InfoHub Logo

Ǵalymdar teńiz baldyrlarynyń quramyndaǵy shekerdi otynǵa (janarmaıǵa) aınaldyratyn tehnıka oılap tapty. Aldaǵy 3-4 jyl ishinde teńiz baldyrlarynan alynatyn janarmaılar kólik túrlerine qoldanymǵa ótedi dep boljanýda. Júgeri nemese sheker qamysy sıaqty ártúrli ósimdikterden alynatyn bıootyn onsyzda qazirgi tańda qoldanylýda. Sonymen qatar azyq-túlik retinde de qoldanylýda. Bulardy óndirý úshin kóp mólsherde egistik jer, taza sý jáne tyńaıtqysh qajet. Alaıda teńiz baldyryn ósirý úshin bulardyń eshbiri qajet emes.

Bıoarhıtektýr laboratorıasyndaǵy jáne Vashıngton ýnıversıtetindegi zertteýshiler mıkrobtarda algınat bólshekteýshi genderdi tabýdy jáne bulardy E.coli bakterıasyna qosýdy júzege asyrdy. Erekshe túrde jetildirilgen osy E.coli bakterıasy qońyr tústi teńiz baldyrlarynan bıoetanol óndirilýin qamtamasyz etedi. Bıoetanoldy benzınge aralastyrýǵa bolady jáne az ǵana ózgertip nemese múldem ózgertpesten avtokólikterde qoldanýǵa bolady. Bul máseledegi eń kúrdeli kedergi, teńiz baldyrlaryn jetkilikti mólsherde óndire alýdy qamtamasyz etý. Jeý úshin jylda birneshe tonna egiledi eken, biraq teńiz baldyry otyn retinde qoldanylatyn bolsa mıllıardtaǵan tonna óndirý qajet bolady.  

---