InfoHub Logo

Sabaqtyń taqyryby: Tarıh tamyry tereńde (6 - synyp)
Sabaqtyń maqsaty:
1. Bilimdilik. Qazaqstan tarıhy páninen tas dáýiri kezeńin en ótken taqyryptardan bilimderin tekserý.
2. Damytýshylyq. Oqýshylardyń bir - birine degen qarym - qatynasyn, sóıleý, oılaý sheshendikterin arttyrý.
3. Tárbıelilik. Oqýshylardy elsúıgishtikke, óz tarıhyn qurmetteýge tárbıeleý. Oqýshylardy jan - jaqtylyqqa, bilimdilikke umtyldyrý.
Sabaqtyń kórnekiligi: Interaktıvti taqta, úlestirmeler, slaıdtar,
Sabaqtyń túri: tanymdyq saıys sabaq.
Sabaqtyń ádisi: Suraqqa jaýap alý, oıyn tehnologıalary, izgilendirý tehnologıasy.
Pánaralyq baılanys: ádebıet, kazirgi zaman tarıhy, ınformatıka.
Júrgizýshi muǵalim: Armysyzdar, qadirmendi, bilim nárimen sýsyndatqan ustazdar qaýymy, jaqsy nıetpen kelgen ulaǵatty qonaqtar, bilim nárin ıgergen oqýshylar! Búgingi saıys sabaǵymyzdy elbasymyz N. Nazarbaevtyń «Búgingi kúndi túsinip - túısiný úshin de, bolashaqtyń dıdaryn kózge elestetý úshin de keshegi kezeńge kóz jiberýimiz kerek» sózimen ashqym kelip tur. Táýelsizdik alyp kelgen oń ózgerister de bilim salasyndaǵy Táýelsizdiktiń eń basty jetistigi – erkindik ómirdegi barlyq tabystar táýelsizdiktiń nátıjesi. 20 jyl tolyp otyrǵan shaqta mektebimizdiń bilimdi oqýshylary arasynda búgingi saıys sabaǵymyzdy bastaýǵa ruqsat etińizder.
San ǵasyrlar tarıhynan keshegi,
Týǵan jerdiń shejiresi ósedi.
Meniń elim – Qazaqstan, Otanym,
Bolashaǵy bizben birge ósedi,- deı kele, saıystyń toptarymen tanystyryp óteıin: 1 - tobymyz: «Jas qyran» 2 - tobymyz: «Barys» Muǵalim: Qurmetti oıynshylar jáne kórermender! Kelesi kezekte oıyn kezeńderine toqtalaıyq.
«Báıge»
«Kókpar»
«Ǵajaıyp alań»
«Eger de men»
«Jorǵa»
Muǵalim: Elimizdiń táýelsizdigi ata - babalarymyzdyń asqaq armanynan týǵan, búgingi urpaq qol jetkizgen uly jeńis kýágeri sizdersizder deı kele, oıynymyzdy «Báıgege» qosaıyq.
İ.«Báıge» erejesi. Ár komanda múshesi bir - birden suraqtar alyp, tez arada jaýap berýi tıis.
«Jas qyran» tobyna suraqtar:
1. Alǵashqy adamdar eńbek quraldaryn neden jasady? (tastan)
2. Keıingi paleolıtte qalyptasqan adam? («sanaly adam»)
3. Mezolıt zamanynyń úlken jańalyǵy. (mıkrolıt)
4. Neolıtti keıde qalaı ataǵan? («qysh qumyralar zamany»)
5. Adamdardyń shyǵý tegin janýarlarmen baılanystyrýy. (totemızm)
6. Eń birinshi qoldanylǵan metal (mys)
«Barys» tobyna suraqtar:
1. Pıtekantrop, sınantrop ǵylymda qalaı ataldy? («tik júretin adam»)
2. Germanıa jerinen tabylǵan mýste kezeńi adamy («neandertaldyq»)
3. Týysqandar ujymy: (rýlyq qaýym)
4. Sadaq pen jebe qaı kezeńde jasalyndy? (mezolıtte)
5. Ónimdi eńbek qashan paıda boldy? (neolıtte)
6. Eneolıttik eskertkishter tabylǵan Mańǵystaý jerindegi eldi meken (Shebir)
İİ. «Kókpar» erejesi: Maqal - máteldegi kóp núkte ornyna sózdi taýyp, orys tiline aýdarý.
