InfoHub Logo

Taqyryby: «Til tiregimiz, soǵyp turǵan júregimiz»
Maqsaty:: Oqýshylardyń óz ana tiline degen qurmet sezimin arttyrý, til mártebesin kóterý, taza sóıleýge úıretý, óz ultyna, eline degen súıispenshiligin oıatý. Ana tilimizdiń tuǵyrynyń myqty bolýyna negiz qalaǵan babalarymyzdyń ósıetin uran etý, qazaq tiliniń mártebesin kóterý.
Kórnekiligi: vıdeolar
Barysy:
Qaıyrly kún, Ana tilin ardaq tutar til janashyrlary! Armysyzdar, órli de, asqaq rýhty táýelsiz eldiń jas ulandary! Qazaqstan Respýblıkasy halyqtarynyń tilder kúnine arnalǵan «Til tiregimiz, soǵyp turǵan júregimiz» atty is - sharamyzǵa qosh keldińizder!
Tárbıe saǵaty elimizdiń ánuranymen ashylady.
Júrgizýshi:
Qaıta týdy qazaǵymnyń aı - kúni
Kúnnen - kúnge asar ma eken aıbyny?
Jetpis jylda ótti talaı keshýden
Qatar kórip shattyq, tabys, qaıǵyny – demekshi ana tilimiz týraly vıdeorolıkke nazar aýdaraıyq.
Vıdeorolık oınatylady.
Júrgizýshi:
Qazaqpyn men, qazaqtyń bólshegimin,
Qajeti ne basqanyń ólsheminiń
Qazaq degen jalǵyz ult men bolamyn,
Endi mine jetedi kópke únim.

Ortaǵa «aǵylshyn tili» úıirmesiniń tárbıelenýshileri shyǵady.
Ádebı montaj.
(qazaq tilinde, aǵylshyn tilinde jáne orys tilinde til týraly óleń shýmaqtary oqylady)
Án: «Qazaq eli»
(vıdeorolık oınap turady)
Júrgizýshi:
Qalyń elim qazaǵyma qorǵan bol!
Jetkinshegim jaıqala ósip orman bol,
Shetel tili men kompúterdi meńgerip,
Elge tire, naǵyz ulttyq tulǵa bol!
Ortada «dombyra» úıirmesiniń tárbıelenýshileri shyǵady.
Kúı: «Balbraýn»
Júrgizýshi:
Asyl sózdi izdeseń,
Abaıdy oqy, erinbe.
Adamdyqty kózdeseń,
Jattap toqy kóńilge - demekshi ortaǵa «Úsh bıimizdi» somdaıtyn oqýshylarymyzdy shaqyraıyq.

Kórinis: «Úsh bı»
(bılerdiń ósıetti sózderin aıtyp beredi)

Tóle bı: Ýa, halqym, sóz qadirin bilesiń;
Jańbyr jaýsa jer jetim,
Basshysy bolmasa jer jetim,
Uqpasqa aıtqan sóz jetim...
Atyń jaqsy bolsa
Er jigittiń pyraǵy.
Balań jaqsy bolsa,
Jan men tánniń shyraǵy.

Qazybek bı: Aty jamannyń armany keter.
Balasy jamannyń dármeni keter.

Áıteke bı; Bıikke shyqsań, kóziń ashylady
Jaqsymen joldas bolsań, kóńiliń ashylady

Tóle bı: Sóz tanyǵysh jastarǵa aıtar on túrli jumbaǵym bar,
Áıteke bı: Aıtyńyz uly aǵa.
Tóle bı: Aıtsam on túrli jumbaǵym mynaý; bir, eki, úsh, tórt, bes, alty,
Jeti, segiz, toǵyz, on.
Daýys: Bul ne degen jumbaq? Osyndaı da jumbaq bola ma?
Qazybek bı: Uly aǵa! Bul jumbaǵyńyzdy men shesheıin, ruqsat etińiz.
Tóle bı: Ruqsat, qaz daýysty Qazybegim, ruqsat»

Qazybek bı: Bir degenińiz - birligi ketken el jaman.
Eki degenińiz - egesip ótken er jaman.
Úsh degenińiz - úsh butaqqa bólingen aǵaıyn jaman.
Tórt degenińiz - tósekten bezgen jas jaman
Bes degenińiz - belsenip shapqan jaý jaman.
Alty degenińiz - asqynyp ketken dert jaman
Jeti degenińiz - jesir qalǵan jas jaman.
Segiz degenińiz - serpilmegen qaıǵy jaman.
Toǵyz degenińiz - torqaly toı, topyraqty
Ólimge bas kórsetpese, sol jaman.
On degenińiz - ońalmas kárilikke daýa bolmas - degen
sózińiz, uly aǵa!

Tóle bı: Rahmet, dál taýyp sheshtiń, oıy da, tili de júırik tulparym meniń...

Áıteke bı: Sýalmaıtyn sýat joq.
Tartylmaıtyn bulaq joq.
Tamyry sýda tursa da,
Ýaqytysy jetkende
Quralmaıtyn quraq joq...
Tek jaqsydan ólmeıtin sóz qalady.

Tóle bı: Durys aıtasyń, Áıteke. Al, qaz daýysty Qazybek bı, mynaý jıylǵan halaıyqqa ne aıtasyń?

Qazybek bı: Órkenim óssin deseń,
Kekshil bolma -
Kesapaty tıer elińe.
Elim óssin deseń,
Órshil bolma -
Óshkenińdi óshirersiń.
Basyna is túsken paqyrǵa
Qastyq qylma -
Qaıǵysy kósher basyńa
Janashyry joq jarlyǵa,
Járdemshi bol asyǵa
Qıyn - qystaý kúnderde
Ózi keler qasyńa.
Búgin saǵy syndy dep,
Jaqynyńdy basynba.

Tóle bı: Sóziń asyl, qaz daýysty Qazybek!
Ýa, halaıyq!
Kósile shabar jeriń bar,
Taý kótergen eriń bar!
Qol bolarlyq eliń bar,
Atadan qalǵan sara jolyń bar!
Sóz qadirin bilińder!

Bı: «Dombyra»
Júrgizýshi:
Tilim meniń!
Tilim úshin myń ólip, tirildi elim,
Aralymmen,
Arymmen qatar qoıyp,
Tildi qorǵaý – paryzym búgin meniń.

Án: «Saryarqa»
Júrgizýshi:
Ana tilimizdiń mártebesi asqaqtaı bersin!
Ana tilimiz tek bıikterden kórinip, órkendeı bersin!
Kelesi kezdeskenshe aman - saý bolaıyq.