Mundaı irimshiktiń 1 kg-y 1 000 eýro turady jáne ol shekteýli mólsherde óndiriledi.

Eń qymbat ýyldyryq

Qurtpa (qortpa)-albınos — Kaspıı teńizin mekendeıtin úlken bekire balyǵy. Onyń qunynyń asqaqtaǵan sebebi qurtpa-albınos altyn tústi ýyldyryǵyn 100 jylda bir ret shashady eken. 1 kg ýyldyryq 8500 evro turady.

Eń qymbat sorpa

Qarlyǵashtyń uıasy ósimdik qospalarysyz tek silekeıden ǵana turady. Sondyqtan olardyń uıasy — qytaı ashanasynda delıkates sanalady. Qarlyǵashtyń uıalaryn jınaý — óte qaýipti jumys, sondyqtan bolar taǵamnyń baǵasy asqaqtap tur. Qustar uıalaryn bıik jartastarǵa salady. Al jartasqa órmeleý ońaı is emes. Mundaı delıkatestiń quny 1 kg úshin 3 000$ deıin baǵalanady.

Eń qymbat kofe

Kopı-lúvak kofesiniń dánderin óndirý prosesi: vıverr tuqymdas mýsang ańy — kofe aǵashynyń pisken jemisterin jeıdi, kofe dánderin qorytady da syrtqa shyǵarady, sodan keıin adamdar ony jınap, jýady, sodan keıin kúnge keptiredi. Kopı-lúvaktyń erekshe ashshy dámi mýsangtardyń asqazan sólderiniń keıbir aqýyzdardy ydyratyp jiberýinen paıda bolady.

Blek aıvorı sorty Taılandta shyǵarylady. 450 gramy 500 dollardan asady. Arabıka dánderi pildiń asqorytý traktisi arqyly ótedi. Satylymnan túsken tabystyń 10%-y pilderge veterınarlyq kómekke jáne dári-dármek satyp alýǵa baǵyttalady.

Eń qymbat dámdeýish

Bul dámdeýishtiń quny 1 kg úshin 400-den 1 000$-ǵa deıin baǵalanady. Sebebi zapyrangúl (shafran) tek kúzgi ýaqytta jáne jylyna jeti kún ǵana gúldeıdi. Ony jınaý jáne odan ári óńdeý jumystary qolmen júzege asady. Al 1 kg zapyrangúldi jınaý úshin jınaýshylar osy ósimdiktiń 300 myń gúlin terip alýy kerek eken.

Eń qymbat pıssa

4200$ turatyn «Roıál 007» pıssasyn bas aspaz Domenıko Krolla daıyndady (buryn óz meıramhanasynda ataqty adamdardyń portretteri bar pıssalar daıyndaǵandyǵymen tanymal bolǵan), jáne bul álemdegi eń qymbat taǵamdardyń biri. 30-santımetr pıssada konákpen marınadtalǵan lobster tilimderi, shampanǵa malynǵan ýyldyryq, shotlandtyq ystalǵan albyrt, uzaq ýaqyt ustalǵan bálzam sirke sýy, buǵy etiniń tilimderi, proshýtto bolsa, al ústine — 24 karattyq jeýge jaramdy altyn jalatylǵan.

---