1. Týǵan jerdeı... bolmas,
Týǵan eldeı el bolmas. (jer, zemlá)
2. Erinshek... isteıdi. (eki, dva)
3.... peıildi bolsa, shákirti zeıindi keledi. (ustaz, ýchıtel)
4. Bilim - teńiz, mektep -... (keme, korabl)
5. Otansyz... ormansyz bulbul. (adam, chelovek)
6. Kósem el bastar, sheshen... bastar. (sóz, slovo)
İİİ. Otanshyldyq – bilimdilik. Kóp oqyǵan, bilgeni mol adam ádiletti, aıbyndy bola alady.
Iaǵnı, qoǵam taǵdyry, bilimdi urpaq ózderińniń qolyńda. Sonymen kelesi kezeń – «Ǵajaıyp alań»
10 20 30 40
10 20 30 40
10 20 30 40
10 - dyq suraqtary: 1. Adamzat tarıhy neshe kezeńge bólinedi (3, tas, qola, temir dáýiri)
2. Alǵashqy adamdardyń eńbek quraldary(qazǵysh taıaq, úshkir tas, shoqpar, shapqy)
20 - lyq suraqtary: 1. Alǵashqy adamdardyń aýlaǵan ańdary(aıý, bızon, mamont)
2. Pıtekantroptyń qańqasy qaıdan tabyldy?(Iava araly)
30 - dyq suraqtary: 1. Bıfas degen ne?(Eki jaǵynan óńdelgen shapqysh tas qural)
2. Jer beti kúrt sýı bastaǵan kezeń(budan 100 myń jyl buryn.)
40 - tyq suraqtary: 1. Muzdyqtar erı bastaǵan kez(13myń jyl buryn)
2. Inısıasıa degen ne? (Balalar tobynan eresekter tobyna ótý)
IV. «Eger de men...» erejesi: Birneshe taqyryptar usynylady. Sonyń bireýin alyp, oqýshylar óz oıyn aıtady. Ýaqyty 3 mın, onda oqýshy sheshendik ónerin, oı qoryn, tildik baılyǵyn baıqatý qajet.
Júrgizýshi:
«Bilgenge bilim – baılyq, baǵasy artyq,
Salmaǵy san jetpeıtin qorǵasyndaı.
Úırenseń óner bilim, ónege mura,
Taýsylmas taý keniniń qordasynda» dep Omar aqyn aıtqandaı, saıysshylarymyzdyń sheshendigin baıqaıyq.
«Eger de men Prezıdent bolsam...»
«Eger de men aýyl ákimi bolsam...»
«Eger de men aqyn bolsam...»
Oqýshylar taqyryp tańdap, shyǵarmashylyqpen jumystanady.
V. «Jorǵa» erejesi. Top basshylar saıysy.
Sózder jasyrynǵan, bireýin tańdaý arqyly kerekti sózderdi toptastyrý qajet.
«Mezolıt» sózi jáne «Paleolıt»sózi. (Toptastyrý)
Ádilqazylarǵa sóz berip, toptardy marapattaý.
Muǵalim: «Dana halqymyzdyń qıalyna qanat bitken, oıy ushqyr, bilimdi jastar sendersińder. Árqaısyńnyń júregiń elim dep soǵady, elge, jerge degen súıispenshiligimizdi arttyryp, el úshin, halqyń úshin qyzmet etýge mindettimiz.
Tý tigildi halqymnyń búgin baǵyna,
Jas órender jelbiretip nyq usta.
Ǵasyrlarǵa jalǵastyryp eldikti,
Daq túsirme ata - baba aryna!
Úlgi bizdiń aǵalardyń erligi,
Ulaǵatty, ónegeli eńbegi.
Táýelsizdik týyn ustap joǵary,
Búgingi urpaq – bolar eldiń erteńi.»