InfoHub Logo

Táýelsizdik - qazaqtyń san ǵasyrlyq armany
Maqsaty: Oqýshylarǵa qazaq halqynyń tarıhyn túsindirý, halqy úshin, jeri úshin qurban bolǵan batyrlardyń erligin dáripteý, oqýshylardy elin, týǵan jerin, halqyn súıýge, patrıottyqqa tárbıeleý.
Kórnekiligi: «Jeltoqsan jeli», «Jeltoqsan týraly slaıd», sýretter.

Barysy.
«Ánuran» oryndalady.
Muǵalim: Armysyzdar, qurmetti ustazdar, oqýshylar! «Táýelsizdik - qazaqtyń san ǵasyrlyq armany» atty tárbıe saǵatymyzdy bastaýǵa ruqsat etińizder!

1 - júrgizýshi: Qurmetti ustazdar, oqýshylar! Búgin bir dúnıeni dúr silkindirgen, Táýelsizdik týyn eń alǵash kótergen áıgili 1986 jyldyń 16 - jeltoqsanyna arnalǵan «Táýelsizdik - qazaqtyń san ǵasyrlyq armany» atty tárbıe saǵatymyzdy bastaımyz. Jeltoqsannyń yzǵaryndaǵy bozdaqtardyń rýhyn eske alyp bir sát únsizdik jarıalaımyz.......
2 - júrgizýshi: Jeltoqsan bastaýy – ǵasyrlar qoınaýynan jalǵasyp kele jatqan uly tarıhtyń belgisi.
1 - júrgizýshi: 1986 jyldyń jeltoqsanyndaǵy oqıǵaǵa 26 jyl tolypty. Ol endigi jerde qazaq halqynyń qasireti de, qasıeti de jeterlik tarıhyna aınaldy.

2 - júrgizýshi: Tarıh - burmalap bopsalasań shyryldap jylaıtyn, obal saýaby óte aýyr aqıqat.

1 - júrgizýshi: Álemdi dúr silkindirgen 1986 jylǵy Jeltoqsan oqıǵasy qazaq jerinde ulttyq sana - sezimin óz halqynyń namysyn, ar - abroıymen baılanystyrylǵan jańa býyn ósip shyqqanyn kórsetti.

1 - oqýshy.
Jeltoqsan aıy estesiń
Daýyl bop burqap eskensiń
Azattyq kúıi qashannan
Kókeıin eldiń teskensiń
«6á» Aıdana2 - oqýshy.
Shektelip ana tilimiz,
Oqylmaı óleń - jyrymyz,
Jabylyp jatsa mektepter,
Jadyrar qalaı kúıimiz?

3 - oqýshy.
Tarylyp jatsa dalamyz,
Qaıtyp biz tynys alamyz?
Qaqymyz joq aıtýǵa,
Ádilet qaıdan tabamyz?

4 - oqýshy.
Burq etti qazaq balasy,
Keýdede órship nalasy
Alańǵa qaraı aǵyldy
Taýsylyp barlyq sharasy.

Jiberdik erkin at basyn
Qıanat janǵa batqansyn.
Toqyraý taýyn kúırettik,
Dep «Teńdik kúni batpasyn»