InfoHub Logo

Kóktem aıy edi. Jomart ata kúreń-qyzyl dorbasyn arqalap, dárilik shópter jınap qaıtý úshin taý betkeıinde ketip bara jatqan. Kenet bitik ósken tobylǵy arasynan ótip bara jatyp, buǵyp jatqan ulardy baıqap qaldy. Eńkeıip jaqyndasa da qashar emes. Ataı ony qolyna alyp qaraǵanda kózi birden synǵan aıaǵyna tústi. Ony dorbasyna salyp, úıine alyp keldi. Jaraqatyn tanyp, jem berdi. Sóıtip, balasyndaı kútip, mápelep úsh aı asyrady. Mine, qońyr kúz kelip jetti.

Birde ataı aýlaǵa shyqqanda, kókte tizile ushyp bara jatqan qustardy kórdi. Bul kezde ular aýrýynan qulan-taza aıyǵyp,tipti qolǵa da úırenip qalyp edi. Jomart ata ony qoradan alyp shyǵyp, kókke qaraı ushyryp jiberdi. Ular áýeli qoshtasqandaı úıdi aınala ushyp, sodan soń taýǵa qaraı bet aldy. Bir qyzyǵy, adamdy kórse, alystan qashatyn taý qusy keler jyly ataıdyń qystaý qorasyna kelip uıa saldy. Tipti ataı shókelep namaz oqı bastaǵanda oń jaǵyna kelip, qonyp otyratyndy shyǵardy.

---