InfoHub Logo

Taqyryby: «Táýelsizdik - tuǵyrym»
Maqsaty:
- Oqýshylardy Otanymyzdy súıýge, elimizdiń rámizderin qasterleýge baýlı otyryp, týǵan jerine degen súıispenshiligin oıatý;
- Elin, jerin, tilin, tarıhyn qurmetteıtin jany taza, adamgershiligi mol azamatty qalyptastyrý;
- Jeltoqsan oqıǵasyn negizge ala otyryp, patrıottyq tárbıe berý;
Sabaqtyń túri: ashyq tárbıe saǵaty
Kórnekiligi:
Tárbıe saǵatynyń taqyryby jazylǵan bılbord, Prezıdenttiń sýreti, Jeltoqsan qurbandarynyń sýretteri, slaıd jáne t. b.
Tárbıe saǵatynyń barysy:
I. Uıymdastyrý kezeńi
II. QR Memlekettik Ánurany
III. Oqýshylardyń sózi
IV. Táýelsizdik shejiresi
V. Beıneklıp «Jeltoqsan jeli»
VI. Táýelsizdik hronıkasy
VII. Qazaq bıi
VIII. Oqýshylardyń óleń oqýy
IX. Maqal – mátel
X. Án
XI. Qorytyndy
1. 1 Uıymdastyrý kezeńi
1. 2 Kirispe sóz
Muǵalim: Qaı halyq, qandaı ult bolmasyn óz erkindigin ańsaıdy. Ár el óziniń egemen, táýelsiz bolýyn armandaıdy. Halqymyzdyń jyldar boıy ańsaǵan izgi armandary júzege asqan kezeńde táýelsizdigimizdi aldyq.. Inshalla olar kóksegen armanǵa HH ǵasyrdyń sońyna qaraı qol jetkizdik. Sonyń arqasynda búgingi tańda óz baǵyt - baǵdaryn ustanǵan, órkenıet elder moıyndaǵan jeke memleketke aınaldyq. Osyǵan baılanysty onyń qasıetin oqýshylar boıyna sińirý, uǵyndyrý maqsatynda, búgingi táýelsizdik kúnine oraı ótkizgeli otyrǵan «Táýelsizdik - tuǵyrym!» atty tárbıe saǵatymyzǵa hosh keldińizder.
2. 1 QR Memlekettik Ánurany oryndalady.
2. 2 Mine, Táýelsizdigimizdi, egemendigimizdi tý etip jelbiretkeli 22 jyl bolypty. Osy azǵantaı ýaqyttyń ishinde eldigimizdi tanytyp, eńsemizdi kótergen qanshama uly oqıǵalar boldy. Memleketimizdiń táýelsizdik alǵaly jetken jetistikteri ǵasyrǵa para - par. Osy ótken ómir joldarymyzǵa qarasaq, ár jyldyń óz shejiresi, syry, tarıhy, qasıeti bar. Táýelsizdik jolynda talaı jandar qurban bolyp, elim dep eńirep ótkeni belgili. Talaı kezeń qıyn - qystaý, qýǵyn - súrgindi ata - babalarymyz basynan keshti.
QR Prezıdenti N. Á. Nazarbaevtyń sózi: «Biz Qazaqstannyń Táýelsizdiginiń ońaılyqpen kelmegenin bilip ony qadirleýimiz kerek. Árbir Qazaqstannyń azamaty maqtanyshpen Eltańbany, Ánurandy, týdy kóterýi kerek. Árbir azamat óz Otany úshin eńbek etýge, janyn qıýǵa mindetti.»
3. 1 Oqýshylar:
1 - oqýshy: Azattyq. Teńdik. Táýelsizdik. Osy úsh uǵymnyń saltanat qurýy úshin kimder bas tikpedi, kimder qurban bolmady.
2 - oqýshy: Táýelsizdik shejiresine kóz toqtatyp qaraıyqshy. Sonaý dúbirli batyrlar zamanynan beri eli men jeri úshin qanshama qan tógildi, qanshama adam qurban boldy.
3 - oqýshy: Abylaı zamany - batyrlar zamany. Naızanyń ushymen, qylyshtyń júzimen qasyq qany qalǵansha el men jer úshin aıqasqan babalar amanatyn jalǵastyrǵan bozdaqtar qanshama.
4 - oqýshy: Aqtandyq jyldardaǵy qazaq dep qabyrǵasy qaıysqan qaıratkerler de táýelsizdigimizge jetkizer uly jyldardaǵy qurbandar edi.
5 - oqýshy: Qashan da órshil, namysqoı, erjúrektik qasıetti bıik ustaıtyn qazaq halqy Uly Otan soǵysy jyldarynda da aıanbaı shaıqasqan.
6 - oqýshy: 1986 jyldyń 16 jeltoqsany. Qazaqtyń sanasyn silkindirgen jeltoqsan yzǵary jyldar boıy arman men táýelsizdiktiń qaınar kózi boldy.
7 - oqýshy: Bul teńdik úshin, eldik úshin bas kótergen, tipti tánin aıamaı, janyn pıda qylǵan jastarymyzdyń ańsaǵan armandarynyń, kózdegen maqsattarynyń ushqynnan jalynǵa aınalyp eńseli el bolǵan kúnimiz.
8 - oqýshy: Bul kún halqymyzdyń qýanyp, bolashaq urpaqtyń urandap eske saqtar kúni.
4. 1Bizge táýelsizdik týyn, qazaqtyń kók baıraǵyn bıik kóterip, el ekenimizdi dáleldep, dúnıe júzine tanylýymyzǵa sebep bolǵan jáne dúnıeni dúr silkindirgen Jeltoqsan oqıǵasyna bıyl 26 jyl tolyp otyr.
