InfoHub Logo

Maqsaty: Bolashaqqa senimmen qadam basqan halqymyzdyń salt - dástúri, ádet - ǵurpy, jón - joralǵylaryn oqýshylardyń boıyna sińirý, batyl, namysty uldardy tárbıeleý.
Muǵalim: Qaıyrly kún, qurmetti oqýshylar, ustazdar, qonaqtar! Sizder búgin jigitke jeti óner de az degendeı 2 - synyp oqýshylarynyń «Jigit sultany» saıysyna qosh kelipsizder.
Ýa, halaıyq, halaıyq,
Munda nazar salaıyq.
Ata jolyn jalǵamaq,
El dástúrin qorǵamaq.
Jigitter shyqsyn ortaǵa,
Búgin sultan atanbaq.
Qurmetti kórermen qaýym, endeshe saıysqa túsetin jigitterimizdi qol soǵyp qarsy alaıyq. Búgin mine bizdiń synyptaǵy jeti jigit óz ónerlerin kórsetpek. Saıysymyzdy bastamas buryn, búgingi saıysymyzdy saralap, tarazylap jigitterimizdiń ónerin tamashalap, ádil baǵasyn beretin ádilqazylar alqasymen tanysaıyq.
1. Tanystyrý
Júrgizýshi: Jigitter kelip jetti tanysýǵa,
Boıyndaǵy bar daryndy damytýǵa,
Jigerlenip kelip jetti,
Ádeppen, izetpen tabysýǵa.
1. Qýantady bilimimen bizdi Nurym
Qol soǵyp qarsy alaıyq, endi ony biz.
Bilimiń serik bolsyn talabyńa,
Búgingi qabyl bolsyn tilegimiz.
2. Óner qýǵan jasynan
Óneri sýdaı tasyǵan
Kelesi bizdiń Jansultan
Kóringen kúshtiń basynyn
3. Syılaǵan ata - anasyn
Úlkenniń alǵan batasyn ol Dıas
4. Súrinbeı synnan ótemin
Maqsatyma jetemin dep kele jatqan Begaıdar
5. Jigittiń dara týǵan irisindeı
Júrisi batyrlardyń júrisindeı
Kelbetti batyr tulǵa
Som bilek Qajymuqannyń inisindeı Muhammedamın
6. Aqynnyń tuıaǵymyn sartyldaǵan
Asyldyń synyǵymyn jaltyldaǵan dep kele jatqan Erlan
7. Arman bar bıik shyńǵa shyqsam degen
Qyran bop kók álemge ushsam degen
Búgingi saıysta jeńip shyǵyp
Keń sermep qanatymdy ushsam degen ol Nurman

2 - kezeń «Bilgenge marjan»
Al, kánekı qyrandar
Bosqa qarap turmańdar.
Bastap jigit ónerin
Alystarǵa samǵańdar
«Bireý bilmegendi bireý biledi» degendeı salt - dástúrge baılanysty suraq - jaýap.
1. Tórt túlik maldy ata.
2. Túıeniń sútin ata.
3. Kıiz úıge jaryq qaıdan túsedi?
4. Sábı balanyń tósegin ata.
5. Er jigittiń bes qarýyn ata.
6. Qazaqtyń ulttyq oıyndaryn ata.
7. Ulystyń uly kúni jasalatyn taǵam

3 - kezeń. Óner kórsetý
Kedeımin dep qysylma
Óneriń bolsa qolyńda
Ónerliniń yrysy
Jarqyrap jatyr jolynda – kezekti óner saıysyna bereıik.
1. Nurym «Sulý qyz» ánin oryndaıdy.
2. Dıas «Qara jorǵa» bıi
3. Jansultan «Jaıaý Mýsa» áni
4. Begaıdar «Sıqyrly sandyq» sıqyr kórsetý
5. Erlan «Anashym» áni
6. Muhammedamın «Shofór» bıi
7. Nurman «Aýylym» áni

4 - kezeń. Qamshy órý
Sheberlerim óner tamyp qolynan
Jańylmaǵan ata - baba saltynyn
Sheber qoldar óz ónerlerin kórsetsin
Biz aıtalyq tóreligin sońynan
5 - kezeń. Kúsh synasý
At óneri bilinbes
Báıgege túsip jaryspaı
Qoıan qoltyq alyspaı (Óz ara bilektesip kúsh synasady)
6 - kezeń. Sán úlgisi
Jigitter ulttyq kıim úlgilerin kórsetedi.
Qortyndy. Jeńimpazǵa «Jigit sultany» degen ataq berilip, qatysqan oqýshylardyń barlyǵyna syılyqtar jáne maqtaý qaǵazdarymen marapattalady.