InfoHub Logo

Sabaqtyń taqyryby: Tilim meniń – tirligimniń aıǵaǵy
Sabaqtyń maqsaty:
1. Bilimdilik: Til týraly taqyrypty ala otyryp, saýatty sóıleýge, qazaq tiliniń mártebesin kótere bilýge qalyptastyrý, til baılyǵyn arttyrýǵa yqpal etý
2. Damytýshylyq: Til tóńiregindegi bilimderin ushtastyra otyryp, oı - belsendiligin damytý, shyǵarmashylyq izdeniske baǵyttaý, izdenimpazdyq qasıetterin arttyrý, sóıleý mádenıetin jetildirý
3. Tárbıelik: Patrıottyq sezimin oıatyp, tilin, Otanyn, elin, jerin súıýge, salt - dástúrin, tarıhyn qurmetteýge tárbıeleý
Kórnekilikter: slaıd, qanatty sózder, aqparattyq tehnıkalar

İ. Uıymdastyrý
Muǵalim: Bizdiń Otanymyz baıtaq ta, baı el. Elimizde kóptegen ult ókilderi turady. Ár halyqtyń óz ana tili bar. Ana tili adam balasynyń boıyna ana sútimen kirip boıǵa taraıdy. Ana sútimen boıymyzǵa daryǵan qazaq tiliniń qudirettiligi órliginde, orasan zor baılyǵynda. Búgingi «Tilim meniń - tirligimniń aıǵaǵy» atty tárbıe saǵatymyzdy bastamas buryn myna vıdeorolıkke nazar aýdaraıyq.

Vıdeorolık (Til - ulttyń basty negizi)
1 - júrgizýshi: Qazaq dalasy, qazaq jeri, qazaq ulty qandaı qıynshylyqtardy bastan ótkizbedi deseńizshi....
2 - júrgizýshi: Biz qazaq degen mal baqqan elmiz, biraq eshkimge soqtyqpaı jaı jatqan elmiz. Elimizden qut - bereke qashpasyn dep, jerimizdiń shetin jaý baspasyn dep naızaǵa úki taqqan elmiz, basymyzdan sóz asyrmaǵan elmiz.
1 - júrgizýshi: Til - ulttyń belgisi, halyqtyń murasy, dúnıetanym quraly. Halyqtyń tarıhta qalýy tiline baılanysty. «Tili joǵalǵan halyqtyń ózi de joǵalady» degen sózdi jadymyzdan shyǵarmaıyq.
2 - júrgizýshi: Til halyq tarıhy, til ulttyq qazyna, til bizdiń namysymyz, arymyz, baılyǵymyz, barymyz.
1 - júrgizýshi: Búgingi kúni «El taǵdyry - til taǵdyry» degen sózdiń mánin tereń paıymdasaq, memleketimizge táńir syılaǵan táýelsizdigimizdiń tiregi til ekendigin júregimizben sezindik.
2 - júrgizýshi: Sol elimizdiń tiregine aınalǵan «Til týraly zańnyń» tarıhyna nazar aýdaraıyq. (Interaktıvti taqta arqyly ár jylǵa toqtalyp, memlekettik tilimizdiń qalyptasýyn oqýshylar tanystyryp shyǵady.)
1 - oqýshy: 1989 jyl 22 - qyrkúıek. Qazaqstan Respýblıkasyndaǵy tilder týraly zań qabyldanyp, qazaq tiline «Qazaqstan Respýblıkasynyń memlekettik tili» mártebesi berildi.
2 - oqýshy: 1993 jyl 28 - qańtar. Qazaqstan Respýblıkasynyń tuńǵysh Konstıtýsıasy qabyldanyp, onda qazaq tili «Qazaqstan Respýblıkasynyń Memlekettik tili» bolyp bekitildi.
3 - oqýshy: 1995 jyl 30 - tamyz. Respýblıkalyq referendýmda Qazaqstan Respýblıkasynyń jańa Konstıtýsıasy qabyldanyp, Konstıtýsıanyń 7 - babynda «Qazaqstan Respýblıkasynyń Memlekettik tili - qazaq tili»,- delingen.
4 - oqýshy: 1997 jyl 11 - shilde. Qazaqstan Respýblıkasyndaǵy tilder týraly Zań Parlamentke qaıtadan talqylanyp, ol Qazaqstan Respýblıkasynyń Prezıdentiniń Jarlyǵymen bekitildi. Bul Zań boıynsha qazaq tili - Qazaqstan Respýblıkasynyń Memlekettik tili, qazaq halqynyń ulttyq tili bolyp esepteledi,- degen. Qazaqstan Respýblıkasyndaǵy til týraly Zań 6 taraý, 27 baptan turady. (Oqýshylar zańnyń ár taraý, babyn jatqa kezekpen aıtady)
3 - bap: Til týraly zańdar Qazaqstan Respýblıkasynyń azamattaryna, Qazaqstan Respýblıkasynda turaqty turatyn sheteldikterge jáne azamattyǵy joq adamdarǵa qoldanylady.
4 - bap. Qazaqstan Respýblıkasynyń memlekettik tili - qazaq tili.
Memlekettik tildi meńgerý - Qazaqstan Respýblıkasynyń árbir azamatynyń paryzy.
5 - bap: Memlekettik uıymdarda jáne jergilikti ózin - ózi basqarý oryndarynda orys tili resmı túrde qazaq tilimen teń qoldanylady.
6 - bap: Qazaqstan Respýblıkasynyń azamatynyń ana tilin qoldanylýyna, qarym - qatynas, tárbıe, oqý jáne shyǵarmashylyq tilin erkin tańdaýyna quqyǵy bar.
7 - bap: Qazaqstanda memlekettik tildiń jáne basqa da tilderdiń qoldanylýyna jáne olardy úırenýge kedergi keltiretin laýazymdy adamdardyń is - áreketteri Qazaqstan Respýblıkasynyń zańdaryna sáıkes jaýaptylyqqa ákep soqtyrady.
13 - bap: Qazaqstan Respýblıkasynda sot isi memlekettik tilde júrgiziledi, al qajet bolǵan jaǵdaıda, sot isin júrgizýde orys tili nemese basqa tilder memlekettik tilmen teń qoldanylady.