InfoHub Logo

Tarıh álemi tarıhı - tanymdyq oıyn

Maqsaty:
Bilimdiligi: Oqýshylardyń zerektik qabiletin damyta otyryp, oı - órisin keńeıtý, bilimge qushtarlyǵyn arttyrý.
Damytýshylyq: Oqýshylardyń dúnıetanymyn, tarıhqa degen qyzyǵýshylyǵyn jáne oıdy júıeleý qabiletin damytý, shyǵarmashylyǵyn damytý.
Tárbıelik: Óz múmkindigin durys paıdalana alatyn zerdeli tulǵalardy tárbıeleý.
Kórnekiligi: Tulǵalar sýretteri, syzbalar, test tapsyrmalary, slaıd.
Qatysýshylar: 7A, 7Á synyp oqýshylary.
Saıys jospary:
İ. kezeń «Tulǵany tany»
İİ. kezeń Oılan tap
İİİ. kezeń Uıashyqtar tańdaý
İV. kezeń Test tapsyrmalary
Muǵalim: Tarıhtyń ýaqyt shańy basqan kóne zamanyna saıahat jasaısyńdar. Tarıh álemine, Qazaqstan tarıhynyń tereń qoınaýyna jasaǵan saıahattaryn oń bolsyń! Saıysymyzdy bastaıyq.

İ. kezeń Tulǵany tany. Tulǵalardyń sýretteri beriledi.
İ top.
Toqtar Áýbákirov, Áıteke bı, Mustafa Shoqaı

Qosymsha kómek.
Muǵalim: 1946 jyly 27 shildede Qaraǵandy oblysy, Qarqaraly aýdany, 1 - shi Maı aýylynda dúnıege keldi. 1991 jyly 2 - shi sáýirde Keńes Odaǵynyń Ǵaryshkerler daıyndaý ortalyǵynda ǵaryshqa ushý daıyndyǵyna kirisip, sol jyly 2 qazanda Baıqońyrdan «Soıýz TM - 13» kemesimen ǵaryshqa ushty. (Toqtar Áýbákirov)

Muǵalim: Kishi júzdiń sózin ustaǵan qazaqtyń áıgili bıi. 21 jasynan búkil Buqara, Samarqan tóńiregindegi qazaq, ózbek, qaraqalpaq qurama jurtynyń bas bıi bolǵan. « Jeti jarǵy» ádet ǵuryp zańdar jınaǵyn qurýǵa qatysqan. (Áıteke bı)

Muǵalim: (1890 - 1941) - asa kórnekti saıası, qoǵam jóne memleket kaıratkeri, jýrnalıs, gýmanıs, demokrat. Túrkistan (Qokan) Respýblıkasynyń qurylýymen qorǵanys mınıstri, úkimet tóraǵasynyń orynbasary, qyzmetterin atqardy. Qazan revolúsıasyna qarsy bolǵan qaıratker.
(Mustafa Shoqaı)

İ. kezeń Tulǵany tany. Tulǵalar sýretteri beriledi.
İİ top
Jáńgir han, Mahambet Ótemisuly, Álıhan Bókeıhanov

Qosymsha kómek.
Muǵalim: 1801 jyly dúnıege kelgen. 1815 jyly muragerlikpen han bolady, alaıda ol jas bolǵandyqtan bılikti Bókeıdiń inisi Shyǵaı júrgizdi. 1823 jylǵa deıin ol Astrahan gýbernatory Andreevskııdiń úıinde tárbıelendi. Ol orys, tatar, nemis tilderin bilgen. Ol bılik etken kezde Bókeı ordasynda Isataı men Mahambet bastaǵan sharýalar kóterilisi boldy. (Jáńgir han)

Muǵalim: Mahambet - aqyn, kúıshi, batyr. 1804 jyly İshki Ordada Beketaı aımaǵynda dúnıege kelip, 1846 jyly qazirgi Atyraý oblysy Mahambet aýdanyna qarasty Qaraoı degen jerde qaza bolǵan. 1836 - 1838 jyldary bolǵan kóterilistiń kósemi ári jalyndy jyrshysy. Mahambet " Ereýil atqa er salmaı ", "Uly arman ", "Jaıyqtyń boıy kók shalǵyn", "Atadan týǵan ardaqty er", t. b. jyrlary bar. (Mahambet Ótemisuly)

Muǵalim: (1866 - 1937) - ult - azattyq jáne Alash qozǵalysynyń jetekshisi, Alashorda úkimetiniń tóraǵasy, asa kórnekti qoǵam jáne memleket qaıratkeri, ǵalym, aýdarmashy. 1917 jyly Qazaqstan boıynsha Ýaqytsha úkimettiń komısary bolyp taǵaıyndaldy. «Alash» ulttyq saıası partıasyn qurdy, 1917 jyly jeltoqsanda ekinshi búkilqazaqtyq tótenshe quryltaıda onyń bastamasymen Qazaq avtonomıasy — «Alashorda» jarıalandy. (Álıhan Bókeıhanov)

İİ. kezeń Oılan tap.
Slaıdta taıpalar sýretteri beınelengen. Sýrette qaı taıpalardyń jaýyngerleri beınelengen?
Moǵol jaýyngeri
Kóne túrki
Qypshaq
Soǵdy jaýyngeri

İİİ. kezeń Uıashyqtar tańdaý. Slaıd arqyly.
1 - uıashyq. Alǵashqy adamdar ómiri.
2 - uıashyq. Tas dáýiri.
3 - uıashyq. Qola dáýiri.
4 - uıashyq. kesteler.
5 - uıashyq. jyldar

İV. kezeń Test tapsyrmalary. Slaıd arqyly.
İ top.
1) Aq Ordanyń ortalyǵy bolǵan qala.
a) Saraıshyq
á) Otyrar
b) Syǵanaq
v) Shash
2) Qaı hannyń kezinde Aq Orda Altyn Ordadan oqshaýlandy?
a) Jumadyq
á) Ózbek
b) Temir – Málik
v) Urys
3) Moǵolstan memleketi qaı ulystyń ornyna quryldy?
a) Joshy ulysynyń
á) Shaǵataı ulysynyń
b) Úgedeı ulysynyń
v) Tóle ulysynyń
4) Moǵolstannyń qurylýynda basty ról atqarǵan taıpa a) qańly
b) arlat
á) úısin v) dýlat
5) «Batpaq shaıqasynda» kim jeńiske jetti?
a) Ámir - Temir
á) Qyzyr - Qoja oǵlan
b) İlıas - Qoja han
v) Qamar ad - dın

İİ top
1) Altyn Orda qaı ulystyń ornyna quryldy?
a) Joshy ulysynyń
á) Shaǵataı ulysynyń
b) Úgedeı ulysynyń
v) Tóle ulysynyń
2) Altyn Orda memleketi kimniń basqarýymen qurylǵan?
a) Berkeniń h
á) Joshynyń
b) Batyıdyń
v) Tóleniń
3) Qaı hannyń tusynda Islam memlekettik din bolyp jarıalandy?
a) Berke hannyń
á) Jánibek hannyń
b) Tohty hannyń
v) Ózbek hannyń
4) Monǵol ımperıasynyń qurylǵan jyly
a) 1155 jyl
á) 1076 jyl
b) 1239 jyl
v) 1206 jyl
5) Monǵol memleketi qansha túmen ákimshilik bılikke bólingen?
a) 59
á) 80
b) 95
v) 55
Muǵalim: saıysymyzdyń qorytyndysyn shyǵaryp, jeńimpaz topty jarıalaıyq.