«Men - qazaq, qazaqpyn dep maqtanamyn,
Uranǵa «alash» degen atty alamyn» - dep azattyqty ańsaǵan, sol jolda aıanbaı qyzmet etken alash arystarynyń barlyǵy da qýǵyn – súrginge ushyrap, Stalındik qyzyl terrordyń qurbandary boldy. Sol alash qaıratkerleriniń azattyq ıdeıasyn jalǵastyrǵan, qyrshyn ketken arystardyń amanatyn arqalaǵan keıingi tolqyn ini – qaryndastary 1986 jyldyń 16 jeltoqsanynda táýelsizdik úshin kúrese bildi.
5. 1 Endeshe, «Jeltoqsan jeli» beıneklıpine nazar aýdaraıyq.
5. 2 Beıbit sherýge shyǵyp, bılik tarapynan kináli dep sanalǵan jastarymyzdyń bir bóligi qandy qyrǵynda kóz jumsa, aman qalǵandary ózderi ańsaǵan azattyqtyń qyzyǵyn kórýde. Ýaqyt emshi dep ózimizdi jubatqanymyzben, qyrshyn ketken baýyrlarymyz esimizge túsken de jan – jarasy jańǵyryp, qaıǵynyń aıyqpas dertine shaldyqqanyńdy tereń sezine túsesiń. Qaırat Rysqulbekov, Lázzat Asanova, Sábıra Muhamedjanova, Erbol Sypataev syndy aǵa - apalarymyzdy esten shyǵarmaýymyz kerek.
Osyjeltoqsanoqıǵasysaldarynanqazabolǵanjazyqsyzjastarymyzdyńrýhynabasıip, orynymyzdan turyp bir mınýt eske alaıyq!
5. 3Birmınýtúnsizdik.
6. 1Táýelsizdiktúskenjoqqoıaspannan,
Tarıhy onyń tym áriden bastalǵan.
Bodandyqtan qutqaram dep elimdi,
Talaı bozdaq qara jerdi jastanǵan.
Búginde Qazaqstan kók baıraǵy kókke jelbiregen, qazyna baılyǵyn paıdalana bilgen, urpaqtaryna ulttyq tálim – tárbıe bergen egemen el. Az ýaqyt ishinde basqalarǵa óz basymdylyǵyn kórsete bilgen, ekonomıkasy, mádenıeti órkendegen azıalyq aıbyndy memleketke aınaldy. «Bolashaqtyń barysy» degen aıdarly eldiń biri bolýǵa beldi bekem baılap, álem keńistigine boılaı enip, basym bedelge bet túzeýde. Al osy az ǵana ýaqyttyń ishinde elimizde eleýli ózgerister boldy. Endi, Táýelsizdik hronıkasyna nazar aýdaraıyq.
(slaıdta)
7. 1 Qazaq bıi «Qara jorǵa»
Oryndaıtyndar: Aızada men Ramazan
8. 1 Bizdiń týǵan jerimiz, altyn besigimiz - Qazaqstan keń baıtaq. Keń baıtaq Otanymyzdyń bir shetinen ekinshi shetine jetý úshin qus qanaty talady eken. Báz úshin Otannyń sheti de, shegi de joq.
Kóp aýzynan túspeıtin,
Otan degen nemene?
Onyń tulǵa, tús keıpin,
Dostym bilgiń kele me?
Jambyl: Áýelgi Otan - ana aldy, ottyń basy,
Aýyl aldy, aýnaǵan shóptiń qasy.
Saǵynǵanda tym ystyq kórinedi,
Jazda oınaǵan úıshik qyp saıdyń tasy.
Jasulan: Otan deımiz ot jaqqan jerimizdi,
Otan deımiz ósirgen elimizdi.
Otan deımiz týǵan jer, atameken -
Bıik taý, orman, toǵaı, kólimizdi.
- Durys, balalar, Otan degenimiz - adamnyń týyp - ósken jeri, týǵan týystarymen, jaqyndarymen turatyn mekeni.
9. 1 Al, qazir bárimiz maqal - mátelderdiń jalǵasyn tabý oıynyn oınaıyq.
10. 1Án:
Oryndaıtyn: Atapkelova Albına
11. 1 Mine, balalar, búgin ózderińdi Táýelsiz elimizdiń bolashaǵy ekenderińdi, ıaǵnı, naǵyz azamat ekendikterińdi kórsete bildińder.
Sondaı - aq elimizdiń egemendigin tanytatyn resmı erekshelik belgileri: Ana tilimiz, Eltańbamyz, Týymyz, Ata zańymyz, Ánuranymyzdy boıyndaǵy boıtumaryndaı saqtap qana qoımaı, qashanda elimizdiń, jerimizdiń erkindigin saqtar myqty urpaq, myqty azamat bolýymyz kerek.
Táýelsiz Qazaqstan - uly Otanym,
Kók týymdy qalaısha qulatarmyn.
Typ - tynysh turyp jatqan jaıymyz bar,
Bárimiz balasyndaı bir atanyń.
Elimizde baq - bereke, yrys bolsyn,
Qyzyl tilim qanjardaı qylysh bolsyn.
Halqymnyń ahýaly durys bolsyn,
Elimiz árqashanda tynysh bolsyn - deı kele búgingi «Táýelsizdik - tuǵyrym!» atty ashyq tárbıe saǵatymyzdy osymen aıaqtaımyz. Altyn ýaqyttaryńyzdy bólip, kelip tamashalaǵandaryńyzǵa kópten - kóp rahmet.