InfoHub Logo

Tatýlyq – dostyqtyń kıeli besigi

Maqsaty: Balalarǵa Qazaqstan Respýblıkasy álemde eń alǵashqy memleketterdiń biri bolyp syrttan kelgen basqa ult ókilderine altyn besik bolǵandyǵyn uǵyndyrý. Qazaqstandyq patrıotızmge, elin, jerin súıýge jáne halqyn qurmetteýge tárbıeleý. Basqa ult ókilderiniń mádenıetin, ádet - ǵurpyn syılaýǵa úıretý.
Tárbıeshi: Qurmetti ata - analar, balabaqsha ujymy sizderdi Qazaqstan Respýblıkasynyń mekendegen ulttar men ulystar dostyǵy jáne birligine kúnimen quttyqtaımyz. Búgingi «Tatýlyq - dostyqtyń kıeli besigi» taqyrybyndaǵy merekemizge qosh keldińizder. Merekemen quttyqtaý úshin balabaqsha meńgerýshisine sóz beremiz.

Tárbıeshi: Nazdanyp búgin ómir nurly kúni,
Qyr bettiń qyzǵaldaqqa tundy gúli.
Mamyr bop, aıbarly asyl asqaqtaıdy,
Eńbek, Baqyt, Bereke, Birlik kúni.

Hor: «Dostyq».
Tárbıeshi: Balalardyń merekelik taqpaqtaryn qabyl alyńyzdar:
Aqnıet: Jan bitkendeı jas taýǵa,
Shýaq oınap araıly.
Kún kúlimdep aspanda,
Mamyr áni taraıdy.
Jaıdarly jaz túrge enip,
Jadyratty janymdy.
Jer dúnıe terbelip,
Dala qala qulpyrdy.

Birjan: Sary aqpyz qaramyz,
Bárimizde balamyz.
Biz Otanda turamyz,
Biz mektepke baramyz.

Arýjan: Bir shańyraq astynda,
Tatý – tátti turamyz.
Birge ishemiz astyda,
Birge saıran quramyz.

Tárbıeshi: Beıbitshilik qusy, aq kógershin,
Bıik ushyp samǵasyn.
Tilegimizdi jerge jaısyn,
Qanattary talmasyn.

Án: «Aq kógershin»
Oryndaıtyndar: Aqnıet, Janel, Janıa

Tárbıeshi: «Dostyq» bizge tym ystyq,
Birlik, baılyq, yrys – qut.
Jarqyrasyn kúnimiz,
Jasa, jasa tynyshtyq.

Taqpaqtar: Birǵanym: Bolsyn jer men sýda ortaq,
Bolsyn bizdiń tý da ortaq.
Aqpyz, qara, sarymyz,
Aǵaıynbyz bárimiz.

Erasyl: Aq sary dep bólmeımiz,
Bir jyl týǵan tóldeımiz.
Týysqanbyz tatýmyz,
Bıikterge órleımiz.

Adelá: Bilegi bir, júregi bir,
Dostarmen birgemiz.
Týys barda quryshtan da,
Berik bizdiń irgemiz.

Ratmır: Dostyqty úlgi sanaǵan,
Bir úıde biz turamyz.
Qalǵan ata - babadan,
Birlik asyl muramyz.

Tárbıeshi: Án: «Dos bolaıyq bárimiz». Oryndaıtyndar: Shadıar, Birjan, Danıal.

Tárbıeshi: Qadirmendi bir dosymyz - orysym,
Qaltqysy joq demiń beıne óz demim.
Óz sózimdeı janǵa jaıly sózderiń,
Óz kózimdeı kúlimdeıdi kózderiń - deı otyryp bıshi qyzdarymyzdy shaqyraıyq.
Bı: «Orys» bıi.

Tárbıeshi: Kútetuǵyn osynyń ár kúnin biz,
Arnalatyn eń tátti án - jyrymyz.
Merekeli - mereıli aıdyń basy,
Qutty bolsyn birinshi – Mamyrymyz!
Án: «Maı jyry». Oryndaıtyndar: Janel, Danıal, Aızere, Birǵanym, Aqnıet, Shadıar.

Tárbıeshi: Balalardyń dostyq, yntymaq týraly danalyq sózderin qabyl alyńyzdar.

1. Yntymaq - dostyqtyń birligi (Birǵanym)
2. Yrys aldy - yntymaq (Arýjan)
3. Dostyq kúni - birlikte (Aıdos)
4. El - birligi, el teńdigi (Aıarý)
5. Yntymaq júrgen jerde
Yrys birge júredi. (Shadıar)

Tárbıeshi: Aǵaıyn – týǵan – bar adam,
Adaldyq úshin jaralǵan.
Bar qymbat týystyq,
Baıandy bolsyn tynyshtyq!

Hor «Aǵaıynbyz - bárimiz».

Tárbıeshi: Án: «Dostyq» Oryndaıtyndar: Adelá, Birǵanym.
Tárbıeshi: «El birligi – eń asyl qasıet. Birlik, yntymaq, sabyrlylyq pen parasattylyq, eń aldymen ózimizge – qazaqtarǵa kerek» dep kórgendilikpen Elbasymyz aıtqandaı, biz sıaqty kóp ultty memlekettiń damý bolashaǵynyń bir kózi – Qazaqstan halyqtarynyń birligi.

Bı: «Poppýrı»

Tárbıeshi: Sábıler kóńilin bult shalmasyn,
Gúl báısheshek esh ýaqytta solmasyn.
Tóbemizde kún kúlimdep árqashan,
Qasymyzda bolsyn máńgi anamyz.
Hor: «Árqashan kún sónbesin».

Tárbıeshi:
Qorytyndy:
1 - Mamyr merekesi dúnıe júzindegi halyqtardyń dostyǵy men birligin ataý kúni. Qazaqstan Respýblıkasynda qazirgi tańda 130 - dan astam ulttar men ulystar mekendeıdi. Tarıh kóshiniń belgili bir kezeńinde taǵdyr taýqymetin arqalap, solaqaı saıasattyń qurbanyna aınalyp, elimizge kelip qonystanǵan ulttar men ulystar úshin qazaq jeri kıeli altyn besikke aınaldy.

Endeshe, beıbitshilik jasasyn!
Yntymaqtastyq jasasyn!
Qazaqstan jasasyn!
Qazaqstan halyqtarynyń birligi jasasyn!
Osymen, búgingi merekelik keshimizdi aıaqtaımyz. Saý-salamatta bolyńyzdar!