InfoHub Logo

Taqyryby: Tatý dospyz bárimiz. (áńgime quratý)
Maqsaty: Dostyqqa, tatýlyqqa, baýyrmashyl bolyp ósýge tárbıeleý.
Kórnekilikter: sýret úlgileri, maqal - mátel, beıne taspa.
Ádis tásilderi: suraq - jaýap, áńgime túsindirý.

I. Sabaq barysy.
Uıymdastyrý kezeńi.
- Sálemetsińder me balalar?
- (Balalar jaýaby) Sálemetpiz.
- Qazir bizde kórkem ádebıet sabaǵy. Sabaqqa qajetti qural – jabdyqtardy alyp oqýshy erejege saı otyramyz.
Psıhologıalyq sát.
Qaıyrly kún! Árqashan kún sónbesin.
Kún nuryndaı jylýyn tóge bersin.
Kúndeı jaryq, kóńildi kúı kesheıik.
Bárimiz tatý dos bop óseıik.
Kirispe áńgime.
«Altaý ala bolsa, aýyzdaǵy ketedi, Tórteý túgel bolsa, tóbedegi keledi,» - degendeı adamdardyń berik birligi, yntymaǵy, syılasymdylyǵy bir - birine qamqorlyq tanytýynan tatýlyqty baıqaýǵa bolady. Adamdar arasyndaǵy tatýlyq, jaqsy syılastyq pen kelisimdi birliktiń kórinisi retinde dostyq qarym - qatynasqa ulasady.
Qazaqstan kóp ultty memleket. Munda ár túrli halyqtar men ulttar ókilderi turady. Olar bir – birimen týys, dos, baýyr, joldas. Bizdiń elimizde 1 MAMYR yntymaqtastyq, dostyq, beıbitshilik merekesi bolyp sanalady.
Yntymaq bar jerde baqyt bar.
Árbir ulttyń óz tili – ana tili. Adam ómirge kelgen kúnnen bastap anasynyń aınalyp, tolǵanǵan daýsyn estip, jaqsy qasıetterdi boıyna jıady. Sondyqtan da anamyz sóılegen tildi ana tili deımiz.

Sýret boıynsha áńgime quratý.

Óleń oqyp berý.
S. Ospanov "Tilegimiz - beıbit kún".
Tilegimiz — beıbit kún.
Sary, aqpyz, qaramyz,
Bárimiz de balamyz.
Bir qalada turamyz,
Bir mektepke baramyz.
Aq, qara dep bólmeımiz,
Bir jyl týǵan tóldeımiz.
Týysqanbyz, tatýmyz,
Bıikterge órleımiz.
S. Ospanov
Suraq – jaýap.
- Óleńde ne týraly aıtylǵan?
- Sender ózge ult balalarymen birge oınaısyńdar ma?
- Bir qalada, bir kóshede birge turyp, úılerine barasyńdar ma?
- Senderdiń kórshileriń qandaı ulttyń azamaty?
- Bizdiń qalamyzda ár túrli ulttar turady, al sender osy ulttardy atap bere alasyńdar ma?
- Bizdiń ol ulttarmen qarym - qatynasymyz qandaı?
- Óz mektebimizdiń ishinde qandaı ulttyń tilin meńgerip jatyrmyz.
- Osy meńgerip jatqan tilimizden óleń aıtyp bere alasyńdar ma?
- Oqýshylar aǵylshyn tilinde taqpaqtar aıtady.

Sózi Á. Dúısenbaevtiki
Áni M. Áýbákirovtiki
Jaqsylyqqa baqytqa,
Talpynǵan ór ýaqytta.
Bala bitken dos - baýyr,
Bolmasyn esh tosqaýyl.
Aqpyz, qara, sarymyz Aǵaıynbyz bárimiz.

Qorytyndy.

Aqtóbe oblysy, Áıteke bı aýdany,
Sarat orta mektebiniń mektepaldy daıarlyq top tárbıeshisi:
Jumabek Gúlsana Satqarbekqyzy