InfoHub Logo

Marshall Brús Meters III Mıssýrı shtatyndaǵy Sent-Djozef atty kishkentaı qalashyqta 1972 jyldyń 17-shi qazanynda dúnıege keldi. Ata-anasy jergilikti mýzykanttar edi. Anasy 15-jasynda kúıeýge shyqty. Biraz ýaqyttan soń, Marshalldyń ákesi otbasyn tastap, Kalıfornıaǵa ketip qalady, sodan beri ulymen kórispeıdi. Bala kezinde, Emınem anasy ekeýi shtattan-shtatqa kóship, bir jerde bir jyldan asa ýaqyt turǵan emes. Emınemniń jasóspirim kezinde ákesine jıi hat jazyp turǵanymen, jiberilgen hattar árdaıym «jiberýshige qaıtaryp berý» degen shtamppen qaıtyp kele bergen eken. 

Dostaryny, otbasy jáne synyptastary Marshalldy jıi býllıngke ushyraıtyn, jalǵyzsyrap júretin biraq, baqytty bala dep sıpattaıtyn. Mysaly D’Andjelo Beılı jas Marshalldy dárethanada qatty soqqyǵa jyqqany sonshalyq, basyn jaryp tastaǵan kórinedi. Balalyq shaǵynyń kóp ýaqytyn Emınem Detroıttyń kóbine afroamerıkandyqtar turatynn aýdanynda ótkizgen. Emınem turǵan kóshede bar bolǵany úsh aq násildi otbasy ómir súrgendikten, qara násildiler Emınemdi jıi soqqyǵa jyǵatyn bolǵan. Sabaqty kóp ótkizip, nashar baǵa ala bergeni úshin, ol toǵyzynshy synypta úsh jyl boıy qala berip, keıin 17 jasynda múldem mektepti tastap ketedi. 

Anasyna kómektesý úshin Marshall birneshe jumysta isteýge májbúr bolǵan. Anasy úıde joq bolǵan kezde, Emınem radıony qosyp, ózi de án jazyp bastaǵan. Rep degendi alǵashqy ret Ronnı atty týysqan aǵasy alyp bergen kassetadan tyńdap kóredi, keıinnen sol Ronnı Emınemniń mýzykadaǵy tálimgeri bolady. Biraq 1991 jyly Ronnı ózin-ózi óltirip, sýısıd jasaıdy. Osydan keıin Emınem qatty depressıaǵa ushyrap, tipti sol aǵasynyń jerleýine barmaıdy.

14 jasynda Emınem mekteptegi dosy Maık Rýbımen birge «Manix» (Rýbı) ı «M&M» degen atpen rep oqyp bastaıdy. «M&M» Marshall Meters degendi bildirgenimen, oqylǵany Emınem bolǵandyqtan, búgingi kúnge deıin uly reperdi osy atymen tanımyz.

---