InfoHub Logo

H.Dosmuhameduly atyndaǵy orta mektebi
Qazaq tili men ádebıeti páni muǵalimi Anar Arystanǵalıeva

“Tilim meniń – tirligim meniń” ashyq jýrnal

Maqsaty:
Ana tilin tereń meńgerýge qushtarlyqtaryn oıatý;
Ana tiliniń keń qanat jaıýyna úles qosýǵa, maqtan tutýǵa tárbıeleý
kórnekiligi: slaıdtar, plakatqa jazylǵan ulaǵatty sózder, shar, kompúter, prezentasıa, aqyn jazýshylar portreti

Muǵalim: Qurmetti dostar, ustazdar!
Sizderdi Qazaqstan Respýblıkasy halyqtarynyń tilder merekesimen quttyqtaımyn.

Tilim meniń - bolashaqtyń bastaýy,
Tilim meniń - júregimniń qalaýy.
Til degeniń asyl dúnıe ardaǵym,
Tek baǵalaı bilseń ǵana bolǵany.

Tilim meniń-ómirdegi yrysym,
Tilim meniń-qazba baılyq myryshym.
Tilim meniń-ol qatynas quralym,
Tilim meniń- ol sarqylmas bulaǵym.

1-júrgizýshi:
Qyrkúıektiń 22-si Qazaqstan Respýblıkasy halyqtarynyń tilderi kúni bolyp jarıalanýy asa mańyzdy áleýmettik qadam.Ol eń aldymen tilge, sol arqyly jasalatyn mádenıet pen ónerge degen
qoǵam men memleket tarapynan kórsetilýi tıis iltıpattyń bir ónegesi.
2-júrgizýshi:
Táýelsiz elimizdiń qoǵamdyq ómirinde ózgeshe oryn alǵan bul ult tilderine qurmet kórsetiletin meıram. Adamnyń jas kúninen ata-anasyna aınalasyndaǵy eresekterge basynda elikteý arqyly úırenip, keıin tabıǵı túrde birte-birte eselene otyryp, qoǵamdyq turmysta ózgelermen ómir boıy uǵynysatyn negizgi qatynas quraly, týǵan halqynyń tili-ana tili.
1-júrgizýshi:
Ana tili halyqtyń jazýy joq kitaby, mektebi joqta ustazy bolǵan.Ana tili halyq ósip, órkendese damıdy da, halyq joǵalsa qurıdy.

1-oqýshy:Oıymdy Ana tilmen oıýlaımyn,
Júrekte Ana tilsiz, qoıýlar muń.
Qudiretti tilimniń arqasynda,
eshqashan, jer betinen, joıylmaımyn.

2-oqýshy:
Ar tutyp ardaqtaǵan azamatyn,
Bar oıyn, ana tilmen jazdy aqyn.
Salt –sana, ana tilden aıyrǵanda,
Joıýǵa jantalasty-aý, qazaq aqyn...

3-oqýshy
Sezimniń tilmen tógip kestelerin,
Ǵasyrdan ǵasyrlarǵa kóshti ónerim.
Ultymnyń ana tili ǵoı, Ar tańbasy,
Til óshpese, meniń de óshpegenim!